APII 59
Kia Vai Tiratiratu Koe Noatu te Takinokino Anga
Ka tupu rai te patoi anga e te takinokino anga ki te au Kerititiano. Ka mataku ainei tatou?
1. Eaa tatou ka tapapa atu ei i te takinokino anga?
Karanga te Pipiria: ‘Te aronga katoa e akono i te Atua, ei roto i te Mesia ia Iesu, e takinga-kino katoaia.’ (2 Timoteo 3:12) Kua takinokinoia a Iesu no te mea kare aia no teianei ao o Satani. Kare katoa tatou no teianei ao, e kare tatou e poitirere me takinokinoia tatou e te au kavamani e te au akaaereanga akonoanga o teianei ao.—Ioane 15:18, 19.
2. Akapeea tatou me akapapa no te takinokino anga?
Ka anoanoia tatou i teianei kia irinaki pu tikai ia Iehova. E akanoo i te tuatau i te au rā ravarai kia pure kiaia e te tatau i tana Tuatua. E aere putuputu ki te au uipaanga. Ka akamaroiroiia koe ma te ngakau toa me takinokinoia noatu mei te pamiri. Kua tata te apotetoro ko Paulo, tei takinokinoia: “Ko Iehova toku tauturu, kare au e mataku.”—Ebera 13:6.
Ka ngakau toa tatou me tutu aere ua. Ka akamaroiroi ia tatou kia irinaki pu tikai ia Iehova auraka e mataku. (Maseli 29:25) Me ngakau toa koe i te tutu aere i teianei, ka papa ua koe i te tutu aere noatu te arai anga a te kavamani.—1 Tesalonia 2:2.
3. Akapeea tatou e puapinga ai ma te tiratiratu me takinokinoia?
Kare tatou e reka me takinokinoia, me vai tiratiratu ra tatou, ka matutu atu te akarongo. Ka piri vaitata tatou kia Iehova no te mea ka tauturu aia ia tatou noatu te paruka ua. (E tatau ia Iakobo 1:2-4.) Ka mamae a Iehova me takinokinoia tatou, e ka mareka rava aia me vai tiratiratu tatou. Karanga te Pipiria: “Kia mate ra kotou ma te akono meitaki, ka akakoromaki ei kotou, e mea meitaki ïa i te Atua.” (1 Petero 2:20) Me vai tiratiratu tatou ka oronga mai a Iehova i te ora mutu kore i te ao ou e kare rava te akamorianga mou e patoiia.—Mataio 24:13.
KIMI OONU
Apii kia kite akapeea me vai tiratiratu kia Iehova noatu te takinokino anga.
4. Ka vai tiratiratu koe noatu te patoi anga a te pamiri
Akakite a Iesu e kare te pamiri e turu i ta tatou ikianga kia akamori ia Iehova. E tatau ia Mataio 10:34-36, e oti uriuri i teia uianga:
-
Eaa te ka tupu me inangaro tetai o te pamiri i te tavini ia Iehova?
Ei akaraanga, akatangi i te VITIO, e oti uriuri i teia uianga ka aru mai.
-
Eaa taau ka rave me arai tetai o te pamiri e tetai oa ia koe kia tavini ia Iehova?
E tatau ia Salamo 27:10 e Mareko 10:29, 30. Me tatau i teia nga irava, uriuri i teia uianga:
-
Akapeea teia taputou te tauturu anga ia koe me patoi mai te pamiri e te au oa?
5. E akamori ia Iehova noatu te takinokino anga
Ka anoanoia te ngakau toa kia tavini ia Iehova me arai mai tetai pae ia tatou. Akatangi i te VITIO, e oti uriuri i te uianga ka aru mai.
-
Akapeea te au akaraanga i roto i teia vitio te akamaroiroi anga ia koe kia ngakau toa?
E tatau ia Angaanga 5:27-29 e Ebera 10:24, 25. Me tatau i teia nga irava, uriuri i teia uianga:
-
Eaa i puapinga ai kia akamori ia Iehova noatu me araiia ta tatou tutu aere e te au uipaanga?
6. Tauturu a Iehova kia vai tiratiratu koe
Kua tavini tiratiratu te Au Kite o Iehova, tukeke to ratou mataiti e te ngai i aere mai ei, noatu te takinokino anga. Kia kite eaa tei tauturu ia ratou, akatangi i te VITIO. E oti uriuri i te uianga ka aru mai.
-
I roto i te vitio, eaa tei tauturu i teia Au Kite kia vai tiratiratu?
E tatau ia Roma 8:35, 37-39 e Philipi 4:13. Me tatau i teia nga irava, uriuri i teia uianga:
-
Akapeea teia irava te akapapu anga e ka rauka ia koe kia vai tiratiratu noatu te timata anga?
E tatau ia Mataio 5:10-12, e oti uriuri i teia uianga:
-
Eaa koe ka mataora ai noatu te takinokino anga?
E mirioni ua atu aronga akamori ia Iehova tei vai tiratiratu noatu te takinokino anga. Ka rauka rai ia koe!
KARANGA TE TANGATA: “Kare e rauka iaku kia vai tiratiratu me takinokinoia.”
-
Eaa te au irava te ka akamaroiroi ia ratou?
APIIANGA
Mareka rava a Iehova i ta tatou tauta anga i te tavini iaia noatu te takinokino anga. Ka vai tiratiratu tatou ma tana tauturu!
Uriurianga
-
Eaa te au Kerititiano ka tapapa atu ei i te takinokino anga?
-
Eaa taau ka rave i teianei kia papa koe no te takinokino anga?
-
Eaa te ka tauturu ia koe kia tavini ia Iehova noatu te timata anga?
KIMI KIMI
Akara akapeea tetai mapu tane te akamārama anga i ta Iehova tauturu kia vai tiratiratu aia e kia vai takake noatu i roto i te are auri.
Akara eaa tei tauturu i tetai nga tokorua kia tavini tiratiratu ia Iehova no tetai tuatau roa noatu te patoi anga.
Apii kia kite akapeea me vai tiratiratu noatu te takinokino anga.
“E Akapapa i Teianei no te Takinokino Anga” (Te Punanga Tiaki, Tiurai 2019)
Akapeea me patoi mai te pamiri, e akapeea me akatupu i te ‘au e kia vai tiratiratu kia Iehova?
“Apai Mai te Tuatua Mou, ‘i te Tamaki, Kare i te Au’” (Te Punanga Tiaki, Okotopa 2017)
Ka Reka Katoa Koe i Teia
AU UIANGA A TE TANGATA
Eaa te Uriurianga Apii Pipiria Tei Orongaia e te Au Kite o Iehova?
Na roto i te uriurianga apii kare e tutaki tei orongaia e te Au Kite o Iehova, ka rauka ia koe i te taangaanga i tetai ua atu urianga o te Pipiria. E pati atu i toou ngutuare tangata me kore tetai au oa kia kapiti mai kia koe.
