LESOGNE 59
Ko Mivalike Ndra tie Enjehegne Aza
Tsy maintsy hiatreke fagnenjehagne ty ndaty raike naho fa manjare Kristiana. Faie toko’e hampatahotse vao zay?
1. Nagnino ro fa ampoizentikagne tie hiatreke fagnenjehagne tikagne?
Rehafe ty Baiboly mazava tie: “Ze ndaty te hahafoe tegna ho an’Andrianagnahare sady miharo amy i Kristy Jesosy, le henjehegne ka.” (2 Timoty 3:12) Nenjehegne ty Jesosy satria tsy agnisa ty tontolo i Satana toy. Tsy agnisa ty tontolo toy ka tikagne. Tsy mahagaga antikagne areke naho magnenjeke antikagne o fitondram-panjakagneo naho o fivavahagneo.—Jaona 15:18, 19.
2. Ino ty hagnampe antikagne ho vognogne hiatreke fagnenjehagne?
Mila mikezake hatoky i Jehovah tikagne manomboke amy izao. Manokàgna fotoagne isan’andro mba hivavahagne ama’e naho hamakiagne ty Saontsi’e. Mikezaha hivory tsy tapake. Naho manao ireo rehe, le ho bey herim-po sady hanagne hery hiatrehagne o fagnenjehagneo, ndra tie va’e ho boake amy ty keleia’o aza zay. Mateteke nenjehegne ty apostoly Paoly faie nirehake reke tie: “I Jehovah ty mpagnampe ahy, le tsy hatahotse raho.”—Hebreo 13:6.
Ho bey herim-po ka tikagne naho fa mitory tsy tapake. Miantehetse amy i Jehovah sady tsy matahotse ndaty tikagne naho fa mitory. (Ohabolana 29:25) Naho fa tsy matahotahotse mitory rehe manomboke amy izao, le ho vognogne hitory avao ndra tie ho rarà o fanjakagneo tsy hanao izay aza.—1 Tesalonianina 2:2.
3. Ino ty soa ho rambesentikagne naho tsy mivalike ndra tie enjehegne aza?
Maregne fa tsy mahafale antikagne tihoe enjehegne. Faie vao mainke hihamafe ty finoantikagne naho fa tsy mivalike tikagne. Naho fa nitsapantikagne tie, tena nagnampe antikagne hahavita hiaretse ty Jehovah, le vao mainke hifandrambe marine ama’e tikagne. (Vakio ty Jakoba 1:2-4.) Malahelo ty Jehovah mahavazoho antikagne mijale, faie fale reke naho fa miaretse tikagne. Hoe ty Baiboly: “Naho manao ty soa nareo, le mijale noho ze raha zay, faie miaretse, le izay ro ankasitrahan’Andrianagnahare.” (1 Petera 2:20) Ino ty valesoa homey i Jehovah ze miaretse hatrake amy ty fara’e? Hiaigne nainai’e amy i tontolo vaovaoy ao sady hanompo aze malalake iareo satria tsy hisy hanohetse ty fivavahagne maregne sasa ty amy izay.—Matio 24:13.
ANDAO HANDINEKE TY PITSOPITSO’E
Hodinehentikagne ato tie, nagnino tikagne ro hahavita tsy hivalike amy i Jehovah ndra tie misy magnenjeke aza sady ino ty valesoa ho azontikagne.
4. Hahavita hiaretse rehe ndra tie enjehe ty keleia’o aza
Fanta i Jesosy soa fa va’e tsy ho fale ty keleiantikagne naho fa manompo i Jehovah tikagne. Vakio ty Matio 10:34-36, sady iharò midineke ty fagnonteneagne toy:
-
Ino ty raha va’e hiseho naho misy amy ty raike amo o keleiagneo manompo i Jehovah?
Hagnente ohatse raike miomba izay tikagne. Alefaso i VIDEO oy, sady iharò midineke ty fagnonteneagne toy.
-
Ino ty hatao’o naho misy nama’o ndra o keleia’ò mikalagne azo tsy hanompo i Jehovah?
