FAKAAKOAGA 59
Maeke a Koe ke Fakauka ke he Favale
To hoko e magaaho ti fehagai e tau Kerisiano oti ke he totoko mo e favale ki a lautolu. Fakatupetupe kia he mena ia a tautolu?
1. Ko e ha kua amanaki a tautolu to favale mai ki a tautolu?
Talahau fakamaali he Tohi Tapu: “Ko lautolu oti foki kua loto ke nonofo mo e mahani Atua kia Keriso Iesu, to hoko ni kia lautolu e favale.” (2 Timoteo 3:12) Favale ki a Iesu ha kua nakai fai vala a ia he lalolagi ha Satani. Nakai fai vala foki a tautolu he lalolagi, ti nakai ofo a tautolu ka favale mai e tau fakatufono he lalolagi mo e tau fakatokatokaaga he tau lotu.—Ioane 15:18, 19.
2. Mautauteute fēfē a tautolu ke lata mo e favale mai?
Lata a tautolu ke fakamalolō e falanaki ki a Iehova he mogonei. Fakatoka e magaaho he tau aho takitaha ke liogi ki a Ia mo e totou e Kupu haana. Ō tumau ke he tau feleveiaaga. Ko e tau mena oti nei to foaki ki a koe e malolō kua lata ke fehagai ke he favale, pete foki kua moua mai he tau tagata he magafaoa. Ko e aposetolo ko Paulo ne fa lauia he favale, ne tohi: “Ko [Iehova], ko e haku a lagomatai haia, nakai matakutaku au.”—Heperu 13:6.
Maeke foki a tautolu ke atihake e fakamalolō he fakamatala tumau. Fakaako he gahua fakamatala a tautolu ke falanaki ki a Iehova mo e kautū ke he tau matakutaku tagata. (Tau Fakatai 29:25) Ka feaki e koe e loto malolō ke fakamatala mogonei, to mautauteute mitaki a koe ke fakamatala tumau pete ka fakakaupā he fakatufono e gahua ha tautolu.—1 Tesalonia 2:2.
3. Aoga fēfē ki a tautolu he fakauka ke he favale?
Mooli, nakai fiafia a tautolu ka lauia he favale, ka e magaaho ka kautū a tautolu he fakauka ke he favale to tupu malolō e tua ha tautolu. Fakatata lahi a tautolu ki a Iehova ha kua logona e tautolu e lagomatai haana he magaaho ka nakai fahia a tautolu. (Totou Iakopo 1:2-4.) Hukia a Iehova ke kitia a tautolu he matematekelea, ka e fiafia a ia ke kitia a tautolu kua fakauka. Talahau he Tohi Tapu: “Kaeke kua mahani mitaki a mutolu ka e fakamamahi, ti kua fakauka a mutolu, ko e mena haia kua mitaki ke he Atua.” (1 Peteru 2:20) Ko e palepale ka foaki e Iehova ki a lautolu oti kua fakauka fakamooli ko e moui tukulagi he lalolagi kua atāina mai he totoko ke he tapuakiaga mooli.—Mataio 24:13.
KUMIKUMI FAKAHOKULO
Kumikumi e kakano mo e palepale ka pipiki fakamooli ki a Iehova pete e favale.
4. Maeke a koe ke fakauka ke he totoko he magafaoa
Iloa mooli e Iesu to nakai lalago he magafaoa e fifiliaga ha tautolu ke tapuaki ki a Iehova. Totou Mataio 10:34-36, ti tutala ke he hūhū nei:
-
Ko e heigoa ka tupu ka fifili e tagata he magafaoa ke fekafekau ki a Iehova?
Ke kitia e fakafifitakiaga he mena nei, tā e VITIŌ, ti tutala ke he hūhū nā.
-
Ko e heigoa ka taute e koe ka lali e magafaoa po ke kapitiga ke taofi a koe he fekafekau ki a Iehova?
