RÄ LECCIÓN 59
Rä Zi Dada Jeoba ma dä maxꞌäꞌi gi ze̱ti yä ntꞌu̱tsate
Mientra di pe̱päbihu̱ rä Zi Dada Jeoba, ma dä mꞌu̱pu̱ toꞌo dä u̱tsagihu̱ ꞌne dä jakägihu̱ gä sufrihu̱. Pe, ¿di debe xa gä ntsuhu̱ ꞌne gä tumämu̱ihu̱ po geꞌä?
1. ¿Por hanja ya di pädihu̱ ge ma dä tꞌu̱tsagihu̱?
Rä Biblia xikägihu̱: «Gatꞌho nuꞌu̱ ne dä de̱mbäbi yä paso rä Kristo ꞌne dä mꞌu̱i ja ngu di mända Äjuä, ꞌnehe ma dä tꞌu̱tsa» (2 Timoteo 3:12, TNM). Rä Hesu xa bi tꞌu̱tsa ngeꞌä näꞌä hinte mä ntsitsꞌi mi pe̱ꞌtsi ko nuꞌu̱ yä kosa xä ja rä Zithu nuua ha rä Xiꞌmhai. Nuju̱ ꞌnehe xtä ꞌuegehu̱ de nuꞌu̱ yä kosa, po rängeꞌä yä gobiernu ꞌne nuꞌu̱ yä hyate relijion xa di u̱tsagihu̱ (Juan 15:18, 19, TNM).
2. ¿Hanja dä za gä ñhokihu̱ dende nubye̱ pa ora dä ꞌñepu̱ yä ntꞌu̱tsate?
Dende nubye̱, mähyoni gä japäbihu̱ dä te näꞌä mä komfiansahu̱ po rä Zi Dada Jeoba. Pa geꞌä mähyoni ge hyaxtho gä ꞌuekehu̱ rä tiempo pa gä xatuäbihu̱ rä Zi Dada Jeoba, ꞌne pa gä nxadihu̱ rä Mäkä Tꞌofo. ꞌNehe mähyoni gä ntinihu̱ ha yä mhuntsꞌi. Geꞌä ma dä maxkägihu̱ pa dä za gä ze̱tihu̱ ora dä ꞌñehe yä ntꞌu̱tsate de mä familiahu̱ o de märꞌa yä jäꞌi. Rä apostol Pablo ꞌnehe xa bi tꞌu̱tsa, pe näꞌä bi ꞌñenä: «Rä Zi Dada Jeoba go geꞌä mä mfatsꞌi. Hingä ma gä ntsu» (Hebreos 13:6, TNM).
ꞌNehe, mähyoni ge njatꞌä gä predikahu̱ pa geꞌä dä maxkägihu̱ gä pe̱ꞌtsihu̱ rä balo dende nubye̱. Ora di predikahu̱, geꞌä ma dä maxkägihu̱ gä pe̱ꞌspäbihu̱ rä komfiansa rä Zi Dada Jeoba ꞌne gä täpäbihu̱ rä ntsu (Proverbios 29:25). Mu̱ gä pe̱fihu̱ njabu̱, geꞌä ma dä maxkägihu̱ pa hingä ntsuhu̱ ꞌne gä sigi gä predikahu̱ xti zo̱ho̱ rä pa habu̱ yä gobiernu dä proibigihu̱ gä muntsꞌihu̱ o gä utihu̱ yä zi jäꞌi de rä Noya Äjuä (1 Tesalonicenses 2:2).
3. ¿Te mä benefisio ma gä hänihu̱ mu̱ gä ze̱tihu̱ yä ntꞌu̱tsate?
Ninꞌa rä jäꞌi hingi ho dä tꞌu̱tsa. Pe mu̱ di ze̱tihu̱ ora di tꞌu̱tsagihu̱, mä komfiansahu̱ po rä Zi Dada Jeoba mänꞌa di te. Hää, mä ntsitsꞌihu̱ Kongeꞌä mänꞌa di ze̱di ora di handihu̱ hanja faxkägihu̱ (hñeti Santiago 1:2-4, TNM). Rä Zi Dada Jeoba xa di sufri ora handi ge di sufrihu̱. Pe ora handi ge di ze̱tihu̱, xa di johya ꞌne di numäñhogihu̱. Rä Biblia enä: «Mu̱ gi uantahu̱ yä sufrimiento ngeꞌä gi pe̱fihu̱ näꞌä xä ñho, Äjuä xa di numäñho» (1 Pedro 2:20, TNM). Gatꞌho nuꞌu̱ di ze̱ti yä ntꞌu̱tsate ꞌne hingi fayabi rä Zi Dada Jeoba, näꞌä di promete dä umbäbi nꞌa rä te pa nzäntho nuua ha rä Xiꞌmhai habu̱ ya hinto ma dä hñägägihu̱ de gä pe̱päbihu̱ (Mateo 24:13, TNM).
