Awakristo zu ndo hĩnga ya lá kɔi gbanda ko, na hɛ̃ngɔ ani pɛnɔ. Ni lengbi ti hɛ̃ngɔ e mbɛtɔ?

1. Nda mɛ e ndo kpã bɛ e ya na hɛ̃ngɔ e pɛnɔ nɛ?

Ngbangɔ tɛnɛ yangondo ya: “Azi zu ko la ndoye lingɔ ye mɛ ndode bɛ Nzapa, na lo mɛ ya, ala na Yezo ati bo kɔi ko, azi na giangɔ la.” (2 Timɔte 3:12) A hɛ̃ndó Yezo pɛnɔ na lo mɛ ya ta lo du zo ti gigi tɛ Satana ma. Na lo mɛ ya ta e du nga azi ti gigi olo ma ko, ta e ndo kamwa ma na ndenge mɛ agbia ti gigi na agbia ti sambela ndo hɛ̃ e pɛnɔ.​—Yoanɛ 15:18, 19.

2. Ngasia la e lɛkɛ tɛrɛ e uzu ti nɛngɔ ya e tengbi na pɛnɔ nɛ?

E kpã bɛ e ndo Yehova bandangɔ ndɛ. Mu ngoi ti dingɔ Ngbangɔ na lingɔ sambela hɛ̃ Yehova bi zu. Gwe bombi ngoi zu. Lingɔ ngaso na hɛ̃ngɔ mɔ ngunu ya mɔ gbe bɛ mɔ na ya pɛnɔ mɛ mɔ na tengbingɔ na ni abɛse omɛ na longɔ ka ndasewa tɛ mɔ. Toma Polo mɛndó tengbi na apɛnɔ na ya angoi gba tɛnɛ ya: “Gbia [Yehova] la ndoza mbi, ta mbi na dungɔ na mbɛtɔ ma!”​—Aebreo 13:6.

Fangɔ tɛnɛ ngoi zu na lingɔ ya ta e du na mbɛtɔ ma. Ni na lingɔ ya e kpã bɛ e ndo Yehova wa ta e kpɛ mbɛtɔ tɛ azi ma. (Masese 29:25) Se du ya mɔ ndo fa tɛnɛ na ge ge ge ko, na zangɔ mɔ ya mɔ ngbã lá kwɛ fangɔ tɛnɛ abɛse du ya agbia ti kɔdɔrɔ gbanzi kwa tɛ e.​—1 Tɛsalionikɛ 2:2.

3. Nzɔ̃ lo mɛ e lua se e gbe bɛ e na ya pɛnɔ nɛ?

Ta zo mɛ ndo sepala na pɛnɔ da ma, kanda se e gbe bɛ e ko, na lingɔ ya e ti na loyengɔ ti kpengbani. Hũngɔ se mɛ Yehova ndo za na e na ngoi mɛ e nzɛ̃ ndo li ya e ti na mangbi ti kpengbani na lo. (Di Zaki 1:2-4.) Yehova ndo ma pɛnɔ na ngoi mɛ e ndo hũ pɛnɔ, kanda bɛ lo ndo de na ngoi mɛ e ndo gbe bɛ e. Ngbangɔ pa hɛ̃ e ya: “Se ĩ li ye mɛ nzɔ̃ni [wa] ahɛ̃ ĩ pɛnɔ na lo ni, wa se ĩ gbe bɛ ĩ ko, adu nzɔ̃ni ka lɛ Nzapa.” (1 Petro 2:20) Yehova ndo hɛ̃ mbana gɛrɛ hɛ̃ azi ko la ndo gbe bɛ la na ya pɛnɔ, lo na hɛ̃ngɔ la dungɔ lɛ ngɛ̃ ti bwai na bwai ka gigi mɛ ta zo kɔi mɛ na diringɔ giangɔ awakwa tɛ lo na dungɔ da ma.​—Matie 24:13.

 GI HĨNGANGƆ LO MƐNDƐ̃

4. Mɔ lengbi ti gbengɔ bɛ mɔ na ya pɛnɔ mɛ alo ka ndasewa

Yezo piandó tɛnɛ ya, na ya angoi mɛndɛ̃ ta azi ti ndasewa tɛ e na sepalangɔ ya e vɔrɔ Yehova ma. Di Matie 10:34-36, wa na pɛni hɛ̃ gbinya ti hũnda olo mɛ:

• Se zo mu ekateli ti vɔrɔngɔ Yehova, ngoi mɛndɛ̃ azi ti ndasewa tɛ lo lengbi ti lingɔ nɛ?

5. Ngbã lá kwɛ vɔrɔngɔ Yehova abɛse du ya a ndo hɛ̃ mɔ pɛnɔ

 6. Yehova na zangɔ mɔ ya mɔ gbe bɛ mɔ

 NA NDUNU NI

Ge ge ge mɛ e ndo li ti vɔrɔngɔ Yehova abɛse du ya ando hɛ̃ e pɛnɔ ndo du ngbondoni ka lɛ Yehova. Lo ndo za e ya e gbe bɛ e na ya apɛnɔ!

Bozongeli

• Nda mɛ ayɔ ya awakristo hĩnga ya ani na tengbingɔ na pɛnɔ nɛ?

• Ye mɛ mɔ li bandangɔ ndɛ ti nɛngɔ ya mɔ lɛkɛ tɛrɛ mɔ uzu ti mɔ tengbingɔ na pɛnɔ nɛ?

• Nda mɛ mɔ ye ya mɔ lengbi ti ngbãngɔ mbilimbili ka tɛ Yehova abɛse du ya ando hɛ̃ mɔ pɛnɔ nɛ?