ROSO 59
Darte Cincite Saˈˈa Dandaatto
Muli yannara woy albillitte, mannu baalanka Kiristaana giwansa woy xiiwansa digattanno. Tenne waajja hasiissannonke?
1. Mannu xiiwankera dandaanno yine heda hasiissannonkehu mayiraati?
Qullaawu Maxaafi, “Kiristoosi Yesuusinni maganittete heeshsho heeˈra hasiˈranno baali xiiwamanno” yee xawise kulanno. (2 Ximootewoosi 3:12) Yesuusi Sheexaanu alame wido ikkinokki daafira dartu iillinosi. Ninkeno alamete wido diˈˈikkinoommo; hakko daafira alamete mangistubba woy ammaˈnote dirijjitta xiibbunkero dhagge diassiˈneemmo.—Yohaannisi 15:18, 19.
2. Dartu iillannonke woyitira qixxaawa dandiineemmohu hiittoonniiti?
Xaanni Yihowa addaxxa rosa hasiissannonke. Barru baala huuccatto assiˈrattotinna Maganu Qaale nabbawatto yanna heedhohe. Ganyite songote gambooshshe haˈri. Konne baala assittoro, aye darteno wole agurina miniˈne manni giwannoheta nafa cincite saˈˈatto jawaante heedhannohe. Duucha hige dartu iillinosihu soqqamaasinchu Phaawuloosi, “Kaaliiqi kaaˈlaanchoˈyaatina diwaajjeemmo” yee borreessino.—Ibiraawoota 13:6.
Ganyine sabbakankeno worbuulle ikkineemmo gede kaaˈlitannonke. Sabbaka Yihowa addaxxa ronseemmo gedenna manna waajjineemmokkire ikkineemmo gede assitannonke. (Lawishsha 29:25) Xa waajjittokki sabbaka rosittoro, gashshootu sabbankeemmota hoolinkero nafa sabbakate qixxaawoottoha ikkatto.—1 Teselonqe 2:2.
3. Dartu iillannonke woyite cincanke kaaˈlitannonkehu hiittoonniiti?
Hige dartu umisi hagiirsiisannonke yaa diˈˈikkino; ikkirono dartu iilleennanke cincinummoro ammananke albinni roore kaajjado ikkitanno. Kageeshshi qarra dandee diafeemmo yine hendeemmo woyite Yihowa kaaˈlannonke daafira, albinni roore isiwa gamba yineemmo. (Yaiqoobi 1:2-4 nabbawi.) Yihowa qarrammanna laˈˈanno woyite lowo geeshsha dadillanno; ikkirono qarra cincine saˈneemmo woyite hagiidhanno. Qullaawu Maxaafi togo yaanno: “Danchumma assitinanni heedhineenna qarru amadeennaˈne cincitiniro . . . Maganuwiinni galata afidhinanni.” (1 Pheexiroosi 2:20) Ammanatenni qarra cincite saˈannorira baalaho Yihowa haaro alamera hegere heeshsho oye baˈraasannonsa; hattee alamera halaalu magansiˈra xiiwannohu diheeˈranno.—Maatewoosi 24:13.
LEDDE XIINXALLI
Dartu heeˈrirono Yihowara ammanamme heeˈra dandiineemmo yineemmohu mayiraatironna isi baˈraasannonkehu hiittoonniitiro rosi.
4. Miniˈne manni giwiherono cinca dandaatto
Yesuusi, maatenke Yihowa magansiˈneemmota baxa hooggara dandiitannota seekke afino. Maatewoosi 10:34-36 nabbabbe; hakkiinni tenne xaˈmo hasaabbe:
-
Mittu manchi Yihowara soqqama doodhanno woyite maatesi miilla ma assitasira dandiitanno?
Tennera mitto lawishsha laˈˈate, VIIDIYO laˈe; hakkiinni aante noo xaˈmo hasaabbe.
-
Fiixikki woy jaalikki Yihowara soqqamattota hoolahera woˈnaaliro maa assatto?
