Karceen bu nekk xam na ne, lu mu yàgg-yàgg dina mas a am ñu koy jéem a tere mu jaamu Yexowa. Ñooñu mën nañu dem sax ba di ko fitnaal. Ndax loolu war na tax ñu tiit?

1. Lu tax ñu war a sóoraale fitna yi?

Biibël bi wax na ci lu leer ne: «Ku bokk ci Kirist Yeesu, te bëgg dund dund gu ànd ak ragal Yàlla, alamikk ñu fitnaal la» (2 Timote 3:12). Yeesu dañu ko doon fitnaal ndaxte bokkul woon ci àddina si Seytaane jiite. Ñun itam bokkuñu ci àddina si. Kon bettuñu bu ñu nguuru àddina si ak mbootaayu diine yi di fitnaal (Yowaana 15:18, 19).

2. Naka lañu mënee waajal fitna yi?

Léegi lañu war a gën a dëgëral suñu kóolute ci Yexowa. Jëlal jot bés bu nekk ngir ñaan ko te jàng Kàddoom. Deel teewe ndaje yi. Def loolu lépp dina la may doole bi nga soxla ngir jànkoonte ak fitna yi ànd ci ak fit, bu dee sax say mbokk ñoo lay fitnaal. Ndaw li Pool mi ñu fitnaal ay yoon yu bare, lii la bindoon: «Boroom bi moo di sama ndimbal; duma ragal dara» (Yawut ya 13:6).

Bu ñuy waaree itam dañuy gën a am fit. Waare dafa ñuy jàngal ñu wóolu Yexowa te bañ a ragal nit (Kàddu yu Xelu 29:25). Boo amee fitu waare tey, loolu dina la waajal bu baax ngir nga mën a wéy di waare, bés bu nguur gi teree suñu liggéeyu waare bi (1 Tesalonig 2:2).

3. Ban njariñ lañuy jële ci muñ fitna yi?

Li wóor mooy béguñu ci nit ñi di ñu fitnaal, waaye bu ñu muñee fitna yi ba génn ci, suñu ngëm dafay gën a dëgër. Dañuy gën a jege Yexowa ndaxte gis nañu ni mu ñu dimbalee, bi ñu demee ba yëg ne amatuñu dooley muñ (Jàngal Saag 1:2-4). Yexowa bu ñu gisee ñu nekk ci coono, dafa koy naqari. Waaye dafay bég ci ñun bu ñu gisee ñuy muñ. Biibël bi nee na: «Su ñu leen fitnaalee ci def lu baax te ngeen muñ ko, jëf ju rafet la fa kanam Yàlla» (1 Piyeer 2:20). Li Yexowa di may ñépp ñi muñ fitna yi te wéy di takku ci moom mooy, dund gu dul jeex ci àddina su bees. Bu boobaa ñépp dinañu jaamu Yexowa te du am kenn ku leen di fitnaal (Macë 24:13).

 XÓOTALAL NJÀNG MI

4. Mën nga muñ bu la sa waa kër di fitnaal

Yeesu xamoon na bu baax ne, ñenn ñi ci suñu waa kër duñu bëgg ñu jaamu Yexowa. Jàngal Macë 10:34-36. Boo paree, nga tontu ci laaj bii di topp:

• Bu amee ci benn njaboot, kenn ku jël dogal ne dafay jaamu Yexowa, lan moo mën a xew ci njaboot googu?

5. Wéyal di jaamu Yexowa bu ñu lay fitnaal

 6. Yexowa dina la dimbali nga muñ

 NAÑU TËNK

Yexowa fonk na bu baax lépp li ñuy def ngir jaamu ko, bu dee sax ñu ngi ñuy fitnaal. Ak ndimbalam mën nañu muñ fitna yi ba génn ci!

Nañu fàttaliku

• Lu tax karceen yi war a sóoraale fitna yi?

• Lan nga war a def léegi ngir pare bés bu fitna yi ñëwee?

• Lan moo la mën a dimbali nga gëm ne, mën nga jaamu Yexowa bu dee sax dañu lay fitnaal?