Nēsis tamas ka io. Hānîǁaeb ǃnân ge hoa Xristeǁîna nî ǁgâiǀāhe. Nēsa nî ǃao kai da?

1. Tae-i ǃaroma da ǁgâiǀāhesa ra ǃâubasen?

Elobmîs ge ra mî: “Tsî Xristub Jesub ǃnâ ǃaoǃgâxase ra ûi ǂgaon hoan ge nîra ǃgôaǃgonhe.” (2 Timoteub 3:​12) Jesub ge gere ǁgâiǀāhe. Satanni di ǃhūbaib di ǃâ tamab ge hâ i ǃkhais ǃaroma. Sida tsîn ge nē ǃhūbaib di ǃâ tama hâ. ǁNā-amaga da ge buru tama hâ. Nē ǃhūbaib di ǂhanugu tsî ǂgomdi ga ǁgâiǀā da o.​—Johaneb 15:​18, 19.

2. Mati da ǁgâiǀāgu ǃaroma a aiǂhomisen ǁkhā?

Nēsi da ge sida ǂgomǃgâsiba. Jehovab ǃnâ nî ǀgaiǀgai. Tsēs hoasa ǁaeba ǁamaǂui re î du. Jehovaba ǃoa ǀgore tsî ǁîb mîsa khomai. Tsî hoaǁae ǀhaohâb ǀhaode hâǃnâ re. Nē xūn hoana du ga dī o, o du ge ǂhâ du hâ ǀgaiba nî hō. Î du ǁgâiǀāgu ǁaeb ǃnâ mâǀgai. Sadu omaris ǁanina xu i ga hā xawes tsîna. Apostel Paulub hîna gere ǁgâiǀāheb ge ge xoa: ‘Jehovab ge a ti hui-ao, o ta ǃao tide.’​—Hebreǁîn 13:6.

Sida ǁkhoaǂgaosib tsîna da ge a omkhâi ǁkhā. Hoaǁae aoǁnâ sîsenna dīs ǃnâ-ū. Aoǁnâ sîsenni ge ra ǁkhāǁkhā da î da. Jehovab ǃnâ ǂgomǃgâ tsî tā khoe-e ǃao. (ǂKhoamîdi 29:​25) Nēsi ǁkhoaǂgaose aoǁnâs ge ra aiǂhomi da. ǃHūb di ǂhanub ga sida sîsen-e mâǃoa ǁaeb ǃaroma. Î da ǁkhoaǂgaose ǁnā ǁaeb ǃnâ aoǁnâ.​—1 Tesalonikaǁîn 2:2.

3. Mati da ǃgâiba ra hō ǁgâiǀāb ǃnâ da ga mâǀgai o?

Ama as ge ǁgâiǀāb xa da ǃgâibahe tama hâsa. Xawe da ga mâǀgai o ǁgâiǀāb ǃnâ. Os ge sida ǂgomsa ra ǀgai. Tsî da ge Jehovab ǀgūse ra hā. ǁÎb di huiba da ra hōǃâ amaga. ǀGaiba da ūhâ tama, ti da ra tsâ ǁaeb ai. (Khomai re Jakobub 1:​2-4 sa.) Jehovab ge ra tsûtsûhe mûsa ǃgoma da ra hōǃâsa. Xaweb ge ra ǃgâiaǂgao mûb ga o. ǁÎb ǃoa-ai da ǂgomǂgomsase ra hâsa. ǁGâiǀāhe da ga ǁaeb ai. Elobmîs ge ra mî: “Xawe ǃgâidī du ka, tsî du ga tani tsî ǁîs ǃaroma tsâo, ǁnās ge Elob tawa a ǀkhom.” (1 Petrub 2:​20) ǀKhaeb hînab Jehovaba ǁnān hîna ǁîb ǃoa-ai. ǂGomǂgomsase ra hâna ra mās ge ǀamo ûiba. ǀAsa ǃhūbaib ǃnâ da ge mâǃoahe tide.​—Mateub 24:​13.

 ǃGAMSE ÔAǃN RE

4. Sadu ǀaokhoen xa du ga mâǃoahe xawe, du ge a mâǀgai ǁkhā

Jesub ge ǃamkuse ge ǂan i. ǀNî khoen sida omaris ǃnâ hân. ǂHâba tidesa î da Jehovaba ǃoaba. Khomai re Mateub 10:​34-36 sa. Tsî sao ra dîsa ǃhoaǃgao re:

• Tae-e a īǁkhā omaris ǁani-i ga, Jehovaba i ra ǃoaba ǂgao di mî o?

5. Jehovaba ǃoaba re ǁgâiǀāhe du ga xawe

 6. Jehovab ge nî hui du î du mâǀgai

 ǃKHŌǀHAOS

Jehovab ge ra ǃgôaǃgâ ǃoaba bi ǀgara da ga o. ǁGâiǀāhe da ga xawe. ǁÎb di huib ǀkha da ge, nē ǁgâiǀāb ǃnâ a mâǀgai ǁkhā.

ǁKhāǁkhāsen du go xūna ǂâiǃgâs

• Xristeǁîna tae-i ǃaroma ǁgâiǀāhesa nî ǃâubasen?

• Tae-e du nēsi a dī ǁkhā, hîna a hui du ǁkhā-e ǁgâiǀāb ga hā o?

• Tae-e a hui du ǁkhā, î du ǂan ǁkhoaǂgaosib ǀkha du Jehovaba a ǃoaba ǁkhāsa, ǁgâiǀāgu ǂam-ai?