LECCIÓN 59
Qhatiykachawajtinchej aguantayta atinchej
Wakin kutis familiaresninchej chayri autoridades mana munanqankuchu Jehovata yupaychanata. Chay kutispi imatachus ruwanata yachakuna.
1. ¿Imatá Biblia nin qhatiykachasqa kananchejmanta?
Biblia nin: “Cristo Jesuspa discipulosnin jina Diosta tukuy sonqo yupaychaspa kausayta munajkunaqa, tukuyninku qhatiykachasqallataj kanqanku”, nispa (2 Timoteo 3:12). Jesusqa qhatiykachasqa karqa mana kay mundomanta runas jinachu kasqanrayku. Noqanchejpis nillataj kay mundomanta runas jinachu kanchej. Chayrayku gobiernos, llulla religionesmanta organizaciones ima qhatiykachawanchej (Juan 15:18, 19).
2. ¿Imastá ruwasunman qhatiykachasqa kaspa aguantanapaj?
Jehovapi astawan atienekunapaj kallpachakuna. Chaypajtaj sapa día orakuna, Bibliata leena, tantakuykunamanpis mana faltakuspa rina. Chayta ruwasun chayqa, kallpata japʼisun qhatiykachasqa kaspa aguantanapaj, familianchej Jehovata mana sirvinata munajtinkupis. Apóstol Pablotaqa ashkha kutispi qhatiykacharqanku. Chayrayku pay nerqa: “Jehová Diosmin yanapawajneyqa, mana manchachikusajchu”, nispa (Hebreos 13:6).
Predicaypis yanapawanchej mana manchikunapaj. Predicaspaqa Jehovapi astawan atienekunchej, niñataj runasta manchikunchejchu (Proverbios 29:25). Kunanmantapacha mana manchikuspa predicasun chayqa, autoridades churanakuwajtinchejpis willallasunpuni (1 Tesalonicenses 2:2).
3. Qhatiykachasqa kaspa aguantay, ¿imaynatá yanapawanchej?
Ni piman gustanchu qhatiykachasqa kayqa. Jinapis qhatiykachayta aguantajtinchej, creeyninchej sinchʼiyanqa, Diosmanpis astawan qayllaykusun. Qhatiykachasqa kaspaqa sutʼita rikunchej Jehovaj yanapaynillanwan aguantasqanchejta (Santiago 1:2-4 leey). Jehovaqa sufrejtinchej llakikun. Jinapis aguantajtinchej mayta kusikun. Biblia nin: “Allin kajta ruwasqaykichejrayku ñakʼariykunata aguantankichej chayqa, chaymin Diostaqa mayta kusichin”, nispa (1 Pedro 2:20). Jehovaqa wiñay kausayta qowasun payta mana wasanchaspa aguantajtinchej. Chantapis tukuyninchej payllata yupaychasun, niñataj pipis churanakuwasunchu (Mateo 24:13).
ASTAWAN YACHAKUNA
Kaypi yachakusun qhatiykachasqa kaspapis Jehovata sirvillaytapuni atisqanchejta. Yachakullasuntaj aguantasqanchejrayku ima bendicionestachus japʼinanchejta.
4. Familianchej churanakuwajtinchejpis aguantana
Jesusqa nerqa wakin familiaresninchej Jehovata yupaychananchejta mana munanankuta. Mateo 10:34-36 leeriychej, chantá yachakojta tapuriy:
-
Jehovata yupaychayta ajllajtinchej, ¿imatataj familiaresninchej niwasunman chayri ruwawasunman?
Wakin hermanosqa familianku, amigosninku saqerparejtinkupis Jehovata sirvillarqankupuni. VIDEOTA qhawariychej, chantá yachakojta tapuriy.
-
¿Imatataj ruwawaj uj familiarniyki chayri uj amigoyki amaña Jehovata sirvinaykita nisojtin?
Salmo 27:10; Marcos 10:29, 30 leeriychej, chantá yachakojta tapuriy:
-
¿Imaynatá yanapawasunman kay versículos familiaresninchej chayri amigosninchej churanakuwajtinchej?
