59 ӶЛАВА
Ту сможэш тэ виритярэс преследовании!
Анда Библия амэ ӷанас, кай лэ Дэвлэстирэ служытелёнэн, если най акана, то англэ всаек лэна тэ преследуют. Трэбуй через када тэ дарас?
1. Катар амэ ӷанас, кай амэн лэна тэ преследуют?
Андэ Библия ԥэнэнпэ: «Всаворэн, ко камэл тэ кандэл лэ Дэвлэс через о Иисус Христос, лэна тэ ӷонин» (2 Тимофею 3:12). Лэ Иисусос на прилэнас андэ лэ Сатанастири люма. Кадяжэ и амэн на прилэн и мануша, савэ на полэн лэ Иеговас. Важ када амэ на дас наздив, кай правительства и хохавнэ веры преследуют амэн (Иоанна 15:18, 19).
2. Со поможыя амэнди тэ авас ӷотови каринг и преследовании?
Трэбуй ужэ акана тэ сытювас тэ доверям лэ Иеговасти. Важ када трэбуй кажно дес тэ виарақас время тэ мангаспэ, тэ адиносарас и Библия и тэ авас пэ всаворэ собрании. Када дэла амэнди зор тэ виритярас вся, дажэ если амаро ери или о родо жана против амэндэ. О апостоло Павло, савэс най еқвар преследовали, ԥэндя: «О Иегова мэрно помошнико, на авава тэ дарав» (Евреям 13:6).
Ай кай тэ авас инке май смили, поможыя и служэния. Кала амэ росԥэнас пала Иегова, амэ лас май фартэ тэ патяс лэсти и парашас тэ дарас лэ манушэндар (Притчи 29:25). Если амэ акана ашас май смили, тоди амэ на парашаса тэ проповедуем, если и правительства запретина амари дила (1 Фессалоникийцам 2:2).
3. Саво лашимос кодэлэстар, кай амэн преследуют?
Амэнди на чалёл, кала амэндэ исин кацаво ԥаримос. Но кадэлэстар амэ май фартэ патяс лэ Иеговасти. Амэ ашас май пашэ лэ Иеговаса, кала диқас лэстири помощь, если амэндэ ужэ нинай зор. (Адиносар Иакова 1:2—4.) Лэ Иеговасти ԥарэс тэ диқэл, кай амэндэ ԥаримос. Но во абурой амэндар, кай амэ на сдаспэ. Андэ Библия ԥэнэнпэ: «Если тумэ тэрпин важ кода, кай пэрэандярэн о ԥаримос важ и лащи дила, то кадэлэса тумэ уӷодин лэ Дэвлэсти» (1 Петра 2:20). О Иегова дя алав, кай кодэлэнди, ко лэс на ашавэла, во дэла вечно жызня андо раё, и котэ на авэла преследования (Матфея 24:13).
УӶАНАМ МАЙ БУТ
Андэ кадэя ӷлава амэ уӷанаса, со поможыя тэ виритярас, кала пар мэндэ тасавэн и саво лашимос дэла о Иегова кодэлэнди, ко лэсти предани.
4. Ту виритярэса, если пэр тутэ тасавэла о ери и о родо
О Иисусо ԥэндя, кай амаро ери или о родо моӷут тэ тасавэн пар мэндэ, кай амэ служысарас лэ Иеговасти. Адиносарам Матфея 10:34—36 и подам дума пала вопросо, саво май тэлэ.
-
Со можэт тэ терэл о ери, кала варико андар лэндэ витидя тэ служый лэ Иеговасти?
Акэ со можэт тэ авэл. Диқам о ВИДЕО и подам дума пала вопросо, саво посли видео.
-
Со ту терэса, если друӷо или варико анда ери, или родо лэла тэ ԥэнэн тути, кай ту тэ на служыс лэ Иеговасти?
Адиносарам Псалом 27:10 и Марка 10:29, 30. Спэрва проадиносар о стихо анда Псалом и дэ атвето по вопросо, саво май тэлэ. Ай потом проадиносар стихоря анда Марка и кадяжэ дэ атвето.
-
Сар кадэла алава поможына тути тэ виритярэс, кала варико, ко тути куч, лэна тэ тасавэн пэр тутэ, кай ту тэ на служыс лэ Иеговасти?
