59 EL SUOBEL
Ngkmal Sebechem Loutekangel Odechelakl
A rokui el Kristiano a di kmedung e te mo chobangel a ultok me a odechelakl. Tia ngkirel rullid el mo medakt?
1. Ngera uchul me kede expect odechelakl?
A Biblia kmo: “Tirkel rokui el kmal sorir el mo ungil chedal a chelid, el oltirakl er a Kristus Jesus a mo metik odechelakl.” (2 Timothy 3:12) A Jesus a mlodechelakl lengii el diak el chedal a beluulechad er a Satan. Kid me kede dirrek el diak dechedal a beluulechad, me ngdiak lemechas a rengud sel loldechelakl er kid a kabelment er tia el beluulechad me aike el cheldebechel er a klechelid.—Johanes 15:18, 19.
2. Ngmekera sebeched el kutmeklid el kirel odechelakl?
Ngkired el melisiich er a klaumerang er kid er a Jehovah er chelechang. Mketmeklii a temem er a bek el sils el meluluuch el mo er ngii e menguiu er a Tekingel. Mngar er a bek el miting er a ongdibel. Aika el rokui a mo meskau a klisiich el mousbech er ngii el mtekangel a ngii di el odechelakl loba blakerreng, mo lmuut me a lengar er a telungalek er kau el mei. A apostol Paulus el mle blechoel el mo chobangel a odechelakl a milluches el kmo: “A Rubak a olengeseu er ngak me ng diak bo kmedakt.”—Hebru 13:6.
Ngdirrek el sebeched el mekurulii a blekenged sel deblechoel el omerk er a klumech. A berkel a klumech a osisecheklid el mo oumerang el ulsirs er a Jehovah e mo mesisiich er a dakt er a rechad. (Osisechakl 29:25) A lsekum ke mekurulii a blekengem lomerk er chelechang, e ke mo kltmokl el melemolem el omerk er a klumech, mo lmuut me sel bo lolekebai a urered a kabelment.—1 Thesalonika 2:2.
3. Ngera el klungiaol a dengai sel doutekangel odechelakl?
Nguaisei, ngdiak el soad el modechelakl engdi sel doutekangel a odechelakl e a klaumerang er kid a lmuut el mo mesisiich. Kede lmuut el mo kmeed er a Jehovah le kede chormii a ngesuil sel bo domdasu el kmo ngmla mo diak el sebeched el melemolem. (Monguiu er a Jakobus 1:2-4.) Ngkmal mekngit a rengul a Jehovah lomes er kid el chuarm engdi ngkmal odeuir a rengul sel lomes er kid loutekangel. A Biblia kmo: “Lsekum ko meruul a ungil e mukringel e outekangel el kilou a rengmiu, e ngngii a modanges ra Dios.” (1 Petrus 2:20, BT) A Jehovah mo omekngeltengat er tirke el rokui loutekangel er a diak a ulebengelel el klengar, er a chelsel a beluulechad el diak omekcharm er tirke el mesiou er ngii.—Mateus 24:13.
BOM DMOLECH EL MERRITER
Mesa el kmo ngmera el sebeched loba blakerreng el mora Jehovah sel loldechelakl er kid me a rolel e ngmo omekngeltengat er kid.
4. Ngsebechem loutekangel a ultok er a telungalek er kau
Jesus a mle ungil medengei el kmo a rebebil er a chedal a telungalek er kid a diak bo el sorir a dongull er a Jehovah. Monguiu er a Mateus 10:34-36 e mosaod er tia el ker:
-
Ngera te locha mo meruul a rechedal a telungalek er a chad sel lengiltii el mo mesiou er a Jehovah?
A lsoam el mesa ta er a olechotel, e momes er a VIDEO e a uriul e mosaod er a ker.
-
Ke mo mekerang a lsekum a chedam me a lechub e ngsechelim a mengitechut er kau el mo diak mosiou er a Jehovah?
Monguiu er a Psalm 27:10 me a Markus 10:29, 30. Uriul er a monguiu a derta el bades e mosaod er tia el ker:
-
Ngmekera tia el telbiil e ngosukau sel bo mchebangel a ultok er a rechedal a telungalek er kau me a lechub a resechelim?
5. Molemolem el mengull er a Jehovah alta ke chelebangel a odechelakl
Kede ousbech er a blekeu el mesiou er a Jehovah sel lolasem el merrob er kid a rechad. Momes er a VIDEO e mosaod er a ker.
-
Aike el kerebai el ngar tia el video ngmekera smisichau?
Monguiu er a Rellir 5:27-29 me a Hebru 10:24, 25. Uriul er a monguiu a derta el bades e mosaod er tia el ker:
-
Ngera uchul me ngkmal klou a ultutelel a dolemolem el mengull er a Jehovah mo lmuut me a lsekum a beluu olekebai er a urered er a berkel a klumech me a miting er kid?
6. Jehovah a mo ngosukau el outekangel
Resioning er a Jehovah el meklou me a mekekerei el meliuekl er a beluulechad el rokir a melemolem el mesiou er a Jehovah mo lmuut me sel loldechelakl er tir. A lsoam el mesa el kmo ngngera ngilsuterir, e momes er a VIDEO. E mosaod er a ker.
-
Ngera ngilsuterir a Resioning er a Jehovah er a video el outekangel?
Monguiu er a Rom 8:35, 37-39 me a 1 Korinth 10:13. Uriul er a monguiu a derta el bades e mosaod er tia el ker:
-
Ngmekera tia el bades e melisiich er a rengum el kmo ngsebechem loutekangel a ngii di el ringel?
Monguiu er a Mateus 5:10-12 e mosaod er tia el ker:
-
Ngera uchul me ngsebechem el dmeu a rengum alta ke chelebangel odechelakl?
A REBEBIL A KMO: “Ngkmal diak el sebechek loutekangel odechelakl.”
-
Ngera el bades a sebechel loterekokl a rengrir el kmo ngkmal sebechir?
SUMMARY
Jehovah mengreos er a blakerreng er kid el mesiou er ngii alta kede mo chelebangel odechelakl. Ngoeak a ngelsuil, e ngkmal sebeched el outekangel!
Review
-
Ngera uchul me a Rekristiano expect odechelakl?
-
Ngera sebechem el meruul er chelechang me bo mkltmokl sel leduubech odechelakl?
-
Ngera sebechel ngosukau el mo ulterekokl a rengum el kmo ngsebechem el mesiou er a Jehovah er a chelsel a ngii di el ringel?
A LSEBECHEM E MOMES
Mesa kekerei el odam el ouchais er a rolel e a Jehovah ngilsuir loutekangel er a bo lekelebus le ngii el diak lomekbitang.
Mesa el kmo ngngera ngilsuir a ta el obekel el melemolem el mesiou er a Jehovah el betok el rak alta te mle chelebangel a ultok.
Mesa rolel e ngsebechem loutekangel odechelakl loba blekeu.
“Mketmeklau er Chelechang el Kirel a Odechelakl” (A Ongkerongel, July 2019)
Ngkirel mo uangerang a osenged er a ultok er a telungalek, e mekera sebeched loutekangel a ringel el lukdubech?
“A Klemerang a Mei el Diak Bo Luchul a Budech e Ngbai Saider” (A Ongkerongel, October 2017)