Jokristo duto biro romo gi akwede kata sand kinde moro e ngimagi. Be mano onego mi wabed maluor?

1. Ere kaka wang’eyo ni ibiro sandwa?

Muma nyisowa maler niya: “Ji duto ma dwaro chiwore chuth ne Nyasaye gi ngimagi ka gin e winjruok achiel gi Kristo Yesu, bende ibiro sand.” (2 Timotheo 3:​12) Ne osand Yesu nikech ne ok oriwo lwedo piny Satan. Wan bende ok wariw lwedo pinyni, omiyo ok kawwa gi wuoro sama isandowa gi sirkande mag pinyni kata riwruoge mag dinde.​​—Johana 15:​18, 19.

2. Ere kaka wanyalo ikore ne sand?

Onego wateg geno ma wan-go kuom Jehova sani. Many thuolo mar wuoyo kode e lamo pile ka pile kendo isom Muma. Dhi e chokruoge ma ok ibari. Timo gigo duto biro miyi teko mar nano e sand moro amora ka in gi chir, kata bed mana ni sandno wuok kuom joodu. Jaote Paulo ma bende ne osand nyading’eny nondiko niya: “Jehova e jakonyna; ok abi luor.”​​—Jo-Hibrania 13:6.

Bende, wanyalo bedo gi chir ka walendo kinde ka kinde. Sama walendo, wapuonjore geno kuom Jehova kendo timo kamano konyowa mondo kik waluor dhano moro amora. (Ngeche 29:25) Ka in gi chir mar lendo sani, mano biro konyi kata mana e kinde ma sirkal temo geng’owa mondo kik walend.​​—1 Jo-Thesalonika 2:2.

3. Ere kaka nano e sand konyowa?

En adier ni ok wamorga sama isandowa, kata kamano, sama wanano e sand, mano miyo yiewa medo bedo motegno. Wamedo sudo machiegni gi Jehova nikech waneno kaka okonyowa sama wawinjo ka gima ok wanyal dhi nyime nano. (Som Jakobo 1:​2-4.) Jehova winjo lit sama wachandore, kata kamano, obedo mamor ka wadhi nyime nano. Muma wacho niya: “Ka po ni unano e chandruok moro nikech usetimo gima ber, mano en gima long’o e wang’ Nyasaye.” (1 Petro 2:​20) Mich ma Jehova biro miyo jogo monano nyaka giko, en ngima ma nyaka chieng’ e piny ma onge ng’at ma biro kwedo lamo madier.​​—Mathayo 24:13.

 TIM NONRO

4. Inyalo nano sama joodu kwedi

Yesu nong’eyo maler ni nitie joodwa moko ma samoro ok bi dwaro ni walam Jehova. Som Mathayo 10:​34-​36, kae to uwuo e wi penjo ma luwoni:

• Ang’o ma nyalo timore sama ng’ato oyiero mar tiyo ne Jehova?

5. Dhi nyime lamo Jehova kata ka isandi

 6. Jehova biro konyi nano

 PUONJ MADUONG’

Jehova mor gi kinda ma watimo e tiyone kata bed ni isandowa. Onyalo konyowa mondo wadhi nyime nano!

Ang’o ma ipuonjori?

• Ere kaka Jokristo ong’eyo ni ibiro sandgi?

• Ang’o minyalo timo sani mondo iikri ne sand minyalo yudo?

• Ang’o ma nyalo konyi bedo gadier ni inyalo tiyo ne Jehova kata sama iromo gi tembe?