5. На параш тэ служыс лэ Иеговасти, хоть авэр моӷут тэ тасавэн пэр тутэ
Трэбуй тэ авэс смило, кай тэ служыс лэ Иеговасти, кала авэр на дэн тути када тэ терэс. Диқам о ВИДЕО и подам дума пала вопросо, саво посли видео.
-
Сар кадэва видео поможый тути тэ авэс смило?
Адиносар Деяния 5:27—29 и Евреям 10:24, 25. Спэрва проадиносар и стихоря анда Деяния и дэ атвето по вопросо, саво май тэлэ. Ай потом проадиносар стихоря анда Евреям, и кадяжэ дэ атвето по вопросо.
-
Васо важно тэ на парашас тэ служысарас лэ Иеговасти, дажэ если андэ страна, кай амэ жувэс, на дэн тэ росԥэнас пала Дэл и тэ стидаспэ пэ собрания?
6. О Иегова поможыя амэнди вся тэ виритярас
Па вся и люма лэ Иеговастирэ свидетеля, и тэрнэ и взросли, на парашэн тэ служын лэ Иеговасти, дажэ кала лэн преследуют. Катар лэндэ зор тэ виритярэн кацаво ԥаримос? Диқам о ВИДЕО и подам дума пала вопросо, саво май тэлэ.
-
Со поможысардя кадэлэ ԥралэнди и ԥэянди тэ ашэнпэ предани лэ Иеговасти?
Адиносарам Римлянам 8:35, 37—39 и Филиппийцам 4:13. Спэрва проадиносар и стихоря анда Римлянам и дэ атвето по вопросо, саво май тэлэ. Ай потом проадиносар стихо анда Филиппийцам, и кадяжэ дэ атвето по вопросо.
-
Сар кадэла алава придэн тути зор тэ патяс, кай ту виритярэса любо ԥаримос?
Адиносарам Матфея 5:10—12 и подам дума пала вопросо, саво май тэлэ.
-
Васо ту всаек можэш тэ авэс радосно, дажэ кала тасавэн важ и вера?
Бут милионоря лэ Иеговастирэ свидетеля на парашэлэ тэ служын лэ Дэвлэсти, дажэ кала лэнди на дэнас када тэ терэн. Ту кадяжэ сможэш тэ ашэспэ предано лэ Дэвлэсти!
ТУТИ ВАРИКО МОЖЭТ ТЭ ԤЭНЭН: «Мэ на виритярава, если пэр мандэ лэна тэ тасавэн важ и вера».
-
Савэ стихоря анда Библия моӷут тэ дэн зор кацавэ манушэнди?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай важ о Иегова фартэ куч, кала амэ пристас о зор тэ служысарас лэсти, дажэ кала амэнди на дэн када тэ терас. Лэстирэ зорэса амэ вся виритяраса!
Сар ту гиндос?
-
Васо амэ на удивисавас, кай лэ христианонэн преследуют?
-
Со ту можэш акана тэ терэс, кай тэ авэс ӷотово тэ виритярэс и преследовании?
-
Со поможыя тути тэ патяс, кай ту на парашэса тэ служыс лэ Иеговасти, саво бы ԥаримос тэ на авэл?
ДИК ИНКЕ
Андэ кадэва видео тэрно ԥрал росԥэнэн, сар о Иегова поможысардя лэсти, кала лэс бэшардэ, кай во на жыля андэ халавдэ.
«Виритярас о ԥаримос, кала на дэн спокойно тэ служысарас лэ Иеговасти» (2:34)
Дик, со дя зор кадэла ерести тэ на парашэн тэ служын лэ Иеговасти бут бэрша, хоть лэндэ сас бут ԥаримос важ и вера.
Уӷан, со поможыя тэ авэс смило, кала лэна тэ преследуют.
«Акана авэн ӷотови каринг кода, кала лэна тэ ӷонин» («Сторожэво башня» важ о июлё пала 2019 бэрш)
Сар правильно тэ диқэс пэ кода, кала варико анда ери или родо тасавэл пэр тутэ, кай ту лян тэ служыс лэ Иеговасти?
«Чачимос анэн „най миро, ай о мечо“» («Сторожэво башня» важ о октябрё пала 2017 бэрш)
