Acana sau mai târzio, sea le creștini va trebuna te așen zurale cana le manușa va avena contra lenghe sau cana va nachena prin persecuții. Trebulas te daravel-ame cadai buchi?

1. Sostar ajucăras-ame te avas persecutime?

I Biblia phenel: „Sea codola cai camen te train andi devoțiunea sfânto ando phanglimos le Isus Cristosoia va avena vi von persecutime”. (2 Timotei 3:12) O Isus sas-lo persecutime anda codoia că ci cărdea partea andai lumea le Satanoschi. Nici amen ci cheras partea andai lumea, anda codoia ajucăras-ame te avas persecutime catar le guvernea cadala lumeache sau catar le organizații religioso. (Ioan 15:18, 19)

2. So daisaras te cheras caște avas pregătime andal persecuții?

Trebul te zuriaras amaro pachiamos ando Iehova încă de acanara. Cher tuche timpo ande fiesavo ghies te manghes-tu lesche hai te citisares iech cotor anda lesco Cuvânto. Jia ca fiesavi întrunirea. Sea cadala va dena-tu o zuralimos caște naches pherdo tromai părdal orisavi persecuția, chiar cana cadaia avel catar le jene andai familia. O apostolo Pavel, cai sas-lo butivar persecutime, phendea: „O Iehova si mânro ajutorii; ci va avela te darav”. (Evrei 13:6)

Sa cadea, arăsas vi mai tromane cana phenas i vestea lași oricana daisaras. I predicarea sicavel-ame te șioas amaro pachiamos ando Iehova hai te nachas părdal i dar le manușendar. (Proverbe 29:25) Dacă bariares chio tromai caște phenes i vestea lași acana, va avela te aves gata te predichis vi cana o guverno va camela te așavel amari buchi. (1 Tesaloniceni 2:2)

3. So miștimata si amen dacă ci mechas-ame cana sam persecutime?

Ciaces, ci placial-ame cana sam persecutime. Tha, dacă ci mechas-ame, amaro pachiamos va avela vi mai zuralo. Sa cadea, pașioas mai but le Iehovastar anda codoia că dichas lesco vast cai vazdel-ame cana simțosaras că ci mai si amen zuralimos te jias mai dur. (Citisaren Iacov 1:2-4.) Vi le Iehovas duchal-les cana dichel că sam duchade, tha lesco ilo bariol cana dichel că amen ci mechas-ame. I Biblia phenel: „Cana suportin hai nachen prin ducha anda codoia că cheren so si mișto, cadai buchi si lași andel iacha le Devlesche”. (1 Petru 2:20) Dacă așias zurale ando pachiamos, o Iehova va dela-ame viața veșnico andi lumea nevi, cai chonic ci va mai așela contra i închinarea ciaci. (Matei 24:13)

 HACHIAR MAI MIȘTO

4. Daștis te așes zuralo cana chi familia așel tuche contra

O Isus jianglea mișto că na savore anda amari familia va bucurina-pe că amen camas te slujisaras le Iehovasche. Citisaren Matei 10:34-36 hai pala codoia den duma:

• Cana varecon alosarel te slujil le Iehovasche, sar daștinas te phiraven-pe chichiva jene anda leschi familia?

5. An mai dur închinarea le Iehovasche chiar cana san persecutime

 6. O Iehova va ajutila-tu te na meches-tu

 SO SICHILEAM

O Iehova dichel cuci cana das amari zor te slujisaras lesche chiar cana sam persecutime. Vo ajutil-ame te na mechas-ame.

So dichleam

• Sostar daștin le creștini te ajucăren-pe te aven persecutime?

• So daștis te cheres acana caște aves gata cana va avena le persecuții?

• So pachias că va ajutila-tu te așes loialo le Iehovasche chiar cana naches prin pharimata?