SAK 59
Y tõe n kell n saka a Zeova, baa b sã n wa namsd-y
Baa kaoosda, neb n na n bao n kɩt tɩ d bas a Zeova tũubu, bɩ n pʋd n nams tõnd d tũudmã yĩnga. Woto segd n kẽes-y-la rabeem bɩ?
1. Bõe yĩng tɩ d miẽ tɩ d na n paama namsg d tũudmã yĩnga?
Biiblã pʋgẽ, b yeta vẽeneg yaa: “Neb nins fãa sẽn dat n tũ Kirist Zeezi n vɩɩmd wẽn-sakr pʋgẽ wã me na n paama namsgo.” (2 Tɩmote 3:12) A Zeezi paama namsgo, bala a ra pa a Sʋɩtãan dũniyã rẽnd ye. Tõnd me pa dũniyã rẽnd ye. Dẽnd dũni-kãngã goosneema-rãmbã la tũudmã siglsã sẽn namsd tõndã pa lingd tõnd ye.—Zã 15:18, 19.
2. Wãn to la d tõe n segl d meng namsg yĩnga?
Yaa tɩlɛ tɩ d maneg n kɩs a Zeova sɩd masã menga. Baood-y sẽk daar fãa n pʋʋsd-a la y karemd a Gomdã. Kẽnd-y tigissã n pa vaandẽ ye. Bõn-kãensã fãa maaneg na n kõ-y-la raood tɩ y tõog toog namsg buud fãa sasa, baa yaa y zakã rãmb n namsd-y. Tẽn-tʋmd a Poll b sẽn da wae n namsdẽ wã yeelame yaa: “A Zeova yaa mam sõangda. Mam pa na n zoe rabeem ye.”—Ebre-rãmbã 13:6.
D sã n moond koɛɛgã wakat fãa, rẽ me tõe n sõnga tõnd tɩ d paam raood n paase. Koɛɛgã mooneg sõngda tõnd tɩ d teeg a Zeova, la d ra zoe ninsaal ye. (Yel-bũnã 29:25) Y sã n modg n paam raood masã n moond koɛɛgã, na n sõng-y lame tɩ y segl y meng sõma n na n ket n moond koɛɛgã, baa goosneema wã sã n wa gɩdg d koe-moonegã.—1 Tesalonik rãmbã 2:2.
3. D sã n kell n sak a Zeova namsg taoore, wãn to la rẽ nafd tõndo?
Yaa sɩd tɩ d sã n paamd namsgo, pa sũ-noog bũmb ye. La d sã n kell n tõog toogo, n pa koms raood n base, d tẽebã pãng paasdame. Tõnd ne a Zeova zoodã pãng paasdame, bala d paamdame t’a sõng-do, d sẽn wat n tagsdẽ tɩ d pa le tar pãngã. (Karm-y Zak 1:2-4.) B sẽn namsd tõndã sãamda a Zeova sũuri. La a sã n ne d sẽn tõogd toogã, a sũur noomame. Biiblã pʋgẽ, b yetame yaa: “B sã n namsd yãmb y sẽn maand neer yĩng tɩ y tõogd toogo, rẽ yaa bũmb sẽn tat Wẽnnaam yam.” (1 Pɩyɛɛr 2:20) A Zeova na n keoo neb nins fãa sẽn tõogd toogã, n kõ-b vɩɩm sẽn kõn sa dũni-paalgã pʋgẽ. Be, nebã fãa na n tũud a Zeova tɩ gɩdgr kae ye.—Matiye 24:13.
D BAO N BÃNG N PAASE
D ges bũmb ning sẽn kɩt tɩ d tõe n kell n maan sɩd ne a Zeova baa b sã n wa namsd tõnd d tũudmã yĩnga, la a Zeova sẽn na n keo-d to-to.
4. Y tõe n tõoga toogo, baa y zakã rãmb sã n wa namd-y y tũudmã yĩnga
A Zeezi ra mii vẽeneg tɩ tõnd zakã neb kẽer tõeeme n pa rat tɩ d tũ a Zeova ye. Karm-y Matiye 10:34-36, tɩ rẽ poor bɩ y leok sokrã:
-
Zak pʋgẽ, nin-yend sã n yãk yam n na n tũ a Zeova, bõe la zakã neb a taabã tõe n maane?
Sẽn na yɩl n yã makr rẽ wɛɛngẽ, bɩ y ges VIDEO wã, tɩ rẽ poor bɩ y leok sokrã.
-
Y roagd bɩ y zoa sã n baood n na n kɩt tɩ y bas a Zeova tũubu, bõe la y na n maane?
Karm-y Yɩɩn-sõamyã 27:10 la Mark 10:29, 30. Vɛrse fãa kareng poor bɩ y leok sokrã:
-
Wãn to la pʋlen-kãngã tõe n sõng yãmba, y zakã rãmb bɩ y zo-rãmb sã n wa baood n na n kɩt tɩ y bas a Zeova tũubu?
