59-ДӘРИС
Зиянкәшликләргә бәрдашлиқ берәләйсиз
Һазир яки кейинирәк болсун, һаман бир күни барлиқ Мәсиһ әгәшкүчилири қаршилиққа, һәтта зиянкәшликкә учрайду. Биз буниңдин қорқушимиз керәкму?
1. Биз зиянкәшликкә дуч кәлгәндә, немә үчүн һәйран қалмаймиз?
Муқәддәс китапта наһайити ениқ дейилгән: «Худаға Мәсиһ Әйсада вападарлиқ көрситип яшиғанларниң барлиғи тәқипкә учрайду» (Тимотийға 2-хәт 3:12). Әйса Мәсиһ Шәйтанниң дуниясиға мәнсүп болмиғанлиқтин, зиянкәшликкә учриған. Бизму бу дунияға мәнсүп әмәс, шуңа бу дуниядики һөкүмәтләр вә диний тәшкилатларниң зиянкәшлигигә учрисақ, һәйран қалмаймиз (Йоһан 15:18, 19).
2. Зиянкәшликкә қандақ тәйярлиналаймиз?
Биз һазир Йәһваға болған ишәнчимизни күчәйтишимиз керәк. Буниң үчүн һәр күни вақит чиқирип, Худаға дуа қилиң вә Муқәддәс китапни оқуң. Дайим җамаәт жиғилишлириға қатнишиң. Буларниң һәммиси, аилиңиздин келидиған зиянкәшликкила әмәс, һәрқандақ зиянкәшликкә җасарәт билән йүзлиниш үчүн керәклик күчни бериду. Дайим зиянкәшликкә дуч кәлгән әлчи Паул мундақ дегән: «Йәһва — мениң Ярдәмчимдур, қорқмаймән» (Ибранийларға 13:6).
Биз дайим вәз ейтиш арқилиқ җасаритимизни ашуралаймиз. Вәз ейтиш бизгә Йәһваға ишәнч бағлашни вә инсандин қорқушни йеңишни үгитиду (Пәнд-нәсиһәтләр 29:25). Әгәр һазир сиз вәз ейтишта җасаритиңизни ашурсиңиз, һәтта һөкүмәт хизмитимизни чәклигән вақиттиму давамлиқ вәз ейтишқа толуқ тәйярлиналайсиз (Салоникилиқларға 1-хәт 2:2).
3. Зиянкәшликкә учриғанда Йәһваға садиқ қелишниң қандақ пайдиси бар?
Әлвәттә, биз зиянкәшликкә учрашни халимаймиз. Амма зиянкәшликкә бәрдашлиқ бериш иман-етиқадимизни техиму күчәйтиду. Биз әнди бәрдашлиқ берәлмәйдиғандәк һис қилғанда, Йәһваниң ярдимини һис қилип, Униңға техиму йеқинлишимиз (Яқуп 1:2—4ни оқуң). Йәһва бизниң азап-оқубәт чәккәнлигимизни көргәндә азаплиниду. Амма У бәрдашлиқ бериватқанлиғимизни көргәндә интайин хошал болиду. Муқәддәс китап мундақ дәйду: «Яхшилиқ қилған үчүн азап чекип, буниңға сәвир-тақәтлик көрсәтсәңлар, бу Рәббимизни хурсән қилиду» (Петрусниң 1-хети 2:20). Биз Йәһваға садиқ болуп ахирғичә бәрдашлиқ бәрсәк, У бизгә йеңи дунияда мәңгү яшаш мукапитини бериду. Шу чағда Худаға пак ибадәт қилишимизға һечким қаршилиқ қилмайду (Мәтта 24:13).
ЧОҢҚУРИРАҚ ҚЕЗИҢ
Зиянкәшликкә қаримай, Йәһваға садиқ болуп қелиш мүмкинлигини вә У бизни қандақ мукапатлайдиғанлиғини биливелиң.
4. Аилиңизниң қаршилиғиға бәрдашлиқ берәләйсиз
Әйса аилимиздикиләрниң Йәһваға ибадәт қилиш қараримизни қоллимаслиғи мүмкинлигини яхши билгән еди. Мәтта 10:34—36ни оқуң, кейин төвәндики соалға җавап бериң:
-
Бир киши Йәһваға хизмәт қилишни қарар қилғанда, аилисидикиләр немә дейиши мүмкин?
Буниң бир мисалини көрүш үчүн ВИДЕОНИ көрүң, кейин төвәндики соал үстидә ойлинип көрүң.
-
Әгәр уруқ-туққанлириңиз яки достуңиз сизни Йәһваға хизмәт қилиштин тосмақчи болса, немә қилмақчисиз?
Зәбур 27:10 вә Марк 10:29, 30ни оқуң. Һәрбир айәтни оқуғандин кейин төвәндики соалға җавап бериң:
-
Әгәр аилиңиздикиләр яки достлириңизниң қаршилиғиға учрисиңиз, бу вәдә сизгә қандақ ярдәм берәләйду?
