PEꞌLA 59

Pkxuuni een paꞌjte wantãyaꞌ ãjaneꞌga

TAKH

Maa eente nasayuꞌ cristianoweꞌsxtxiꞌs ahçeneꞌta. Dxusna selpii thãasuꞌçmeeneꞌta, txãa paꞌka pkxuu wẽjeneꞌta, ¿kweꞌsxyuꞌ ũukhwaꞌj jiꞌphmthaꞌw?

1. Kweꞌsxtxiꞌs pkxuu wẽete, ¿maꞌw yũuçxa jiyukxthaꞌw?

Dxus eçyuꞌ ãateꞌk weꞌwe: “Açaꞌ maawa Kristo Jesusaꞌs selpiiyaꞌ utxasaꞌ pkxuuni yuutxna” (2 Timoteo 3:12). Jesusyuꞌ naa kiweteweꞌsx meekyuꞌ eçxna selpimee paꞌka wala pkxuune. Kweꞌsxtxwa txaꞌwẽy naa kiwete eçxthẽꞌjaꞌs selpiimeete wala pkxuune, txãꞌw yũute kweꞌsxyuꞌ jĩ jxãꞌjthaꞌwyuꞌ (Juan 15:18, 19).

2. Kweꞌsxtxiꞌs pkxuu een paꞌjte, ¿maꞌw yũukxthaꞌw?

Kweꞌsxyuꞌ Jeuwaꞌs konfiaywaꞌj jiꞌphneꞌtkhaꞌw. Nawa, ¿kĩh yũuwaꞌj jiꞌphkxthaꞌw? Een isa Dxus yakh puutx weꞌwna, Dxus eçaꞌs lẽeyna, txaꞌwẽy pkhakhen congregacionte. Txãꞌw yũuçxa çxhãçxha ũsunaꞌw makwe pkxuuni een paꞌjtewa. Vxite ejemplo kweꞌsxtxiꞌs puꞌçxhina, apóstol Pablo wala pkxuuni yũuꞌk. “Dxusaꞌ kĩhtewa jxuka txãa yuuçxáak puꞌçxhiꞌ, Txãa paꞌga weh yuhwa ũukhmeꞌnja” (Hebreos 13:6).

Txaꞌwẽy een isa Dxus yuweꞌs ptaꞌsxyaꞌ kaaseꞌjçxa, Jeuwaꞌs wejxkwe konfiayã ewuunaꞌw, makwe nasa ahçetewa ũukhmeenaꞌw (Proverbios 29:25). Ãçxhii txãꞌw yũuçxa çxhãçxha ũsuneꞌga mehte gobierno jxkaahsa ptaꞌsxkameetewa, idxaꞌ ũukhmee ptaꞌsxyaꞌ uꞌjweneꞌga Dxus yuweꞌs (1 Tesalonicenses 2:2).

3. Pkxuuni een paꞌjte, ¿wantãyte maꞌw puꞌçxhiꞌk?

Kweꞌsxtxiꞌsyuꞌ pkxuu thãasuꞌçmeethaꞌw. Nawa nasa ahçeniꞌs nwẽeseꞌjmeeçxa, kweꞌsxyuꞌ knayĩꞌnaꞌw, Jeuwa yakh wejxkwe utxaa ũsunaꞌw. Wantãyteyuꞌ kweꞌsx fe wejxkwe çxhãçxha yũuna (lẽeywe Santiago 1:2-4). Kweꞌsx pxthaa yũun ũste, Jeuwayuꞌ wala nxusune. Nawa Jeuwayuꞌ wala weçxane çxhãçxha yahkxna ũste. Dxus eçaꞌ naꞌjĩꞌk: “Iꞌkweꞌsx ew yũupaꞌgaçxáa nxuswaꞌj enaꞌs jiꞌphuteꞌ, Dxusaꞌ peeygãjana” (1 Pedro 2:20). Dxusaꞌs uu eentepkaçx selpiiteꞌ, Jeuwayuꞌ bakaçxte yuhwa uuwaꞌjmee ĩtxi fxiꞌzewaꞌjaꞌs peesuna. Naa kiwete utaa nasa ewsayuꞌ Dxusnaçxaa selpiina fxiꞌzeyã. Nasa ewmeesayuꞌ meeyũuyã (Mateo 24:13).

WEJXKWEÇXA PIYAN UꞌJWEKA

Theguka: pkxuuni een paꞌjte, maꞌw yũuçxa Jeuwaꞌs selpiiyã ewuukxthaꞌw, txaꞌwẽy Jeuwayuꞌ ewsaçxaa peesuna wantãy paꞌka.

4. Idxyuꞌ wantãyneꞌga idx yatteweꞌsx wẽdxmeetewa

Jesusyuꞌ isatene weꞌw, maii yatteweꞌsxyuꞌ Jeuwaꞌs selpii wẽete wẽdxiçmeeneꞌta jĩne. Lẽeywe Mateo 10:34-36, txajuꞌ naa paapẽynisatxis paswe:

Idxyuꞌ Jeuwan selpii wẽete. Idx yatteweꞌsxyuꞌ, ¿maꞌwta theguꞌ?

Maii nasa pxthaa yuuneꞌta fxiꞌze. Txãꞌs jiyu wẽeçxa, txãa VIDEUꞌS thegwe, txajuꞌ naa paapẽynisatxis paswe:

VIDEU: Wãtahtewa kweꞌsxtxiꞌs Jeuwa wala jxpeꞌje (5:13)

¿Idxyuꞌ kĩh yũuguigk idx yatteweꞌsx vxiteꞌ namikuweꞌsx idxaꞌs Jeuwaꞌs selpii thãasmeete?

Lẽeywe Salmo 27:10 vxiteꞌ Markos 10:29, 30. Txajuꞌ naa paapẽynisatxis paswe:

Jeuwaꞌs selpii thãasmeete idx nweꞌsx vxiteꞌ namiku naa textotxiꞌs lẽeyte, ¿maꞌw puꞌçxhiꞌk?

5. Pkxuuni een paꞌjtewa Jeuwa selpiiniꞌs nvxihtyaꞌ ãjameenaꞌw

Jeuwaꞌs nvxihtkahn weꞌwte, kweꞌsxyuꞌ çxhãçxha yũunaꞌw nvxihtyaꞌmee. Txãa VIDEUꞌS thegwe, txajuꞌ naa paapẽynisatxis paswe:

VIDEU: Pkxuuteewa wala çxhãçxhasaneꞌtkaꞌw (6:27)

Naa videuꞌs thegte, ¿idxaꞌsyuꞌ kĩhka puꞌçxhiꞌk çxhãçxha ũsyaꞌ?

Lẽeywe Hechos 5:27-29 vxiteꞌ Hebreos 10:24, 25, txajuꞌ naa paapẽynisatxis paswe:

Naa kiwete jxkaahsaweꞌsxaꞌ Dxus yuweꞌs ptaꞌsxnuwe jĩtewa, txaꞌwẽy pkhakheyaꞌ ãjameeneꞌkwe jĩn weꞌwte. Jeuwaꞌs selpiiteꞌ wala jxthuhthesana, ¿kĩh yũuçxa?

6. Jeuwa idxaꞌs wantãyyaꞌ puꞌçxhina

Jeuwa kaajiyuꞌjsaweꞌsxaꞌ fxiyfxiysa makwe een pkxuuni paꞌjtewa, Jeuwaçxan selpiina ũstxna. Wejxkwe jiyu wẽeçxa, txãa VIDEUꞌS thegwe. Txajuꞌ naa paapẽynisatxis paswe: