LECCIÓN 59
Catiriashpa llaquichijpipash aguantashpa cati ushapanguimi
Tucui cristianocunallatami catiriashpa llaquichi tucushun o imapash jarcaicunata charishun. Chashna pasanat aca ¿manllanachu capanchi?
1. Catiriashpa llaquichi tucuna cashcataca ¿imamandata yachapanchi?
Bibliapica “Cristo Jesushuan shujllashna tucushpa, Taita Diosta tucui shunguhuan sirvishpa causangapaj munajcunaca, tucuicunami catiriashpa llaquichi tucunga” nin (2 Timoteo 3:12). Cai mundomanda gentecunashna na cajpimi Jesustaca catiriashpa llaquichirca. Shinallata ñucanchipash cai mundomanda gentecunashna na cajpimi gobiernocuna, religionda ñaupaman pushajcunapash catiriashpa llaquichin (Juan 15:18, 19).
2. Catiriashpa llaquichi callarijpi preparados cangapaca ¿imatata rurana capanchi?
Cunanmandallatami Jehová Diospi ashtahuan confiangapaj esforzarina capanchi. Chaipaca ¿imatata rurana capanchi? Bibliata cada punlla liingapaj, Jehová Diosta mañangapami tiempota llujchina capanchi. Shinallata tandanajuicunaman na faltashpa ringapapashmi esforzarina capanchi. Shina rurashpaca catiriashpa llaquichi callarijpi o familiacuna ima jarcaicunatapash churajpipash aguantashpa fuerzata charichunmi ayudanga. Apóstol Pablotaca cutin cutinmi llaquichirca. Chaimi paica “Jehová Diosmi ñucataca ayudahuanga. Ñucaca na manllashachu” nishpa escribirca (Hebreos 13:6).
Shinallata villachingapaj seguido llujshinami ama manllachun ayudanga. Predicacionga Jehová Diospi ashtahuan confiachun y gentecunatapash na manllachunmi ayudan (Proverbios 29:25). Cunanmandallata na manllangapaj esforzarishpaca gobiernocuna predicacionda jarcai callarijpipash na manllashpami villachipashun (1 Tesalonicenses 2:2).
3. Catiriashpa llaquichijpi aguantashpa catinaca ¿imashinata ñucanchitallata ayudan?
Catiriashpa llaquichichunga na munapanchichu. Shinapash aguantashpa catingapaj esforzarishpaca ñucanchillatami shinlli feta charita ushapashun. Na ushanshna shaijushca sintirijujpi Jehová Dios ayudajujta cuenta japinami paiman ashtahuan quimirichun ayudanga (Santiago 1:2-4, liipangui). Ñucanchicuna sufrinajujta ricushpaca Jehová Diosca ninandami llaquirin. Pero aguantangapaj esforzarijta ricushpaca paica ninandami cushijun. Bibliapica “alita ruraimanda llaquicunata aguantajpica Taita Diosca ninandami cushijun” ninmi (1 Pedro 2:20). Jehová Diosta tucuipi cazujcunamanga Jehová Diosca para siempre cushilla causaigutami caranga. Chaipica Jehová Diospa contracunaca na tiangachu (Mateo 24:13).
ASHTAHUAN YACHAJUPASHUNCHI
Cunanga catiriashpa llaquichijpi aguantashpa catingapaj huaquin yuyaicunata ricupashun. Aguantashpa catijpica Jehová Dios imashina bendicianatapashmi yachajugripanchi.
4. Familiacuna jarcajpipash aguantaita ushapanguimi
Jesusca ñucanchi familiacunallatami Jehová Diosta ama adorachun jarcanga nishpami villarca. Mateo 10:34manda 36caman liishpa, cai tapuita contestapangui:
-
Jehová Diosta sirvinata decidijpica huaquinbica familiacunaca ¿imatata ruran?
Chai llaquita charishca huauquipanicunapa ejemplota ricupashun. VIDEOTA ricushpa, cai tapuita contestapangui:
-
Shuj familia o shuj amigo Jehová Diosta sirvinata saquichun imatapash nijpica ¿imatata rurai ushapangui?
Salmo 27:10 y Marcos 10:29, 30ta liipangui. Cada textota liishca jipa cai tapuita contestapangui:
-
Cai textopa promesacunaca familia o amigocuna Jehovata ama sirvichun jarcajpipash ¿imashinata aguantachun ayudan?
5. Catiriashpa llaquichijpipash Jehová Diosta sirvinataca na saquinachu capanchi
Jehová Diosta ama sirvichun jarcaicunata churajpipash na manllashpami Jehová Diosta sirvinataca na saquina capanchi. VIDEOTA ricushpa, cai tapuita contestapangui:
-
¿Videopa maijan partecunata quiquindaca na manllashpa shinlli tucuchun ayudanga?
Hechos 5:27manda 29caman y Hebreos 10:24 y 25ta liipangui. Cada textota liishca jipa cai tapuita contestapangui:
-
Autoridadcuna predicacionda y tandanajunata prohibijpipash ¿imamandata Jehová Diosta sirvishpa catinaca importantepacha can?
6. Jehová Diosmi aguantashpa catichun ayudanga
Catiriashpa llaquichijpipash ashtaca Testigo de Jehovacunaca joven o mayor cashpa o shuj shuj llactacunamanda cashpapash, Jehová Diosta sirvinataca na saquishcachu. Aguantachun ima ayudashcata yachangapaca, VIDEOTA ricushpa, cai tapuita contestapangui:
-
Catiriashpa llaquichijpipash aguantashpa catichunga paicunataca ¿imata ayudarca?
Romanos 8:35 y 37manda 39caman y Filipenses 4:13ta liipangui. Cada textota liishca jipa cai tapuita contestapangui:
-
Jarcaicuna ricurijpipash aguantai ushana cashcataca ¿imashinata cai textoca ricuchin?
Mateo 5:10manda 12caman liishpa, cai tapuita contestapangui:
-
Catiriashpa llaquichijpipash ¿imamandata cushilla caita ushapanchi?
Ashtaca Jehovata sirvijcunaca jarcaicunata mishai ushashcami. Quiquinbash aguantai ushapanguimi.
HUAQUINGUNACA, “Ñucata catiriashpa llaquichijpica na aguantai ushashachu” ninmi.
-
¿Shina yuyajcunataca maijan textocunata ayudaita ushan?
YARINGAPAJ
Catiriashpa llaquichijpipash Jehová Diosta sirvishpa catijpica paica ninandami cushijun. Y Jehová Diospa ayudahuanga aguantaita ushapanchimi.
¿Imatata yachajupashcanchi?
-
Cristianocunata catiriashpa llaquichina cashcataca ¿imamandata yachapanchi?
-
¿Imamandata nara catiriashpa llaquichijpillata prepararina capanchi?
-
Llaquicuna o jarcaicuna tiajpipash Jehová Diosta sirvi ushanataca ¿imamandata seguro capangui?
CAITAPASH RICUPAI
Jehovata cazuimanda shuj joven huauquigu carcelpi cajpi Jehová imashna ayudashcata ricupai.
Catiriashpa llaquichijpipash aguantashpa catipashunchi (2:34)
Shuj shuj jarcaicunata charishpapash ashtaca huatacunata Jehovata sirvichunga ¿imata shuj cusahuarmigutaca ayudarca?
Catiriashpa llaquichijpipash imashina aguantai ushashcata yachajupai.
“Nara catiriashpa llaquichijpillata ¿imatata yarina capanchi?” (Villajun revista, julio de 2019)
Familiacuna jarcaicunata churajpipash ¿imatata rurashpa catina capanchi? Shinallata Jehová Diosta cazushpa catingapaj, familiapipash tranquilo ali caita ushangapapash ¿imatata rurana capanchi?
“Casilla ali causanapa randica, macanajui tiachunmi shamurcani” (Villajun revista, octubre de 2017)
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