5. Зиянкәшликкә қаримай, Йәһваға хизмәт қилишни давамлаштуруң
Башқилар бизниң Йәһваға хизмәт қилишимизға тосқунлуқ қилишқа урунғанда, Униңға давамлиқ хизмәт қилиш үчүн җасарәткә муһтаҗ болимиз. ВИДЕОНИ көрүң, кейин төвәндики соал үстидә ойлинип көрүң.
-
Бу видеодики мисаллар сизниң җасаритиңизни қандақ күчәйтиду?
Әлчиләр 5:27—29 вә Ибранийларға 10:24, 25ни оқуң. Һәрбир айәтни оқуғандин кейин төвәндики соалға җавап бериң:
-
Вәз ейтиш хизмитимиз вә җамаәт жиғилишлиримиз чәкләнгән болсиму, Йәһваға давамлиқ хизмәт қилиш немә үчүн бәк муһим?
6. Йәһва бәрдашлиқ беришиңизгә ярдәм бериду
Йеши вә келип чиқиши охшимайдиған Йәһва гувачилири зиянкәшликкә учриғанда, садақәтмәнлик билән Йәһваға хизмәт қилишни давамлаштурған. Уларға немә ярдәм бәргәнлигини билиш үчүн, ВИДЕОНИ көрүң. Кейин төвәндики соал үстидә ойлинип көрүң.
-
Видеодики бу Гувачиларниң бәрдашлиқ беришигә немә ярдәм бәргән?
Римлиқларға 8:35, 37—39 вә Филипиликләргә 4:13ни оқуң. Һәрбир айәтни оқуғандин кейин төвәндики соалға җавап бериң:
-
Бу айәт сиз һәрқандақ синақларға бәрдашлиқ берәләйдиғанлиғиңизға қандақ ишәндүриду?
Мәтта 5:10—12ни оқуң, кейин төвәндики соалға җавап бериң:
-
Немә үчүн зиянкәшликкә қаримай, хошал болалайсиз?
Миллионлиған Йәһва гувачилири қаршилиқларға мувәппәқийәтлик һалда бәрдашлиқ берәлигән. Сизму шундақ қилалайсиз!
БӘЗИЛӘР МУНДАҚ ДӘЙДУ: «Мән зиянкәшликкә бәрдашлиқ берәлмәймән».
-
Мундақ ой-пикирдә болғанларға Муқәддәс китаптики қайси айәтләр ишәнч әта қилалайду?
ХУЛАСӘ
Йәһва зиянкәшликкә учришимизға қаримай, Униңға хизмәт қилиш үчүн көрсәткән тиришчанлиғимизни қәдирләйду. Униң ярдими билән һәрқандақ зиянкәшликкә бәрдашлиқ берәләймиз!
Тәкрарлаш
-
Мәсиһ әгәшкүчилири зиянкәшликкә дуч кәлгәндә, немә үчүн һәйран қалмаймиз?
-
Келәчәктики зиянкәшликкә һазир қандақ тәйярлиналаймиз?
- Һәрқандақ синақларға қаримай, Йәһваға хизмәт қилалайсиз. Буниңға ишинишкә немә ярдәм берәләйду?
ИЗДИНИП КӨРҮҢ
Бир яш бурадәр бетәрәпликни сақлиғанлиғи сәвәплик түрмигә ташланғанда, Йәһваниң униңға қандақ ярдәм бәргәнлигини көрүп беқиң.
Бир җүп әр-аялниң нурғун жиллар қаршилиққа қаримай, садақәтмәнлик билән Йәһваға хизмәт қилишиға немә ярдәм бәргәнлигини биливелиң.
Зиянкәшликкә учриғанда, җасарәтлик болушни үгинивелиң.
«Зиянкәшликкә һазир тәйярлиқ қилиң» («Күзитиш мунари» 2019-жил, июль)
Аилимизниң қаршилиғиға қандақ қаришимиз керәк вә униңға мувәппәқийәтлик қарши туруш үчүн немә қилалаймиз?
«Һәқиқәт «течлиқ әмәс, бәлки қилич» әкелиду» («Күзитиш мунари» 2017-жил, октябрь)
Буларғиму қизиқишиңиз мүмкин
КӨПЧИЛИКНИ ҚИЗИҚТУРИДИҒАН СОАЛЛАР
Муқәддәс китаптин билим елиш үчүн Йәһва гувачилири билән тәтқиқ қилиш қандақ өткүзүлиду?
Өзүңизгә тонушлуқ һәрқандақ Муқәддәс китапни ишлитип, Йәһва гувачилири тәминлигән һәқсиз билим елиш дәрислирини тәтқиқ қилип үгәнсиңиз болиду. Тәтқиқ үгинишкә пүтүн аилә әзалириңизни яки достлириңизни чақирсиңиз болиду.
