KʼUTUNEM 59
At katkunik kachʼij ri kʼax che kbʼan chawe
Qonojel ri oj cristianos kqariq kʼax y jujun taq mul itzel kojilik. ¿La kqaxeʼj qibʼ chuwach wariʼ?
1. ¿Jasche kqaxeʼj ta qibʼ chiʼ itzel kojilik?
Ri Biblia kubʼij: «Konojel ri winaq ri qas kakaj kakan ri urayinik ri Cristo Jesús, kabʼan na kʼax chke» (2 Timoteo 3:12). Xbʼan kʼax che ri Jesús rumal che xubʼan ta ri jastaq re wajun uwach Ulew riʼ che kʼo pa uqʼabʼ ri Satanás. Y, ri oj xuqujeʼ kqabʼan taj rumal laʼ kqamay taj che ri qʼatal taq tzij o ri e kojonem kkibʼan kʼax chqe (Juan 15:18, 19).
2. ¿Jas rajawaxik kqabʼano rech kqachʼij ri kʼax che kbʼan chqe?
Rajawaxik qakubʼsaj más qakʼuʼx chrij ri Jehová. ¿Y jas kbʼan che ubʼanik wariʼ? Che ronojel taq qʼij kqatas qatiempo che ubʼanik qachʼawem y kqasikʼij ri Biblia. Xuqujeʼ, amaqʼel kojbʼe pa taq ri e riqbʼal ibʼ. Ronojel wariʼ kojutoʼo rech kqachʼij ri kʼax che kbʼan chqe, y ri kkibʼan ri qafamilia. Ri apóstol Pablo, sibʼalaj xbʼan kʼax che, rumal laʼ xubʼij: «Ri Ajawaxel are toʼl wech, man kinxeʼj ta wibʼ» (Hebreos 13:6).
Jun chi jastaq che kojutoʼ che uchʼijik ri kʼax are ri utzijoxik ri utzij ri Dios. Ri utzijoxik ri utzij ri Dios kojutoʼo rech más kqakubʼsaj qakʼuʼx chrij ri Jehová y kqaxibʼij ta qibʼ chke ri winaq (Proverbios 29:25). We kaxeʼj ta awibʼ kimik, wariʼ katutoʼo rech kaxeʼj ta awibʼ chkiwach ri qʼatal taq tzij we kojkiqʼatej che utzijoxik ri utzij ri Dios (1 Tesalonicenses 2:2).
3. ¿La kqariq jujun taq utzilal we kqachʼij ri kʼax che kbʼan chqe?
Qonojel utz ta kqanaʼo che kbʼan kʼax chqe, are kʼu we kqachʼijo más knimar ri qakojonik. Y kubʼano che más kkowir ri qachilanik rukʼ ri Jehová rumal che kqil ri utobʼanik are chiʼ kqanaʼo che kojkun ta chik kqachʼij ri kʼax (chasikʼij Santiago 1:2-4). Sibʼalaj kbʼison ri Jehová are chiʼ kbʼan kʼax chqe, are kʼu sibʼalaj kkikotik are chiʼ kqachʼij ri kʼax. Ri Biblia kubʼij: «We rumal ri ubʼanik utzil kiriq kʼax, we kichʼijo, are qas utz kilitaj waʼ chuwach ri Dios» (1 Pedro 2:20). We kqachʼij apachike kʼax y kojux sukʼ che ri Jehová ri areʼ kuya jun qakʼaslemal che kʼo ta ukʼisik pa jun jeʼlalaj uwach Ulew, jawchiʼ e kʼo ta chi winaq che itzel kkil ri qastzij qʼijilanik (Mateo 24:13).
CHANIMARISAJ RI AWETAʼMANIK
Chqilaʼ jujun taq tobʼanik che kojutoʼo rech kojux sukʼ che ri Jehová paneʼ itzel kojilik. Y chqilaʼ ri kubʼan che qatewchixik we kqachʼij ri kʼax.
4. Chachʼijaʼ ri kʼax che kkibʼan ri afamiliares chawe
Ri Jesús xubʼij che weneʼ jujun chke ri qafamiliares kkaj taj kqaqʼijilaj ri Jehová. Chisikʼij Mateo 10:34-36 y chixtzijon chrij wariʼ:
-
¿Jas kʼax kuriq jun winaq kumal ri ufamilia chiʼ kuchaʼ upatanexik ri Jehová?