5. Qhatiykachasqa kaspapis Jehovata sirvinallapuni
Wajkuna qhatiykachawajtinchejpis Jehovata sirvinallapajpuneqa, mana manchachikojkuna kana tiyan. VIDEOTA qhawariychej, chantá yachakojta tapuriy.
-
Kay videopi rikusqanchej, ¿yanapawanchejchu qhatiykachasqa kaspa aguantanapaj?
Hechos 5:27-29; Hebreos 10:24, 25 leeriychej, chantá yachakojta tapuriy:
-
Autoridades manaña tantakunata, nitaj predicanatapis niwajtinchej, ¿imaraykutaj Jehovata sirvinallapuni tiyan?
6. Jehová yanapawasun aguantanapaj
Ashkha suyusmanta Jehovaj testigosnenqa qhatiykachasqa kaspapis aguantashallankupuni. Paykunaqa imaymana edadniyoj kanku. VIDEOTA qhawariychej, chantá yachakojta tapuriy:
-
Videopi qhawarqanchej chay hermanosta, ¿imastaj yanaparqa aguantanankupaj?
Romanos 8:35, 37-39; Filipenses 4:13 leeriychej, chantá yachakojta tapuriy:
-
Kay versiculospi nisqan, ¿qhatiykachasqa kajtinchej aguantanapaj yanapawasunmanchu?
Mateo 5:10-12 leeriychej, chantá yachakojta tapuriy:
-
¿Imaraykutaj qhatiykachasqa kaspapis kusisqa kasunman?
May chhika Jehovaj kamachisnin qhatiykachasqa kaspa aguantanku. Qanpis aguantayta atiwaj.
WAKIN RUNAS NINKU: “Qhatiykachasqa kaspa nisina aguantaymanchu”, nispa.
-
Ajinata yuyajkunapaj, ¿Bibliamanta ima versiculotataj leeripusunman Jehovapi astawan atienekunanpaj?
¿IMASTÁ YACHAKUNCHEJ?
Kaypi yachakunchej Jehovaqa may sumajpaj qhawasqanta qhatiykachasqa kaspapis payta sirvinallapajpuni kallpachakusqanchejta, paypa yanapayninwantaj aguantayta atisqanchejta.
Yuyarikunapaj
-
¿Imatá Biblia nin qhatiykachasqa kananchejmanta?
-
¿Imastá kunanña ruwasunman qhatiykachayta aguantanapaj?
-
¿Qhatiykachasqa kaspapis Diosta sirvillasunmanpunichu? ¿Imaraykutaj chayta ninki?
ASTAWAN YACHAKUNAYKIPAJ
¿Imaynatá Jehová uj joven hermanota yanaparqa carcelpi kashajtin? Chayta yachanaykipaj kay videota qhawariy.
¿Imataj uj qhariwarmita yanaparqa qhatiykachasqa kaspapis Jehovata sirvinallankupajpuni? Chayta yachanaykipaj kay videota qhawariy.
¿Qhatiykachasqa kayta manchachikunachu tiyan? Chayta yachanaykipaj kayta leeriy.
“Qhatiykachasqa kanapaj wakichikuna” (Torremanta Qhawaj, julio de 2019)
Familianchej churanakuwajtinchej, ¿imatá ruwasunman paykunawan allinpi kanapaj, Jehovatapis kasukunallapajpuni? Chayta yachanaykipaj kayta leeriy.
“Jesusqa tʼaqanachej jamorqa” (Torremanta Qhawaj, octubre de 2017)
Kaykunatapis qhawaykurillawajtaj
¿IMATÁ TAPUKUNKU JEHOVAJ TESTIGOSNINMANTA?
¿Imaynatá Jehovaj testigosnin Bibliamanta yachachinku?
Jehovaj testigosnenqa, gratis Bibliamanta yachachiyku, qanpis gustasusqan Bibliawan yachakuyta atiwaj. Chantapis familiaykita, amigosniykitapis invitariwaj qanwan khuska yachakunankupaj.