HANJA DÄ ZA DÄ MAXꞌÄꞌI RÄ NOYA ÄJUÄ
Ma gä handihu̱ por hanja hää dä za gä pe̱päbihu̱ rä Zi Dada Jeoba mäske di thogihu̱ yä ntꞌu̱tsate. ꞌNehe ma gä handihu̱ te mä jäpi ma dä rꞌakägihu̱ rä Zi Dada Jeoba mu̱ gä sigi gä uantahu̱.
4. Mu̱ ri familia dä u̱tsaꞌi, Jeoba hingä ma dä hye̱kꞌäse̱
Rä Hesu bi mängä mäjuäni ꞌne bi ꞌñenä ge mu̱ gä desidihu̱ gä pe̱päbihu̱ rä Zi Dada Jeoba, dä za dä nkue̱ mä familiahu̱. Hñetihu̱ Mateo 10:34-36, TNM, ꞌnepu̱ thädihu̱ nunä rä ntꞌani:
-
Ora nꞌa rä jäꞌi di desidi dä me̱päbi rä Zi Dada Jeoba, ¿rꞌabu̱ te dä za dä mängä rä familia?
Pa gi hyandihu̱ te bi thogi ko nꞌa rä medinthäti, yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:
-
Xi nuꞌi, ¿te gi yꞌo̱tꞌe mu̱ nꞌa ri amigo, o nꞌa de nuꞌu̱ ri familia dä trata dä desanimäꞌi pa ya hingi pe̱päbi rä Zi Dada Jeoba?
Hñetihu̱ Salmo 27:10 ꞌne Marcos 10:29, 30, TNM. Mꞌe̱fa de gi hñetihu̱ kada nꞌa de nuya yä testo, thädihu̱ nunä rä ntꞌani:
-
¿Hanja dä za dä maxꞌäꞌi nunä promesa ora di u̱tsaꞌi nꞌa ri amigo o ri familia ngeꞌä gi pe̱päbi rä Zi Dada Jeoba?
5. Sigi gi pe̱päbi rä Zi Dada Jeoba mäske gi thogi yä ntꞌu̱tsate
Di ja mꞌe̱di ndunthi rä balo pa gä sigi gä pe̱päbihu̱ rä Zi Dada Jeoba ora märꞌa yä jäꞌi ne dä hñägägihu̱ o di u̱tsagihu̱. Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:
-
De näꞌä gä handi ha rä bideo, ¿te japäbi dä ze̱di ri komfiansa po rä Zi Dada Jeoba?
Hñetihu̱ Hechos 5:27-29, TNM ꞌne Hebreos 10:24, 25. Mꞌe̱fa de gi hñetihu̱ kada nꞌa de nuya yä testo, thädihu̱ nunä rä ntꞌani:
-
¿Por hanja xa mähyoni gä sigi gä pe̱päbihu̱ rä Zi Dada Jeoba mäske yä autorida di proibigihu̱ gä predikahu̱ o gä muntsꞌihu̱?
6. Rä Zi Dada Jeoba ma dä maxꞌäꞌi pa gi ze̱ti yä ntꞌu̱tsate
Ha ndunthi yä luga de rä Xiꞌmhai yä testigo rä Jeoba, tanto yä bäsjäꞌi ngu yä däta jäꞌi, sigi pe̱päbi rä Zi Dada Jeoba mäske xa di tꞌu̱tsa ꞌne di tꞌe̱ntꞌä fadi. Yꞌe̱ntsꞌihu̱ rä BIDEO pa gi hyandihu̱ te xä matsꞌi nuꞌu̱ yä ku pa di sigi di uanta. ꞌNepu̱ thädihu̱ nunä rä ntꞌani:
-
Ja ngu dä handihu̱ ha rä bideo, ¿te xä matsꞌi nuꞌu̱ yä testigo rä Jeoba pa di sigi di uanta?
Hñetihu̱ Romanos 8:35, 37-39, TNM ꞌne Filipenses 4:13, TNM. Mꞌe̱fa de gi hñetihu̱ kada nꞌa de nuya yä testo, thädihu̱ nunä rä ntꞌani:
-
¿Hanja di aseguraꞌi nunä testo ge nuꞌi dä za gi ze̱ti nuꞌu̱ yä xuñha ꞌne yä prueba dä za dä ꞌñeꞌi?
Hñetihu̱ Mateo 5:10-12, TNM, ꞌnepu̱ thädihu̱ nunä rä ntꞌani:
-
¿Hanja dä za gi pe̱ꞌtsi rä johya mäske di tꞌu̱tsaꞌi?
Yä miyontho nuꞌu̱ yä jäꞌi xä me̱päbi rä Zi Dada Jeoba, xä za xä uanta ndunthi yä ntꞌu̱tsate. ¡Rä Zi Dada Jeoba ꞌnehe ma dä maxꞌäꞌi pa gi uanta!
RꞌA YÄ JÄꞌI ENÄ: «Ua nuga hindä za gä ze̱ti nuꞌu̱ yä ntꞌu̱tsate thogi yä testigo rä Jeoba».
-
¿Te mä testo de rä Biblia dä za dä matsꞌi näꞌä jäꞌi pa njabu̱ dä hyandi ge ꞌnehe dä za dä ze̱ti yä ntꞌu̱tsate ꞌne yä xuñha?
NÄꞌÄ DÄ PÄDIHU̱
Rä Zi Dada Jeoba xa di balora ora handi ge di o̱tꞌehu̱ ntsꞌe̱di po gä pe̱päbihu̱ mäske di thogihu̱ yä ntꞌu̱tsate. ꞌNehe di prometegihu̱ ge ma dä maxkägihu̱ pa gä sigi gä uantahu̱.
Pa gä benihu̱
-
¿Por hanja ya di to̱ꞌmhu̱ dä tꞌu̱tsagihu̱?
-
¿Hanja dä za gi ñhoki dende nubye̱ pa ora dä ꞌñepu̱ yä ntꞌu̱tsate?
-
¿Te dä za dä maxꞌäꞌi pa gi mꞌu̱i kombensido ge nuꞌi dä za gi pe̱päbi rä Zi Dada Jeoba mäske gi thogi yä xuñha?
HABU̱ DÄ ZA GI PÄDI MÄ NꞌA TU̱I
Hyandi hanja rä Zi Dada Jeoba bi matsꞌi nꞌa rä bäsjäꞌi nuꞌmu̱ bi tꞌe̱ntꞌä fadi ngeꞌä himbi ne gi yu̱tꞌi de gä soldado.
Hyandi te bi matsꞌi nꞌa rä medinthäti pa bi sigi bi me̱päbi rä Zi Dada Jeoba mäske bi thogi yä ntꞌu̱tsate po ndunthi yä je̱ya.
Hängu yä mpadi xtä handihe, pe nunka xtä he̱gihe de gä pe̱päbihe rä Zi Dada Jeoba (7:11)
Pädi te dä za gi pe̱fi dende nubye̱ pa dä za gi uanta ora dä ꞌñepu̱ yä ntꞌu̱tsate.
«Ma gä ñhokihu̱ nubye̱ pa xti zo̱ho̱ yä ntꞌu̱tsate» (La Atalaya, julio de 2019)
Mu̱ di u̱tsagihu̱ mä familiahu̱ ngeꞌä di nxadihu̱ rä Biblia o ngeꞌä di pe̱päbihu̱ rä Zi Dada Jeoba, ¿te dä za gä pe̱fihu̱ pa njabu̱ hindä te nuꞌu̱ yä xuñha ꞌne pa dä za gä uantahu̱?
Puede que también le interese
NÄꞌÄ DI ÑꞌANI YÄ JÄꞌI
¿Tengu nuꞌu̱ yä curso de rä Mäkä Tꞌofo uni yä testigo rä Jeoba?
Ora ma gi hñäni ri curso, nuꞌi dä za gi usa näꞌä rä Biblia go gi ne. ꞌNehe dä za gi mbitabi ri familia o nuꞌu̱ ri amigo pa dä nxadi rä Biblia kongeꞌi.