Vakio ty Salamo 27:10 naho ty Marka 10:29, 30. Isake tie vita vaky ty andinin-teny raike, le iharò midineke ty fagnonteneagne toy:
-
Nagnino o fampitamagne iohoe ro afake magnampe azo naho misy nama’o ndra keleia’o manohetse azo?
5. Manompoa i Jehovah avao ndra tie enjehegne aza
Mila herim-po tihoe manompo i Jehovah avao naho misy ndaty mikalagne antikagne tsy hanao izay. Alefaso i VIDEO oy, sady iharò midineke ty fagnonteneagne toy.
-
Nagnino i ohatse tamy i video tao rey ro mahavy azo hanagne herim-po?
Vakio ty Asan’ny Apostoly 5:27-29 naho ty Hebreo 10:24, 25. Isake tie vita vaky ty andinin-teny raike, le iharò midineke ty fagnonteneagne toy:
-
Nagnino ro lahibey tihoe mitory naho mivory avao ndra tie rarà o fitondram-panjakagneo tsy hanao izay aza tikagne?
6. Hagnampe azo hiaretse ty Jehovah
Maro ty Vavolombelo i Jehovah nenjehegne boake amy ty tane sambe hafa sady tsy mitovy ty tao iareo, faie mbe manohy manompo i Jehovah avao. Ino ty nagnampe iareo? Alefaso i VIDEO oy, sady iharò midineke ty fagnonteneagne toy.
-
Arake i video teoy, ino ty nagnampe o Vavolombelogne rehoe hahavita hiaretse?
Vakio ty Romanina 8:35, 37-39 naho ty Filipianina 4:13. Isake tie vita vaky ty andinin-teny raike, le iharò midineke ty fagnonteneagne toy:
-
Nagnino o andinin-teny iohoe ro magnomey toky azo fa ho vita’o ty hiaretse fagnenjehagne?
Vakio ty Matio 5:10-12, sady iharò midineke ty fagnonteneagne toy:
-
Nagnino rehe ro afake ty ho fale avao ndra tie enjehegne aza?
An-tapetrisa’e ty mpanompo i Jehovah nahavita niaretse fagnenjehagne. Ho vita’o ka zay!
MISY TY MIREHAKE TIE: “Tsy ho vitako ty hiaretse ze o fagnenjehagne zao.”
-
Ino ty andinin-teny azo’o rehafegne ama’e magnomey toky aze tie ho vita’e zay?
FAMINTIGNAGNE
Tena sarobily amy i Jehovah ty kezake atao’o mba hanompoagne aze ndra tie enjehegne aza. Hagnampe antikagne reke mba hahavitantikagne hiaretse!
Fameregnagne
-
Nagnino ro toko’e fa hampoize o Kristianao tie henjehegne iareo?
-
Ino ty toko’e hatao’o manomboke amy izao mba ho vognogne hiatreke fagnenjehagne rehe?
-
Ino ty hagnampe azo hatoky fa ho vita’o ty hanompo i Jehovah avao ndra tie enjehegne aza rehe?
FAGNAZAVAGNE FAGNAMPE’E
Mitantara ty fomba nagnampea i Jehovah aze hiaretse ty rahalahy raike toy satria reke ginadra noho ty finoa’e.
Ino ty nagnampe ty mpivaly retoa hanompo i Jehovah avao tagnate ty taogne maro ndra tie nenjehegne aza?
Ino ty hagnampe antikagne hiatreke o fagnenjehagneo sady hanagne herim-po?
“Miomana Manomboke amy Izao Hiatreke Fagnenjehagne” (Fitalakesan-davitse Jolay 2019)
Ino ty toko’e hataontikagne naho fa manohetse antikagne ty keleiantikagne? Ino ty hagnampe antikagne hilongo amy iareo avao sady tsy hivalike amy i Jehovah?
“‘Tsy Minday Filongoagne’ o Hamarenagneo fa ‘Minday Mesabey’” (Fitalakesan-davitse Oktobra 2017)
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
