LECCIÓN 59
Catirash llaquichijpish aguantai pudinchimi
Diosda sirvijgunadaga jarcaigunada churash catirashmi llaquichinajunga. Chaida yachashaga, ¿mancharinallu ganchi?
1. Catirash llaquichijpiga, ¿imamundadi na mancharina ganchi?
Bibliaga cashnami nin: “Pish Jesús shina Taita Diosda sirvish causasha nishaga, catirash llaquichishcami ganga” (2 Timoteo 3:12). Jesusga na cai mundo genteguna shinallu garca, chaimundami paidaga catirash llaquichinajurca. Ñucunchigunadash, Jesusbu catijguna gashcamundami, cai mundobu gobiernoguna y panta religiongunaga catirash llaquichinajun (Juan 15:18, 19).
2. Narij catirash llaquichijpiga, ¿imadadi rrurrana ganchi?
Jehová Diosbi ashtaun confiangabumi esforzarina ganchi. ¿Caidaga imashinadi rrurrana ganchi? Cada funchami Diosda mañangabu, Bibliada liyingabu tiempoda surcuna ganchi. Shinalladi tucui tandanajuigunamun rringabumi esforzarina ganchi. Shinami familiaguna o cutishujguna Diosda ama sirvillun jarcajpi o catirash llaquichijpish aguantai pudishun. Apóstol Pablodaga catirashmi llaquichinajurca, chaimundami paiga cashna escribirca: “Jehová Diosmi ñucada ayudanga. Na manchashallu” (Hebreos 13:6).
Siempre predicacionmun llujshinami ama manchallun ayudanga. Predicacionmun llujshinami Jehová Diosbi confiallun y gentegunada ama manchallun ayudan (Proverbios 29:25). Cununmunda shinchi feda charingabu esforzarishaga, gobiernoguna jarcaigunada churajpish na manchashunllu (1 Tesalonicenses 2:2).
3. Catirash llaquichijpi aguantash catinaga, ¿imashinadi ayudanga?
Catirash llaquichillunga na munanchillu. Pero catirash llaquichijpi, aguantashaga ñucunchi fega ashtaun shinchimi tucunga. Ñucunchi propio fuerzaun ñaupujmun na cati pudishcada rricushaga, Jehová Diosmi fuerzada cush ayudanga (Santiago 1:2-4-da liyi). Ñucunchiguna sufrijujta rricushaga Jehová Diosga llaquirinmi, pero aguantash catijpiga contentomi sintirin. Chaimundami Bibliabiga cashna nin: “Alli rrurraigunamunda llaquigunada aguantajpiga, Taita Diosga demasmi contentarin” (1 Pedro 2:20). Jehová Diosmi llaquigunada aguantajgunamun y paida cazujgunamunga, para siempre causana oportunidadta cunga. Chaibi Diosbu contragunaga ña na tiyangallu, solo Jehová Diosdami adorashun (Mateo 24:13).
CAI TEMAMUNDA MÁS YACHASHUNCHI
Catirash llaquichijpish imashina Jehová Diosda sirvish catinada rricushunchi. Shinalladi aguantajpi ima bendiciongunada chasquinadash yachashunchi.
4. Familiaguna jarcajpish aguantai pudinguimi
Jesusga ñucunchi propio familiami Jehová Diosda ama sirvillun jarcaigunada churanga nirca. Mateo 10:34-36-da liyish, chaimunda parrlaichi:
-
Huaquinbi Jehová Diosda sirvinada decidijpiga, ¿familiaga imashinadi tratanga?
Huauquipaniguna llaquigunada aguantangabu imada rrurrashcada yachangabuga, cai VIDEODA rricui. Jipaga caimunda parrlaichi:
-
Shuj familia o amigo Jehová Diosda ama sirvillun jarcajpiga, ¿imadadi rrurrana gangui?
Salmo 27:10 y Marcos 10:29, 30-da liyish, chaimunda parrlaichi:
-
Familiaguna o amigoguna Diosda sirvillun jarcajpish, ¿imashinadi cai promesa aguantallun ayudanga?
5. Catirash llaquichijpish Jehová Diosda sirvish cati
Huaquinguna jarcaigunada churajpish na manchashmi Jehová Diosda sirvish catina ganchi. VIDEODA rricush caimunda parrlaichi:
-
¿Videobi rricushca shina ama manchangabuga imadi ayudanga?
Hechos 5:27-29 y Hebreos 10:24, 25-da liyish, chaimunda parrlaichi:
-
¿Autoridadguna predicallun o tandanajullun na saquijpish imamundadi Jehová Diosda sirvish catinaga importante gan?
6. Jehová Diosmi aguantallun ayudanga
Diferente edadgunada y diferente llactagunamunda testigo de Jehovagunadami catirash llaquichijpish Jehová Diosda sirvish catinajushca. Catirash llaquichijpi aguantangabu ima ayudashcada yachangabuga, cai VIDEODA rricui. Jipaga, caimunda parrlaichi:
-
¿Cai huauquipanigunada catirash llaquichijpish aguantallunga imadi ayudarca?
Romanos 8:35, 37-39, y Filipenses 4:13-da liyish, chaimunda parrlaichi:
-
Cai textogunaga, ¿imashinadi llaquigunada aguantai pudillun ayudan?
Mateo 5:10-12-da liyish, chaimunda parrlaichi:
-
¿Catirash llaquichijpish imamundadi contento causai pudingui?
Ashca testigo de Jehovagunami jarcaigunada charishash Jehová Diosda sirvish catinajushca. Canbish chaidami rrurrai pudingui.
HUAQUINGUNAGA NINMI: “Catirash llaquichijpiga na aguantai pudishallu”.
-
Shina yuyajpi Jehová Diosbi ashtaun confiallunga, ¿majin textogunadi ayudanga?
RESUMEN
Jehová Diosga, catirash llaquichijpish paida sirvingabu esforzarijta rricushaga ashcadami valoran. Paibu ayudaunmi aguantash cati pudinchi.
Repaso
-
Diosda sirvijgunada catirash llaquichijta rricushaga, ¿imamundadi na mancharina ganchi?
-
Narij catirash llaquichijpiga, ¿imashinadi prepararina gangui?
-
Catirash llaquichijpish, ¿imamundadi Jehová Diosda sirvish catina gangui?
ASHTAUN YACHAI
Carcelbi gaj huauqui neutral gashcamunda, Jehová Dios imashina ayudashcada rricui.
Shuj matrimonio jarcaigunada charijpish Jehová Diosda sirvish catillun ima ayudashcada yachai.
Catirash llaquichijpi ama manchangabu imada rrurrana gashcada yachai.
“Preparémonos ahora para la persecución” (La Atalaya, julio de 2019)
Familiaguna Jehová Diosda ama sirvillun jarcaigunada churajpiga, ¿imadadi rrurrana ganchi? Jehová Diosdaga, ¿imashinadi tranquilo, shungumunda sirvi pudinchi?
“La verdad no trae ‘paz, sino espada’” (La Atalaya, octubre de 2017)
