කවදා හරි සැබෑ ක්‍රිස්තියානීන් වන අපි හැමෝටම විරුද්ධවාදිකම්වලට, හිරිහැරවලට මුහුණ දෙන්න වෙනවා. ඒ ගැන හිතලා අපි බය වෙන්න ඕනෙද?

1. විරුද්ධවාදිකම් එයි කියලා අපි බලාපොරොත්තු වෙන්නේ ඇයි?

‘යේසුස්ගේ අනුගාමිකයන් ලෙස දෙවිට භක්තියක් ඇතුව ජීවත් වෙන්න කැමති හැමෝටම පීඩා විඳින්න වෙනවා’ කියලා බයිබලයේ කියනවා. (2 තිමෝති 3:12) මේ දුෂ්ට සමාජයේ ඉන්න මිනිස්සුන්ට කිසිම විදිහකින් සමාන නොවී හිටපු නිසා මිනිස්සු යේසුස්ටත් පීඩා කළා. අපිත් මේ ලෝකේ අයට සමාන නොවී ඉන්න නිසයි මේ ලෝකේ තියෙන ආණ්ඩු, සංවිධාන අපිට පීඩා කරන්නේ. ඒ ගැන පුදුම වෙන්නේ නැහැ.—යොහන් 15:18, 19.

2. පීඩාවලට මුහුණ දෙන්න සූදානම් වෙන්න අපිට පුළුවන් කොහොමද?

යෙහෝවා ගැන විශ්වාසය තව ශක්තිමත් කරගන්න දැන්ම පියවර ගන්න. හැමදාම යාච්ඤා කරන්න. බයිබලය කියවන්න. රැස්වීම්වලට සහභාගි වෙන්න. පීඩාවලට බය නැතුව මුහුණ දෙන්න ඒවා අපිට ශක්තියක් වෙයි. පවුලේ අයගෙන් එන පීඩා දරාගන්නත් ඒවා උදව් වෙයි. හුඟක් පීඩා වින්ද පාවුල් මෙහෙම කිව්වා. “මට උපකාර කරන්නේ යෙහෝවා දෙවිය. මම බිය නොවන්නෙමි.”—හෙබ්‍රෙව් 13:6.

නිතිපතා දේශනා සේවයේ හවුල් වෙන එකත් ධෛර්යය ඇති කරගන්න අපිට උදව් වෙනවා. සේවයේ හවුල් වෙද්දී තව වැඩියෙන් යෙහෝවා ගැන විශ්වාසය තියලා වැඩ කරන්නත් මිනිස්සුන්ට තියෙන බයෙන් ගොඩ එන්නත් අපි ඉගෙනගන්නවා. (හිතෝපදේශ 29:25) දේශනා කරන්න තියෙන බය දැන් ඔයා නැති කරගත්තොත් ආණ්ඩුවලින් තහංචි දාන දවසක වුණත් ඔයා අත් නෑර දේශනා කරයි.—1 තෙසලෝනික 2:2.

3. පීඩාවලට හොඳින් මුහුණ දෙන එක අපිට ප්‍රයෝජනවත් වෙන්නේ කොහොමද?

විරුද්ධවාදිකම් එන කල් අපි ආසාවෙන් බලාගෙන ඉන්නේ නැහැ. ඒත් ඒවාට හොඳින් මුහුණ දෙද්දී අපේ විශ්වාසය තව ශක්තිමත් වෙනවා. ‘තවත් මේක දරාගන්න බෑ’ කියලා හිතෙන වෙලාවලදී යෙහෝවා අපිට උදව් කරන විදිහ දකිද්දී අපි ඔහුට තව ළං වෙනවා. (යාකොබ් 1:2-4 කියවන්න.) විරුද්ධවාදිකම් නිසා අපි දුක් විඳිනවා දකින එක යෙහෝවාට ලොකු වේදනාවක්. ඒත් ඒවා මැද අපි දිගටම ඔහුට නමස්කාර කරනවා දකිද්දී ඔහු අපි ගැන සතුටු වෙනවා. ඒ නිසයි බයිබලයේ මෙහෙම කියන්නේ. “ඔබ යහපත් දේවල් කර ඒ නිසා දුක් විඳ, ඒ දුක විඳදරාගන්නා විට එය දෙවි ඉදිරියෙහි ප්‍රශංසනීය දෙයකි.” (1 පේතෘස් 2:20) පීඩා මැද වුණත් විශ්වාසවන්තව ඉන්න අයට යෙහෝවා පාරාදීසයේ සදහටම ජීවත් වෙන්න අවස්ථාව දෙනවා. එදාට එයාලා නිදහසේ යෙහෝවාට නමස්කාර කරනවා.—මතෙව් 24:13.

 තවත් හොයමු

4. පවුලෙන් එන පීඩාවලට හොඳින් මුහුණ දෙන්න

කෙනෙක් යෙහෝවාට නමස්කාර කරන්න තීරණය කළාම එයාගේ පවුලේ අය ඒකට විරුද්ධ වෙන්න පුළුවන් කියලා යේසුස් කිව්වා. මතෙව් 10:34-36 කියවලා මේ ප්‍රශ්නය ගැන කතා කරන්න.

• කෙනෙක් යෙහෝවාට නමස්කාර කරන්න පටන්ගත්තාම පවුලේ අය එයාට මොනවා කියන්න, කරන්න ඉඩ තියෙනවාද?

5. විරුද්ධවාදිකම් ආවත් දිගටම යෙහෝවාට නමස්කාර කරන්න

 6. විඳදරාගන්න යෙහෝවා ඔයාට උදව් කරයි

 ඉගෙනගත්ත දේ

විරුද්ධවාදිකම් මැද වුණත් යෙහෝවාට නමස්කාර කරන්න අපි ගන්න උත්සාහය ඔහුට ගොඩක් වටිනවා. ඔහුගේ උදව්වෙන් විරුද්ධවාදිකම්වලට හොඳින් මුහුණ දෙන්න අපිට පුළුවන්.

ඔයා හිතන්නේ මොකක්ද?

• විරුද්ධවාදිකම් එයි කියලා ක්‍රිස්තියානීන් බලාපොරොත්තු වෙන්නේ ඇයි?

• විරුද්ධවාදිකම්වලට මුහුණ දෙන්න දැන් තියාම ඔයාට හොඳින් සූදානම් වෙන්න පුළුවන් කොහොමද?

• මොන පීඩාව ආවත් ඔයාට දිගටම යෙහෝවාට නමස්කාර කරන්න පුළුවන් කියන නිසැකකම ඇති කරගන්න උදව් වෙන්නේ මොකක්ද?