Totou Salamo 27:10 mo e Mareko 10:29, 30. He oti e totou he tau kupu Tohi Tapu, tutala ke he hūhū nei:
-
To lagomatai fēfē he maveheaga nei a koe ka fehagai mo e totoko he magafaoa po ke tau kapitiga?
5. Tumau ke tapuaki ki a Iehova pete he favale
Lata ke fakamalolō ke fekafekau ki a Iehova ka lali falu ke taofi a tautolu he taute e mena ia. Tā e VITIŌ, ti tutala ke he hūhū nā.
-
Ko e heigoa e tau fakafifitakiaga he vitiō nei kua fakamalolō a koe?
Totou Gahua 5:27-29 mo e Heperu 10:24, 25. He oti e totou he tau kupu Tohi Tapu, tutala ke he hūhū nei:
-
Ko e ha kua aoga lahi ke matutaki ke tapuaki ki a Iehova pete he fakakaupā e gahua fakamatala po ke tau feleveiaaga ha tautolu?
6. To lagomatai e Iehova a koe ke fakauka
Ko e Tau Fakamoli a Iehova ne kehekehe e tau tau moui mo e tau feakiaga kua matutaki he fekafekau fakamooli ki a Iehova pete e favale ki a lautolu. Kitia e mena ne lagomatai a lautolu, tā e VITIŌ. Ti tutala ke he hūhū nā.
-
He vitiō, ko e heigoa kua lagomatai e tau matakainaga nei ke fakauka?
Totou Roma 8:35, 37-39 mo e 2 Korinito 4:7. He oti e totou he tau kupu Tohi Tapu, tutala ke he hūhū nei:
-
Fakamafana fēfē he kupu Tohi Tapu nei kua maeke a koe ke fakauka ke he tau kamatamata?
Totou Mataio 5:10-12, ti tutala ke he hūhū nei:
-
Ko e ha kua fiafia a koe pete he favale mai?
Tokologa e tagata tapuaki ha Iehova kua kautū he fakauka ke he totokoaga. Maeke foki a koe!
PEHĒ FALU TAGATA: “Nakai maeke au ke fakauka ke he favale.”
-
Ko e heigoa e tau kupu Tohi Tapu ka moua e lautolu e mauokafua kua lata?
MANATU KATOA
Uho ki a Iehova e tau laliaga ha tautolu ke fekafekau ki a ia pete e favale. Ha ko e lagomatai haana, to kautū a tautolu ke fakauka!
Liu Fakamanatu
-
Ko e ha ne amanaki e tau Kerisiano to favale ki a lautolu?
-
Ko e heigoa ka taute e koe mogonei ke mautali ka hoko mai e favale?
-
Ko e heigoa ka lagomatai a koe ke mauokafua to fekafekau a koe ki a Iehova pete e kamatamata?
KUMI FOKI
Kitekite ke he matakainaga taane fuata ne fakamaama e puhala ne lagomatai e Iehova a ia ke fakauka he nofo he fale puipui ha ko e haana tuuho.
Manamanatu ke he lagomatai ne moua he hoa ke fekafekau fakamooli ki a Iehova ke he loga e tau tau pete e totoko.
Fakaako ke loto malolō he fehagai ke he favale.
“Mautauteute Mogonei ma e Favaleaga” (Ko e Kolo Toko, Iulai 2019)
Onoono fēfē a tautolu ke he totokoaga he magafaoa, ti kautū fēfē he fehagai mo e tau paleko ia?
“Nakai Tamai he Kupu Mooli e Mafola ka ko e Pelu” (Ko e Kolo Toko, Oketopa 2017)
Liga Manako Foki a Koe
TAU HŪHŪ MAHANI MAU
Ko e Heigoa e Fakaakoaga Tohi Tapu ne Foaki he Tau Fakamoli a Iehova?
He fakaholoaga fetutalaaki ne foaki he Tau Fakamoli a Iehova kua nakai totogi, maeke a koe ke fakaaoga ha Tohi Tapu. Atāina ke uiina e magafaoa katoa po ke tau kapitiga ke fakalataha mo koe.
