Kabéh urang Kristen pasti bakal nyanghareupan tangtangan, atawa malah panganiayaan. Na urang kudu sieun?

1. Ku naon teu anéh lamun urang dikaniaya?

Ceuk Alkitab, ”Saha waé nu hayang ngabdi ka Allah salaku murid Isa Al-Masih bakal dikaniaya ogé.” (2 Timotius 3:12) Baheula, Isa dikaniaya sabab manéhna lain bagian ti dunya Sétan. Ayeuna urang gé lain bagian ti dunya Sétan, jadi teu anéh mun urang dikaniaya ku pamaréntah atawa ku organisasi agama di dunya ieu.​—Yahya 15:18, 19.

2. Kumaha supaya urang siap nyanghareupan panganiayaan?

Urang kudu beuki percaya ka Yéhuwa. Pék sadiakeun waktu unggal poé pikeun ngadoa ka Anjeunna jeung maca Firman-Na. Sing rutin masamoan. Hal-hal ieu bisa méré anjeun kakuatan supaya anjeun wani saupama aya jalma-jalma nu nganiaya, kaasup kulawarga sorangan. Baheula, Rasul Paulus gé sering dikaniaya. Tapi manéhna nulis, ”Yéhuwa panulung kuring, kuring moal sieun.”​—Ibrani 13:6.

Urang gé bisa beuki wani mun terus ngawawar. Waktu ngawawar, urang téh diajar pikeun ngandelkeun Yéhuwa jeung teu sieun ka manusa. (Siloka 29:25) Mun ti ayeuna kénéh urang geus wani ngawawar, engké urang gé moal eureun ngawawar sanajan kagiatan urang dilarang ku pamaréntah.​—1 Tésalonika 2:2.

3. Naon mangpaatna lamun urang tetep satia waktu dikaniaya?

Nya, mémang urang teu resep dikaniaya. Tapi lamun urang tetep satia waktu dikaniaya, iman urang bakal beuki kuat. Urang gé bakal beuki akrab jeung Yéhuwa sabab urang ngarasakeun sorangan kumaha Yéhuwa nulungan urang waktu urang geus teu boga kakuatan deui. (Baca Yakobus 1:2-4.) Waktu urang sangsara, Yéhuwa téh sedih. Tapi, Anjeunna senang lamun urang tetep satia. Ceuk Alkitab, ”Lamun aranjeun tetep sabar waktu ngalaman kasangsaraan lantaran ngalampahkeun nu hadé, Allah resep ka aranjeun.” (1 Pétrus 2:20) Yéhuwa bakal ngaberkahan kabéh jalma nu tetep satia. Anjeunna bakal méré kahirupan nu langgeng di dunya anyar. Engké mah moal aya deui nu ngamusuhan urang.​—Matius 24:13.

 HAYU NGULIK

4. Anjeun bisa tetep satia najan aya tangtangan ti kulawarga

Isa ngarti, kulawarga urang bisa waé teu resep mun urang ngalayanan Yéhuwa. Baca Matius 10:34-36, terus bahas:

• Naon nu bisa waé kaalaman ku saurang jalma nu milih pikeun ngalayanan Yéhuwa?

5. Pék terus ibadah ka Yéhuwa najan dikaniaya

 6. Yéhuwa bakal ngabantu anjeun pikeun tetep satia

 INTI BAB

Yéhuwa bener-bener ngahargaan upaya urang pikeun tetep ngalayanan Anjeunna najan dikaniaya. Ku bantuan Yéhuwa, urang pasti bisa satia!

Nu geus dibahas

• Ku naon teu anéh mun urang Kristen dikaniaya?

• Naon nu kudu anjeun lakukeun ti ayeuna kénéh supaya bisa siap nyanghareupan panganiayaan?

• Naon nu bisa ngayakinkeun anjeun yén anjeun bisa tetep satia nyanghareupan sagala tangtangan?