Faarso 27:10 nna Maarqoosi 10:29, 30 nabbabbe. Mitto mittonka qummeeshsha nabbabbinihu gedensaanni, tenne xaˈmo hasaabbe:
-
Maatekki miilla woy jaallakki Yihowara soqqamattota hooltahera woˈnaalturo, tini hexxo kaaˈlitannohehu hiittoonniiti?
5. Dartu iilliherono Yihowa magansiˈra agurtooti
Mannu Yihowara soqqammeemmota hoolanni heeˈreennankenni isira soqqamate worbimma hasiissanno. VIIDIYO laˈe; hakkiinni aante noo xaˈmo hasaabbe.
-
Viidiyote giddo laˈnummo roduuwi xagge jawaachishshinohehu hiittoonniiti?
Soqqamaasinete Looso 5:27-29 nna Ibiraawoota 10:24, 25 nabbabbe. Mitto mittonka qummeeshsha nabbabbinihu gedensaanni, tenne xaˈmo hasaabbe:
-
Gashshootu sabbakate loosonke woy gambooshshenke hooliro nafa, woˈmanka woyite Yihowa magansiˈra lowo geeshsha hasiissannota ikkitinohu mayiraati?
6. Yihowa cincite saˈˈatto gede kaaˈlannohe
Alamete doyichora noori Yihowa Farciˈraasine ajuno akkaluno, dartu iillinsarono Yihowara ammanante soqqama dandiitino. Insa kaaˈlinonsari maatiro afate, VIIDIYO laˈe. Hakkiinni aante noo xaˈmo hasaabbe.
-
Viidiyote giddo laˈnummo roduuwi cincanno gede kaaˈlinonsari maati?
Roomu Sokka 8:35, 37-39 nna 2 Qorontoosi 4:7 nabbabbe. Mitto mittonka qummeeshsha nabbabbinihu gedensaanni, tenne xaˈmo hasaabbe:
-
Kuni qummeeshshi aye qarrano cincite saˈˈa dandaattota ammanatto gede assannohehu hiittoonniiti?
Maatewoosi 5:10-12 nabbabbe; hakkiinni tenne xaˈmo hasaabbe:
-
Dartu iilliherono hagiidha dandaattohu mayiraati?
Lowo miliyoone ikkitannori Yihowa soqqamaasine dartu iillinsarono cincite saˈˈa dandiitino. Atino cincite saˈˈa dandaatto!
MITU MANNI TOGO YAANNO: “Dartu iilliero dandee saeemmoha dilawaae.”
-
Togoo manni waajjannokki gede hiikkuri qummeeshshuwa kaaˈlitannonsaha lawaahe?
XAPHISHSHA
Yihowa dartu iillanni heeˈreennankenni isira soqqamate sharrammeemmo woyite hagiidhanno. Qoleno isi kaaˈlonni darte cincine saˈˈa dandiineemmo!
Kageeshsha Rosoottore
-
Kiristaanu dartu iillansara dandaannota heda hasiissannonsahu mayiraati?
-
Dartu iillannohe woyitira qixxaawate xa maa assa dandaatto?
-
Aye qarrino heeˈreennanni Yihowara soqqama dandiineemmota huluullammeemmokkihu mayiraati?
EGENNO LEXXI
Mittu wedellichu rodii poletikaho anga wodha giweenna usurrisi yannara Yihowa kaaˈlinosihu hiittoonniiti?
Mittu minaanninna minaama mannu giwinsarono lowo diro Yihowara ammaname soqqamanno gede kaaˈlinonsari maatiro wodanchi.
Dartu iillannohe yannara worba ikka dandaatto gara rosi.
“Dartu Iillannoˈne Woyitira Xaanni Qixxaabbe” (Agarooshshu Shae, Maaja 2019)
Mininke manni giwannonke woyite keeru heeˈranno gede assanna Yihowara ammanama dandiineemmohu hiittoonniiti?
“Halaalu Salaame ‘Ikkikkinni Ola Haaˈre Daanno’” (Agarooshshu Shae, Birra 2017)
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
