59-ШЕ УРОК
Те поктылмашым чытен лектын кертыда
Кажне христиан кунам-гынат шыгыремдымаш да поктылмаш дене тӱкна. Тидын деч мыланна лӱдман мо?
1. Мемнам поктылаш тӱҥалыт манын, кушеч палена?
Библийыште возымо: «Христос Иисус дене ушнен, Юмым пагален илаш шонышо-влак чылан поктылмо лийыт» (2 Тимофейлан 3:12). Иисус Сатанан тӱняжлан йот еҥ лийын, сандене тудым поктылыныт. Меат тиде тӱнялан йот еҥ улына, садлан она ӧр, кунам вуйлатыше-влак да религиозный организаций-влак мемнам поктылыт (Иоаннын 15:18, 19).
2. Кузе поктылмашлан ямдылалтын кертына?
Мыланна уже кызытак Иеговалан ӱшанымынам пеҥгыдемдаш кӱлеш. Тудлан кумалашлан да Библийым лудашлан кажне кечын жапым ойырыза. Кажне вашлиймашыш коштса. Тиде тыланда кеч-могай поктылмашым чыташ вийым пуа. Лишыл еҥда-влак тендам поктылыт гынат, те чытен лектын кертыда. Апостол Павел, кудыжым чӱчкыдын поктылыныт, возен: «Господь мыланем полшышо, ом лӱд» (Еврей-влаклан 13:6).
Тыгак кунам ме чӱчкыдын таныклена, ме Иеговалан ӱшанаш да еҥ-влак деч лӱдмашым сеҥаш тунемына (Притчи 29:25). Уже кызытак лӱддымын таныклаш тыршена гын, тунам ончыкыжым, кунам вуйлатыше-влак таныклымаш пашам чарат, ме таныклымынам она чарне (1 Фессалоникысе-влаклан 2:2).
3. Нелылыкым чытен лектына гын, тиде могай пайдам конда?
Мутат уке, мыланна огеш келше, кунам мемнам поктылыт. Но поктылмашым чытена гын, ӱшанымашна пеҥгыдемеш. Вийна пытымеке, ме ужына, кузе Иегова мыланна полша. Тидлан кӧра ме тудын дек лишемына. (Иаковын 1:2—4 лудын лекса.) Кунам ме орланена, Иегован чонжо коршта, но кунам ме тудлан ӱшанле кодына, тудо чот куана. Библийыште ойлалтеш: «Порым ыштымыланда кӧра орлыкым чытеда гын, тиде Юмын ончылно келшыше» (1 Петрын 2:20). Ме Иеговалан ӱшанле кодына гын, тудо мыланна у тӱняште курымашлык илышым пуа. Тушто чыланат Иеговалан служитлаш тӱҥалыт да нимогай поктылмаш огеш лий (Матфейын 24:13).
КЕЛГЫНРАК ШЫМЛЕН НАЛЗА
Пален налза, поктылмо годым Иеговалан ӱшанле кодаш мо полша да кузе тудо мемнам суапландара.
4. Те ешыште поктылмым чытен кертыда
Иисус мемнам шижтарен: ешыштына южышт Иеговалан служитлымыналан тореш лийыт. Матфейын 10:34—36 лудын лекса да вашмутым пуыза:
-
Кунам ешыште иктажше Иеговалан служитлаш решенийым луктеш, весе-влакын могай реакцийышт лийын кертеш?
Теве илыш гыч ик пример. ВИДЕОРОЛИКЫМ ончалза да вашмутым пуыза:
-
Родыда але йолташда тыланда Иеговалан служитлаш мешаяш тӱҥалеш гын, те мом ыштеда?
Псалом 26:10 да Маркын 10:29, 30 лудын лекса. Кажне ужашым лудын лекме деч вара вашмутым пуыза:
-
Кузе тиде сӧрымаш родо ден йолташ-влакын поктылмыштым сеҥен лекташ полшен кертеш?
5. Поктылмым ончыде, Иеговалан умбакыжат служитлыза
Кунам весе-влак мыланна Иеговалан служитлаш мешаят, мыланна лӱддымӧ лияш кӱлеш. ВИДЕОРОЛИКЫМ ончалза да вашмутым пуыза:
-
Тиде видеоролик гыч пример-влак ӱшанымашдам кузе пеҥгыдемдат?
Апост. пашашт 5:27—29 да Еврей-влаклан 10:24, 25 лудын лекса. Кажне ужашым лудын лекме деч вара вашмутым пуыза:
-
Вуйлатыше-влак мыланна таныклаш да пырля погынаш чарат гынат, молан ме умбакыжат Иеговалан служитлена?
6. Иегова тыланда чылажымат чытен лекташ полша
Уло тӱня мучко Иегован Таныкше-влак — йоча-влакат, кугурак-влакат — поктылмашым ончыде, Иеговалан служитлат. Кушеч нуно вийым налыт? ВИДЕОРОЛИКЫМ ончалза да вашмутым пуыза:
-
Тиде Танык-влаклан Иеговалан ӱшанле кодаш мо полшен?
Римлян-влаклан 8:35, 37—39 да Филиппысе-влаклан 4:13, УТ лудын лекса. Кажне ужашым лудын лекме деч вара вашмутым пуыза:
-
Те кеч-могай нелылыкым сеҥеда манын, молан ӱшанен кертыда?
Матфейын 5:10—12 лудын лекса да вашмутым пуыза:
-
Молан те поктылмо годымат пиалан лийын кертыда?
Миллионло Иегован служитлышыже поктылмашым чытен лектын. Теат чытен лектын кертыда!
ИКТАЖ-КӦ КАЛАСЕН КЕРТЕШ: «Поктылмашым мый чытен ом лек».
-
Могай библийысе почеламут-влак тыгай еҥым пеҥгыдемден кертыт?
ТӰҤ ШОНЫМАШ
Иегова чот акла, кунам ме поктылмашым ончыде тудлан служитлена. Тудын полшымыж дене ме чылажымат чытен лектын кертына!
Ушештарымаш
-
Молан христиан-влак нуным поктылмылан огыт ӧр?
-
Кузе те уже кызытак поктылмашлан ямдылалтын кертыда?
-
Поктылмым ончыде Иеговалан служитлен кертыда манын ӱшанаш мо полша?
ЕШАРТЫШЛАН
Тиде видеороликыште самырык иза каласкала, кузе Иегова тудлан казаматыште нейтралитет верч шинчымыж годым полшен.
Ик еш мужырлан шуко ий шуйнышо поктылмаш годым Иеговалан ӱшанлын служитлаш мо полшен, пален налза.
Поктылмо годым лӱддымӧ лияш мо полша, пален налза.
«Поктылмашлан кызытак ямдылалтса» («Орол башне» июль, 2019 ий)
Кунам лишылна-влак мемнам шыгыремдат, кузе лийман? Тынысым аралаш да тугодымак Иеговалан ӱшанле кодаш мо полша?
«Чын „тыныслыкым огыл, кердым“ конда» («Орол башне» октябрь, 2017 ий)
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