Rech kiwetaʼmaj kiwach jujun winaq che xkiriq kʼax rumal ri kikojonik, chiwilaʼ ri VIDEO. Tekʼuriʼ chixtzijon chrij wariʼ:
-
¿Jas kabʼano we jun afamiliar o jun awachiʼl kubʼij chawe che kapatanij ta chi ri Jehová?
Chisikʼij Salmo 27:10 y Marcos 10:29, 30. Are chiʼ isikʼim chi ri textos pa kijujunal, chixtzijon chrij wariʼ:
-
¿Jas kubʼan wajun texto che atoʼik rech kachʼij ri kʼax che kkibʼan ri afamiliares o ri awachiʼl chawe?
5. Maqayaʼo che kojqʼatex che upatanexik ri Jehová
Rajawaxik kqaxibʼij ta qibʼ chkiwach ri winaq are chiʼ kkibʼij chqe che kqaya kan upatanexik ri Jehová. Chiwilaʼ ri VIDEO y chixtzijon chrij wariʼ:
-
¿Jas más utz xawil pa ri video che katutoʼ rech kaxeʼj ta awibʼ?
Chisikʼij Hechos 5:27-29 y Hebreos 10:24, 25. Are chiʼ isikʼim chi ri textos pa kijujunal, chixtzijon chrij wariʼ:
-
¿Jasche kqaya ta kan upatanexik ri Jehová paneʼ ri qʼatal taq tzij kkibʼij chqe che kqatzijoj ta chi ri utzij ri Dios y kqabʼan ta chi ri e riqbʼal ibʼ?
6. Ri Jehová kojutoʼ che uchʼijik ri kʼax
Ri testigos rech Jehová che jalajoj kijunabʼ y kitinamit e kunaq che ukʼutik sukʼilal che ri Jehová paneʼ kiriqom kʼax. Rech kiwilo jas kibʼanom, chiwilaʼ ri VIDEO. Tekʼuriʼ chixtzijon chrij wariʼ:
-
¿Jas xetoʼw ri Testigos riʼ che uchʼijik ri kʼax?
Chisikʼij Romanos 8:35 y 37-39, xuqujeʼ Filipenses 4:13, TNM. Are chiʼ isikʼim chi ri textos pa kijujunal, chixtzijon chrij wariʼ:
-
¿Jas kubʼan wajun texto riʼ che ukʼutik che at katkunik kachʼij apachike kʼax?
Chisikʼij Mateo 5:10-12 y chixtzijon chrij wariʼ:
-
¿Jasche katkunik katkikotik paneʼ kbʼan kʼax chawe?
E kʼi upatanelabʼ ri Jehová e kunaq che uchʼijik ri kʼax. ¡At xuqujeʼ katkunik kachʼijo!
RI KKICHOMAJ JUJUN WINAQ: «Kinchʼij ta riʼ ri kʼax che kbʼan chwe».
-
¿Jas textos re ri Biblia katkunik kakojo rech katoʼ wajun winaq riʼ?
RI XQETAʼMAJ
Ri Jehová sibʼalaj nim krilo che kqakoj qachuqʼabʼ che upatanexik paneʼ kbʼan kʼax chqe. Are kʼu, ¡rukʼ ri utobʼanik kojkunik kqachʼijo!
¿La knaʼtaj chawe?
-
¿Jasche kqamay taj che ri oj cristianos kbʼan kʼax chqe?
-
¿Jas kabʼan che utijoxik awibʼ rech kachʼij ri kʼax che kariq na?
-
¿Jas kattoʼwik rech kaya ta kan upatanexik ri Jehová apastaneʼ ri kʼax che kariqo?
CHAWILAʼ CHI NIKʼAJ
Chawilaʼ ri xubʼan Jehová che utoʼik jun ala che xtzʼapix pa cárcel rumal che xutoʼ uwiʼ ri uQʼatbʼal tzij ri Dios.
Chawilaʼ jas xtoʼw jun kʼulaj che upatanexik ri Jehová kʼi taq junabʼ paneʼ xbʼan kʼax chke.
Chawilaʼ ri kabʼan che uchʼijik ri kʼax.
«Chqakowirisaj ri qakojonik kimik rech kqachʼij ri kʼax» (Ri Chajinel, julio 2019)
¿Jas rajawaxik kqetaʼmaj chrij ri kʼax che kqariq pa ri qafamilia? ¿Y jas rajawaxik kqabʼano rech kkʼojiʼ utzilal chqaxoʼl y kojux sukʼ chuwach ri Jehová?
«Ri qastzij kuya ta jamaril, xaneʼ chʼoj» (La Atalaya, octubre 2017)
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