5. D ket n tũud a Zeova, baa b sã n wa namsd tõnd d tũudmã yĩnga
Yaa tɩlɛ tɩ d tall raoodo, d taabã sã n wa baood n na n kɩt tɩ d bas a Zeova tũubu. Ges-y VIDEO wã, tɩ rẽ poor bɩ y leok sokrã.
-
Video wã pʋgẽ, wãn to la neb toor-toorã mak-sõngã kengd yãmb raoodo?
Karm-y Tʋʋm 5:27-29 la Ebre-rãmb 10:24, 25. Vɛrse fãa kareng poor bɩ y leok sokrã:
-
Bõe yĩng tɩ d segd n kell n wɩng ne a Zeova tũubu, baa goosneemã sã n gɩdg d koe-moonegã wall d tigissã?
6. A Zeova na n sõnga yãmb tɩ y tõog toogo
A Zeova Kaset rãmb sẽn be dũniyã zĩis toɛy-toɛya, kãsemb la kom-bɩɩs fãa n kell n wɩng ne a Zeova tũubu, baa b sẽn paam namsg b tũudmã yĩngã. Sẽn na yɩl n bãng bũmb ning sẽn sõng-ba, bɩ y ges VIDEO wã. Rẽ poor bɩ y leok sokrã.
-
Video wã pʋgẽ, bõe n sõng a Zeova Kaset rãmb kãensã tɩ b tõog toogo?
Karm-y Rom dãmb 8:35, 37-39 la Filip rãmb 4:13. Vɛrse fãa kareng poor bɩ y leok sokrã:
-
Wãn to la vɛrse-kãngã goam kɩt tɩ yãmb kɩs sɩd tɩ y tõe n tõoga toogo, baa sẽn yaa namsg ning fãa pʋgẽ?
Karm-y Matiye 5:10-12, tɩ rẽ poor bɩ y leok sokrã:
-
Bõe yĩng tɩ y tõe n maan sũ-noogo, baa b sã n namsd-y y tũudmã yĩnga?
A Zeova Kaset rãmb miliyõ-rãmb tõogda toog namsg sasa. Yãmb me tõeeme!
NEB KẼER SẼN YETE: “M pa tagsd tɩ b sã n wa namsd-m m tũudmã yĩnga, m na n tõoga toog ye.”
-
Biiblã vɛrse-bʋs n tõe n sõng-b tɩ b maneg n kɩs sɩd tɩ b tõeeme?
KƲMSGO
A Zeova nanda modgr nins fãa d sẽn maand n tũud-a, b sã n wa namsd tõnd d tũudmã yĩnga. Ne a sõngre, d tõe n tõoga toogo!
Lebg-n-gese
-
Bõe yĩng tɩ kiris-nebã segd n bãng tɩ b na n paama namsg b tũudmã yĩnga?
-
Bõe la d tõe n maan masã menga, n segl d meng namsg yĩnga?
-
Bõe n tõe n sõng-y tɩ y maneg n kɩs sɩd tɩ y tõe n tũu a Zeova, baa sẽn yaa namsg ning fãa pʋgẽ?
BŨMB A TAABA
Saam-biig sẽn yaa bi-bɩɩg sẽn bilgd a Zeova sẽn sõng-a to-to t’a tõog toogo, b sẽn wa n pag-a bãens roogo, a sẽn pa kẽesd a toog dũniyã yɛlẽ wã yĩnga.
D kell n tõog toogo, baa b sã n namsd tõnd d tũudmã yĩnga (2:34)
Bũmb ning sẽn sõng pag a ye ne a sɩd tɩ b tõog n maan sɩd ne a Zeova n kaoos yʋʋm wʋsgo, baa ne b sẽn paam namsgã.
Bõe n na n sõng-y tɩ y tall raoodo, b sã n wa namsd-y y tũudmã yĩnga?
D manesem segd n yɩɩ wãna, d zakã rãmb sã n wa namsd tõnd d tũudmã yĩnga? Bõe la d tõe n maan tɩ sõng-d tɩ d kell n maan sɩd ne a Zeova, la d tõog tɩ laafɩ me kell n zĩnd tõnd sʋka?
Sɩdã pa wat “ne bãan ye, la yaa ne zabr sʋʋga” (Yʋʋmd 2017 zĩ-likr kiuug Gũusg Gasgã)
Découvrez aussi…
Sogsg nebã sẽn wae n sokdẽ
Zãms ned Biiblã rat n yeelame tɩ bõe?
Bao-y n bãng-y sogsg kẽer leoor nebã sẽn sokd tõnd sẽn zãmsd nebã Biiblã to-to wã zugu.
