LEKCIJA 59
O Jehovas hino tuha, te pre tute džan
Sako užaras, hoj o svetos pre amende džala. Kampel olestar te daral?
1) Soske užaras, hoj džana pre amende?
E Biblija phenel: Savore, so kamen te dživel sar le Ježišoskere učeňika avka sar kamel o Del, zadživena oda, hoj pre lende džana. (2. Timotejovi 3:12) Pro Ježiš sas igen choľamen u džanas pre leste, bo na džalas le Bengeskere svetoha. A amenca keren avka isto. Vaš oda amen o svetos našťi avri ačhel a džan pre amende o politika, rašaja the pastora. (Ján 15:18, 19)
2) So kampel te kerel sigeder, sar pre amende džana?
Mušinas sako ďives te vakerel le Jehovaha a te genel e Biblija. Te phirel pre dojekh zhromažďeňe. Kada savoro kerela, hoj peske avaha buter ista pro Jehovas imar akana. Hin jekh, so zadživaha. Na vzdaha pes, the te pre amende džala vareko andal e fajta. O apoštol Pavol džanelas, so oda hin te el phandlo andre, abo te cerpinel predal o Del. So les diňa zor? Phenďa: O Jehovas mange pomožinel, vaš oda na darava. (Hebrejom 13:6)
So amen mek dela zor, kaj te na daras le manušendar? Te furt vakeraha le manušenca pal o Del. Odoj sikhľuvas buter pes te zmukhel pro Jehovas. (Príslovia 29:25) Te imar akana sikhľoha te zaačhel pes vaš o Jehovas, paľis na daraha pal leste te vakerel, the te oda o vladi zakazinena. (1. Tesaloničanom 2:2)
3) So lačho amen olestar ela, te ľikeraha avri?
Ňiko nane rado, te pre leste džan. Te cerpinas a imar olestar na birinas, zadživaha pre peskeri cipa, hoj o Jehovas amenge podel o vast. Paľis sam zoraleder the pašeder kijo Jehovas. (Pregen Jakub 1:2–4) Le Jehovas dukhal o jilo akor, sar cerpinas. Aľe hino andre amende barikano, hoj pes na vzdiňam. Andre Biblija hin: Te cerpinen vaš oda, hoj tumen keren lačho, o Del pre tumende dikhel šukares. (1. Petra 2:20) Ajsen, so ačhena le Jehovaske verna, o Jehovas dela o dživipen pro furt adaj pre phuv. Odoj pre amende ňiko na džala vaš oda, hoj služinas le Jehovaske. (Matúš 24:13)
DODŽAN TUT BUTER
Soske peske šaj avas ista, hoj del pes te ačhel verna le Jehovaske. A so lačho le Jehovastar vaš oda chudaha.
4) O Jehovas ela tuha, te pre tute džala e fajta
O Ježiš phenďa, hoj na sako andre fajta ela rado, hoj kamas te služinel le Jehovaske. Pregen Matúš 10:34–36 a paľis vakeren jekhetane:
-
So šaj kerel varekaha e fajta, te kamel te služinel le Jehovaske?
Dikh, so zadžiďiľa jekh rom the jekh romňi. Mukh o VIDEJO a paľis vakeren jekhetane.
-
So kereha, te tuke fajta abo kamarata rakinen abo tut keren tele, kaj te mukhes le Jehovas?
Pregen Žalm 27:10 the Marek 10:29, 30. Pal dojekh tekstos vakeren jekhetane:
-
Sar tut ala lava šaj podhazden, te pre tute džal fajta abo kamarata?
5) Furt služin le Jehovaske
Te pre amende džan, nane loko bije dar te služinel le Jehovaske. Mukh o VIDEJO a paľis vakeren jekhetane.
-
So andal o videjo tut diňa zor?
Pregen Skutky 5:27–29 the Hebrejom 10:24, 25. Pal dojekh tekstos vakeren jekhetane:
-
Soske našťi preačhas dureder te služinel le Jehovaske, the te o vladi amenge phenen, hoj našťi phiras pro zhromažďeňa aňi andre služba?
6) Ma dara, o Jehovas the tut dela zor!
Amare phrala the pheňa pal calo svetos, či terne, či andro berša, na omukhen le Jehovas. Aňi akor, te pre lende džan. Andro videjo dikheha, so len del zor. Mukh o VIDEJO a paľis vakeren jekhetane.
-
So le phralen the le pheňen diňa zor, kaj te ačhen verna?
Pregen Rimanom 8:35, 37–39 the Filipanom 4:13. Pal dojekh tekstos vakeren jekhetane:
-
So tut del zor, hoj ňisavo pharipen tut na mušinel te odcirdel le Jehovastar?
Pregen Matúš 5:10–12 a paľis vakeren jekhetane:
-
Soske šaj aves bachtalo andro jilo, the te pre tute džan?
But Jehovaskere svedki na omukhle le Jehovas, the te pre lende fest džanas. The tu šaj aves sar on!
VAREKO ŠAJ PHENEL: „Me na ľikerava avri, te džana pre mande the pre miri fajta.“
-
Save lava andal e Biblija, bi leske pregenehas, kaj olestar avka te na daral?
SO SIKHĽIĽAM
O Jehovas thovel baripen, te dikhel, hoj les na omukhľam aňi akor, te pre amende džan. Leskera zoraha ľikeraha avri dojekh pharipen!
So bi phenehas
-
Soske užaras, hoj džana pre amende?
-
So tuke kampel te kerel sigeder, sar pre tute džana?
-
Soske šaj paťas, hoj ňisavo pharipen tut na mušinel te odcirdel le Jehovastar?
DIKH TUKE BUTER
Dikh tuke, sar o Jehovas pomožinďa jekhe phraleske, saves phandle andre, bo na džalas le svetoha.
Dikh tuke, so diňa zor jekhe phrales the leskera romňa, kaj calo dživipen vernones te služinen le Jehovaske.
Pregen tuke, so te kerel, kaj te na daras, te pre amende džana.
„Už teraz sa pripravuj na prenasledovanie“ (Strážna veža z júla 2019)
Pregen tuke, sar te dikhel pre oda, te džal pre amende e fajta. A so šaj keres, kaj tut ke lende te ľikeres šukares a kaj te ačhes verno.
„Pravda neprináša ‚pokoj, ale meč‘“ (Strážna veža z októbra 2017)
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
