CHILAYIJO 59
Unotubula Kulamba Ukasima Yopo Uyangatiswa
MaKristo ose echokomende bachashangana nokunyenyejwa nokuyangatiswa. Zunokwelela kutityisa na yozu?
1. Neni tikwelela kulingilila kuyangatiswa?
IBhayibhili linoti: “Bose balozumisela kulalama bekazupila kuna Mwali bekabhatana naKristo Jesu nebo banooyangatiswa.” (2 Timoti 3:12) Jesu wakayangatiswa nokuti ajakabeli wenyika yaSatani. Nebo atitobeli benyika ndizo tisinochenama kana tiyangatiswa nejihulumende jenyika akale namachechi amanyepwa .—Johani 15:18, 19.
2. Tingabambanyila chini kuyangatiswa?
Tokwelela kusimisa kubimba kwedu kuna Jehova. Wana unshaji wokunamata nokubala iWhi lyaMwali. Ngwina mishangano unshaji wose. Yozu ndizo zuchakubhancha kuti umisikijane nokuyangatiswa zusineni kuti kumuva kumakamu edu. Umpositoli Paulo wakabeyangatiswa, wakati: “Jehova umbhanchi wangu; anditootya.”—BaHebhelu 13:6.
Chimwe chinu chingatibhancha kuti tisime kulamba tipupula unshaji wose. Kupupula kunotibhancha kuti tibimbe naJehova akale tikome bulemu bokutya unhu. (Zwichimbe 29:25) Tingosima kupupula feno zuchatibhancha kuti tootubula kupupula ponshaji yopo jihulumende jitijibisa kuta unshingo wedu.—1 BaTesalonika 2:2.
3. Kusima patinoyangatiswa kunotibhancha chini?
Akuna unhu unonakilwa nokuyangatiswa koga zunosimisa kudimbwa kwedu. Tosobona lubhancho lwaJehova yopo patinosopela isimba tisichinotubula kundila mbeli, yozu zunota kuti tisendele pelyo naye. (Balani Jemusi 1:2-4.) Jehova unolwajilwa yopo paanotibona tiyangata koga unoshanta paanotibona tikasima. IBhayibhili linoti: “Kana tikazusimisa patinoyangatiswa nokuti timuta zubhodo, yozu zunotambulika kuna Mwali.” (1 Pita 2:20) Jehova uchakombolela yabo banolamba bekabimbika nokubapa bupenyu businopela penyika isina banhu banonyenyeja kunamata kwechokomende.—Mateu 24:13.
FUNDA ZUNJI
Layijwa kuti neni zutubukana kuti tilambe tikabimbika kuna Jehova zusineni kuti banhu bamutinyenyeja akale kuti zungatibhancha chini kuta alo.
4. Ungatubula kusima yopo bomumhuli bekuyangatisa
Jesu wakazubhisila pachena kuti bomumhuli abatoshanta kana tikashala kunamata Jehova. Balani Mateu 10:34-36, akale kwejisani nombuzo yoyu:
-
Ini zungatikana kana umwe womumhuli angoshala kunamata Jehova?
Kuti ubone unkwejaniso yoyu, yebani iVIDIYO, akale kwejisani nombuzo unotobela.
-
Ini zwawungate kana igamu lilyo kana kuti unkwayina uwo ekunyakija kuti unamate Jehova?
Balani Lwimbo 27:10 naMaliko 10:29, 30. Mungopeja kubala ivesi imwe nemwe kwejisani nombuzo yoyu:
-
Chibimbiswa yechi chichakubhancha chini yopo ushangana nokunyenyejwa nabomumhuli kana kuti nabakwayina?
5. Lamba unamata Jehova zusineni nokuyangatiswa
Zunoda kusima kunamata Jehova yopo bamwe betinyakija. Yebani iVIDIYO, akale kwejisani nombuzo unotobela.
-
Mikwejaniso imomuvidiyo yeyi yakusimisa chini?
Balani Mishingo 5:27-29 naBaHebhelu 10:24, 25. Mungopeja kubala ivesi imwe nemwe kwejisani nombuzo yoyu:
-
Neni zukakosha kuti tilambe tinamata Jehova zusineni kuti unshingo wedu wokupupula kana kuti kungwina mishangano zukajibiswa?
6. Jehova uchakubhancha kuti usime
BaSumikiji baJehova banamakole alosiyana-siyana akale banova kunduji jilosiyana bamulamba benamata Jehova zusineni nokuyangatiswa. Kuti ubone zwakababhancha, yebani iVIDIYO. Akale kwejisani nombuzo unotobela.
-
Muvidiyo yeyi, ini zwakabhancha baSumukiji yaba kuti besime?
Balani BaRoma 8:35, 37-39 naBaFilipi 4:13. Mungopeja kubala ivesi imwe nemwe kwejisani nombuzo yoyu:
-
Ivesi yeyi inokupa chini chibimbo chokuti unotubula kusima yopo ulimubukukutu?
Balani Mateu 5:10-12, akale kwejisani nombuzo yoyu:
-
Ini chichata kuti ushante kojoba uyangatiswa?
Mamiliyoni abanamati baJehova bakatubula kulamba bekasima yopo benyenyejwa. Nawi ungatubula!
BAMWE BANOTI: “Andibweni kuti ndingasima yopo ndiyangatiswa.”
-
Mavesi api angababhancha?
INI ZWAWAFUNDA
Jehova unoshanta kana etibona tunamata yopo tiyangatiswa. Unotubula kutibhancha kuti tisime!
Kubwilulula
-
Neni maKristo ekwelela kulingilila kuyangatiswa?
-
Ungabambila chini kuyangatiswa?
-
Ini zuchakubhancha kuti ube nechibimbo chokuti unotubula kunamata Jehova zusineni nobukukutu bwatinoshangana nabo?
PAMIJA PANA ZWAWAWANA
Bona kuti Jehova wakombhancha chini mwanakwayina wakabasungwa pezhulu penyaya yokusotola lutibi.
Bona kuti ini zwakabhancha imwe imhuli kuti inamate Jehova kwamakole manji kojoba bakabenyenyejwa.
Layijwa kuti ungalamba chini ukasima yopo uyangatiswa.
“Kulungiselele Khathesi Ukuhlukuluzwa” (INqabayokulinda, July 2019)
Bala uwhe kuti ungata chini yopo uyangatiswa nabomumhuli iyo?
“Iqiniso Kalilethi Kuthula Kodwa Inkemba” (INqabayokulinda, October 2017)
