ЛЕКЦИЈА 59
Ту шај те ачхове верно ко прогонство
Порано или покасно, секова јекх амендар ка доживинел противибе, па чак ка овел прогонимо. Дали ваљани те дара таро акава?
1. Соске на чудинела амен адава со ка ова прогониме?
И Библија јасно вакерела: „Сарине со мангена те живинен ко јекхипе е Христос Исусеа хем те обожавинен е Девле, ка овен прогониме“ (2. Тимотеј 3:12). О Исус сине прогонимо адалеске со на сине дело таро е Сатанаскоро свето. Амен да на сием дело таро акава свето, адалеске на чудинела амен кеда о владе хем о религиозна организацие прогонинена амен (Јован 15:18, 19).
2. Сар шај те спремина амен башо прогонство?
Важно тано панда акана те кера позорали амари доверба ко Јехова. Адалеске, одвојн туке време секова диве те молине тут леске, те читине нешто тари Библија хем те џа редовно ко состанокија. Са акала буќа ка ден тут и сила со ваљани туке те шај храбро те издржине о прогонство, чак кеда адава прогонство авела тари тли фамилија. О апостол Павле кова со сине бут пути прогонимо пишинѓа: „О Јехова тано адава со поможинела ман, нане те дарав“ (Евреите 13:6).
Исто аѓаар, адава со редовно ка проповедина ка бајрарел амари храброст. Кеда проповединаја амен сикљоваја те овел амен доверба ко Јехова хем те победина и дар таро мануша (Изреки 29:25). Ако панда акана сикљовеа храбро те проповедине, адава ка поможинел туке те на чхинаве те проповедине, чак ако о владе забранинена адава (1. Солуњаните 2:2).
3. Дали о прогонство шај те поможинел аменге ко несаво начин?
Џанѓола пе, амен на уживинаја те ова прогониме, ама ако истрајнаја ко прогонство амари вера ка овел позорали. Исто аѓаар, ка ова попаше е Јеховаја соске ка осетина сар ов ка дел амен сила кеда амен нане те овел амен више сила те продолжина. (Читин Јаков 1:2-4.) Е Јехова бут дукхала ле кеда дикхела сар амен цидаја муке, ама бут ценинела кеда истрајнаја хем ачховаја леске верна. И Библија вакерела: „Ако истрајно трпинена муке адалеске со керена нешто шукар, тегани о Девел тано бахтало“ (1. Петрово 2:20). Ако ачховаја верна, о Јехова ка наградинел амен хем ка дел амен вечно живото ко нево свето. Тегани, сарине со ка живинен адатхе ка служинен е Јеховаске хем никој нане те противинел пе ленге (Матеј 24:13).
ДОЗНАЈН ПОВИШЕ
Дознајн соске шај те ачхова верна е Јеховаске, иако ка доживина прогонство хем дикх сар о Јехова ка наградинел амен башо адава.
4. Ачхов верно кеда тли фамилија ка противинел пе туке
О Исус шукар џанља кај несаве тари амари фамилија нане те манген те служина е Јеховаске. Читин Матеј 10:34-36, а пало адава керен лафи башо акава пучибе:
-
Сар шај те реагиринел и фамилија ако некој одлучинела те служинел е Јеховаске?
Те шај те дикхе јекх пример башо акава дикх о ВИДЕОКЛИПИ, а пало адава керен лафи башо акава пучибе:
-
Со ка кере ако некој тари фамилија или несаво амал ка пробинел те чхинавел тут те служине е Јеховаске?
Читин Псалм 27:10 хем Марко 10:29, 30. Пало секова стихо, керен лафи башо акава пучибе:
-
Сар шај акава ветување те поможинел туке ако иси тут противибе тари фамилија или таро амала?
5. Ма чхинав те служине е Јеховаске ко прогонство
Ваљани аменге храброст те служина е Јеховаске кеда о јавера пробинена те чхинавен амен таро адава. Дикх о ВИДЕОКЛИПИ, а пало адава керен лафи башо акава пучибе:
-
Сар о примерија таро видеоклипи дена тут храброст?
Читин Дела 5:27-29 хем Евреите 10:24, 25. Пало секова стихо, керен лафи башо акава пучибе:
-
Соске тано бут важно те на чхинава те служина е Јеховаске, чак ако о проповедибе хем амаре состанокија тане забраниме?
6. О Јехова ка поможинел туке те ачхове верно
Е Јеховаскере сведокија таро цело свето — терне хем пхуре — на чхинавѓе верно те служинен е Јеховаске, иако сине прогониме. Те шај те дознајне со поможинѓа ленге дикх о ВИДЕОКЛИПИ, а пало адава керен лафи башо акава пучибе:
-
Со поможинѓа е пхраленге хем е пхењенге те ачховен верна?
Читин Римјаните 8:35, 37-39 хем Филипјаните 4:13. Пало секова стихо, керен лафи башо акава пучибе:
-
Сар акава стихо уверинела тут кај шај те издржине секова пхарипа?
Читин Матеј 5:10-12, а пало адава керен лафи башо акава пучибе:
-
Соске шај те ове бахтало, иако доживинеа прогонство?
Милиоња пхраља хем пхења ачхиле верна е Јеховаске ко прогонство. Ту да шај те ачхове верно!
НЕСАВЕ ШАЈ ВАКЕРЕНА: „Дарава кај нане те издржинав о прогонство“.
-
Саво стихо шај те поможинел околеске со иси ле асавки дар?
СО СИКЛИЛЕМ
О Јехова бут ценинела со на чхинаваја те служина леске кеда сием прогониме. Ов ка поможинел аменге те ачхова верна!
Сар ка одговорине?
-
Соске на чудинела амен адава со ка ова прогониме?
-
Сар шај панда акана те спремина амен башо прогонство?
-
Со уверинела тут кај шај те ачхове верно е Јеховаске ко секова пхарипа?
ИСТРАЖИН
Дикх со поможинѓа јекхе терне пхралеске те ачховел верно кеда сине ко затвор адалеске со сине неутрално.
Сикљов сар шај те ове храбро ко прогонство.
„Спремин тут башо прогонство панда акана“ (Стражарско кула таро јули 2019)
Со шај те поможинел аменге кеда доживинаја прогонство тари фамилија?
„О чачипе на анела ’мир, него мачи‘“ (Стражарско кула таро октомври 2017)
Шај исто ка интересинел тут
НАЈЧЕСТА ПУЧИБА
Сар изглединела о библиско курси со нудинена е Јеховаскере сведокија?
Џикоте икерела пе о бесплатно библиско курси, шај те користине било кова превод тари Библија. Ко курси шај те канине некас тари тли фамилија или несаве амале.
