ይውዓል ይሕደር፡ ኵሎም ክርስትያናት ተቓውሞ ወይ ካብኡ ሓሊፉ እውን መስጐጕቲ ኼጋጥሞም እዩ። እዝስ ኬፍርሃና ኣለዎ ድዩ፧

1. መስጐጕቲ እንጽበ ስለምንታይ ኢና፧

መጽሓፍ ቅዱስ ብንጹር፡ “ኵሎም እቶም ምስ ክርስቶስ የሱስ ብእተተሓሓዘ ንኣምላኽ ብዘለዎም ተወፋይነት ኪነብሩ ዚደልዩ እውን፡ ኪስጐጉ እዮም” ይብል እዩ። (2 ጢሞቴዎስ 3:12) የሱስ ክፍሊ ናይ ሰይጣን ዓለም ብዘይምዃኑ፡ ተሰጒጉ እዩ። ንሕና እውን ክፍሊ እዛ ዓለም ኣይኰንናን፣ ስለዚ፡ ካብ መንግስትታት ዓለምን ሃይማኖታዊ ውድባትን መስጐጕቲ እንተ ኣጋጠመና ኣይገርመናን እዩ።—ዮሃንስ 15:18, 19።

2. ንመስጐጕቲ ኸመይ ጌርና ኽንዳሎ ንኽእል፧

ሕጂ ኣብ የሆዋ ዘሎና ትውክልቲ ኸነደልድል ኣሎና። መዓልቲ መዓልቲ ግዜ መዲብካ ናብኡ ጸሊ፡ ቃሉ እውን ኣንብብ። ኣዘውቲርካ ኣብ ኣኼባታት ጉባኤ ተኣከብ። እዚ ንጥፈታት እዚ ንዜጋጥመካ ዘበለ መስጐጕቲ፡ ዋላ እውን ካብ ኣባላት ስድራ ቤትካ ንዜጋጥመካ ተቓውሞ ብትብዓት ክትሰግር ዜኽእል ብርታዐ ይህበካ እዩ። እቲ ብዙሕ መስጐጕቲ ዘጋጠሞ ሃዋርያ ጳውሎስ፡ “የሆዋ ረዳእየይ እዩ፣ ኣይፈርህን እየ” ኢሉ ጽሒፉ ኣሎ።—እብራውያን 13:6።

ብተወሳኺ፡ ኣዘውቲርና ብምስባኽ፡ ትብዓት ከነማዕብል ንኽእል ኢና። ስብከት ኣብ የሆዋ ኸም እንውከልን ፍርሂ ሰብ ከም እነሰንፍን ይገብረና እዩ። (ምሳሌ 29:25) ሕጂ ንምስባኽ ዜኽእል ትብዓት እንተ ኣጥሪኻ፡ መንግስቲ ንዕዮና ኣብ ዚቕይደሉ እዋን እኳ ብቐጻሊ ንምስባኽ ድሉው ኴንካ ትጸንሕ ኢኻ።—1 ተሰሎንቄ 2:2።

3. መስጐጕቲ እንተ ተጻዊርና ብኸመይ ንጥቀም፧

መስጐጕቲ ኣየሐጕሰናን እዩ፣ መስጐጕቲ ኽንጻወር ከለና ግና፡ እምነትና ትድልድል እያ። ሓይልና ኸም እተጸንቀቐ ዀይኑ ኣብ ዚስምዓና እዋን ሓገዝ የሆዋ ስለ እንርኢ፡ ንየሆዋ ብዝያዳ ንቐርቦ ኢና። (ያእቆብ 1:2-4 ኣንብብ።) መከራ ኽንጸግብ ከለና፡ የሆዋ ይጕሂ እዩ፣ ክንጻወር ከለና ግና፡ ባህ ይብሎ እዩ። መጽሓፍ ቅዱስ፡ “ሰናይ ብምግባርኩም መከራ እንተ ተጻዊርኩም፡ . . . እዚ ኣብ ቅድሚ ኣምላኽ ቅቡል እዩ” ይብል። (1 ጴጥሮስ 2:20) የሆዋ ንዅሎም እቶም ብተኣማንነት ዚጻወሩ ዘበሉ ዓስቦም ኪህቦም እዩ። ሽዑ፡ ንሳቶም ካብ ተቓውሞ ናጻ ኣብ ዝዀነት ዓለም ናይ ዘለኣለም ህይወት ኪረኽቡ እዮም።—ማቴዎስ 24:13።

 ኣዕሚቝካ ዅዓት

4. ካብ ስድራ ቤት ዜጋጥም ተቓውሞ ኽትጻወር ትኽእል ኢኻ

ስድራ ቤትና ነቲ ንየሆዋ ንምምላኽ እንገብሮ ውሳነ ኸይድግፍዎ ኸም ዚኽእሉ የሱስ ገሊጹ ነይሩ እዩ። ማቴዎስ 10:34-36 ኣንብብ፡ ድሕሪኡ በዚ ሕቶ ተመያየጡ፦

• ሓደ ሰብ ንየሆዋ ኼገልግል ምስ ወሰነ፡ ካብ ኣባላት ስድራ ቤቱ እንታይ ኬጋጥሞ ይኽእል፧

5. መስጐጕቲ እኳ እንተ ኣጋጠመካ፡ ንየሆዋ ኣገልግሎ

 6. ምእንቲ ኽትጻወር፡ የሆዋ ኺሕግዘካ እዩ

 ጽማቝ

የሆዋ ነቲ መስጐጕቲ እናሃለወ ኽነሱ፡ ከነገልግሎ እንገብሮ ጻዕርታት ኣኽቢሩ ይርእዮ እዩ። ብሓገዙ፡ ክንጻወር ንኽእል ኢና።

ክለሳ

• ክርስትያናት መስጐጕቲ ኺጽበዩ ዘለዎም ስለምንታይ እዮም፧

• መስጐጕቲ ንዚመጸሉ እዋን ድሉው ንምዃን፡ ሕጂ እንታይ ክትገብር ትኽእል፧

• ኣብ ትሕቲ ዝዀነ ፈተና ንየሆዋ ኸተገልግሎ ኸም እትኽእል ንምትእምማን እንታይ ኪሕግዘካ ይኽእል፧