დუდ 59

თქვა შეილებნა გაურზათ თხოზინს

რჩქილა

მუ ამდღა მუ ჭუმე არძა ქრისტიან შეხვადუ წინააღმდეგობას; ხალხ თხოზინს ხოლო ქუდომჭყანა, მარა ოკო მოშქურდანიო თეშა?

1. მუშენ ველუთ თხოზინს?

ბიბლია არგამათ იჩიებ: „არძას, მიდგას ოკო, ქრისტეშ მოწაფე დო ღორონთიშ ართგურ რდას, თხოზუდან იჸი“ (2 ტიმოთე 3:12). იესოს თხოზუდეს, მუშენდა თინა სატანაშ ქვეყნიერებაშ ნაწილ ვა რდჷ. ჩქი ხოლო ვა ვორეთ თე ქვეყნიერებაშ ნაწილ, ათეშენ ვამკვენა, მუჟამსით მთავრობეფ დო რელიგიურ ორგანიზაციეფ ფთხოზნა (იოანე 15:18, 19).

2. მუჭო შემლებნა მივემზადათ თხოზინშო?

ამდღარშე ოკო გუვამანგარათ იეჰოვაშ მიმართ ნდობა. ირდღას დრო გეგმურთით ლოცვას დო ღორონთიშ სიტყვაშ კითხირს; რეგულარულო ქიდესწრით კრებაშ შეხვალამეფს. თე ირფელიშ კეთება მერჩანა საჭირო ძალას, ნამდა გაბედულო შეხვადათ თხოზინს, თიმწკუმა ხოლო, მუჟამსით თეს ოჯახიშ წევრეფშე ხვადუთ. პავლე მოციქულქ, ნამდგას ხშირას თხოზუდეს, ჭარჷ: „იეჰოვა ელამრე, ვა მაშქურნე“ (ებრაელები 13:6).

გაბედულებას რეგულარულო ქადაგება ხოლო განმივითარენა. ქადაგება მოგურუანა, მივენდათ იეჰოვას დო გივორჯგინათ კოჩიშ შიშის (იგავები 29:25). ოქადაგებელო გაბედულებას ამდღარშე გევითარენთ-და, მზათ იჸუაფუთ მომავალშო, ნამდა თიმწკუმა ხოლო გაგრძელათ ქადაგება, მუჟამსით თეშ კეთება მთავრობაშე ვარიებულ იჸუაფ (1 თესალონიკელები 2:2).

3. მუ ჯგირობუას მომღანა თხოზინშა გარზება?

მუშო ოკო რაგად, თხოზინ მითინს ვა მოსიამოვნუნა, მარა მუჟამსით თის ვურზუთ, რწმენა მემანგარებნა. თეს გეძინელ, უმოსო ვეახლოებუთ იეჰოვას, მუშენდა, მუჟამსით ფიფქრენთ, მეტ ვეშემლებნან, ბგინაფლენთ თიშ ელარნას (წეკითხით იაკობიშ 1:2—4). იეჰოვას გურს უჭუანს ჩქინ ტანჯებაშ ძირაფა, მარა თინა ხარენს, მუჟამსით ართგურო ვურზუთ თის. ბიბლია იჩიებ: „ჯგირიშ კეთებაშ გურშენ ქიტანჯებუთ დო ქითვინენთ-და, თენა ღორონთშო მოსაწონ რე“ (1 პეტრე 2:20). ჯილდოთ იეჰოვა არძა ართგურ მსახურს მარადიულ ცხოვრებას მეჩანს თიცალ ქვეყნიერებას, სოდეთ ჭეშმარიტ თაყვანიშმცემლობაშ თხოზინ ვეჸუაფ (მათე 24:13).

ქიგეგით უმოს

ქიგეგით, მუშენ რე შეიოლებერ თხოზინიშ უმკუჯინუო იეჰოვაშ ართგურო დოსქილადა დო მუ ჯილდო მაჸუნუ თეს.

4. ქუგურზით ოჯახშე წინააღმდეგობას

მუჭოთ იესოქ თქუნ, შილებედ ოჯახშე ნამთინექ ვა დუკინკო ხუჯ ჩქინ გადაწყვეტილებას, ნამდა ვემსახურითკო იეჰოვას. წეკითხით მათეშ 10:34—36 დო უკულ გარჩით თუდო მოჩამილ კითხვა:

მუნერ რეაქციაქ შილებე მაჸუნას ოჯახშე, მუჟამსით ნამდგაინ გინოჭყვიდუნს იეჰოვაშ მსახურებას?

თეშ მაგალითიშ გაგებელო ქოძირით ვიდეო დო უკულ გარჩით თუდო მოჩამილ კითხვა:

ვიდეო: „იეჰოვაქ მემღეს“ (5:13)

მუს გაკეთენთ, მუჟამსით ნათესეეფ ვარდა მეგობრეფ ეცადებნა, მიგოტებაფუან იეჰოვაშ მსახურება?

წეკითხით ფსალმუნიშ 27:10 დო მარკოზიშ 10:29, 30. თითოულ მონაკვეთიშ კითხირიშ უკულ გარჩით თუდო მოჩამილ კითხვა:

მუჭო მიგეხვარებნა თე დუნაპირებ, მუჟამსით ნათესეეფშე ვარდა მეგობრეფშე წინააღმდეგობას ქეშეხვადუთ?

5. ემსახურით იეჰოვას თხოზინიშ უმკუჯინუო

გაბედულება მოსაჭირნა, ვემვოტუათ იეჰოვაშ მსახურება, მუჟამსით შხვეფ ოცადნა, მეცილან თეშ კეთებას. ქოძირით ვიდეო დო უკულ გარჩით თუდო მოჩამილ კითხვა:

ვიდეო: „გეგმირჩქინით გაბედულება თხოზინიშ უმკუჯინუო“ (6:27)

მუჭო გამანგარენა თე ვიდეოს ძირაფილ მაგალითეფ?

წეკითხით საქმეეფიშ 5:27—29 დო ებრაელეფიშ 10:24, 25. თითოულ მონაკვეთიშ კითხირიშ უკულ გარჩით თუდო მოჩამილ კითხვა:

მუშენ რე მნიშვნელოვან გუვაგრძელათ იეჰოვაშ თაყვანიშცემა თიმწკუმა ხოლო, მუჟამსით მთავრობაშე ვარიებულ რე მსახურება ვარდა კრებაშ შეხვალამეფშა გილულა?

6. იეჰოვა მიგეხვარებნა, ქუგურზათ

შხვადოშხვა ასაკიშ დო წარმომავლობაშ იეჰოვაშ მოწმეეფქ, თხოზინიშ უმკუჯინუო, ართგურო გაგრძელეს ღორონთიშ მსახურება. თიშ გაგებელო, მუქ მეხვარ თინეფს ქოძირით ვიდეო. უკულ გარჩით თუდო მოჩამილ კითხვეფ:

ვიდეო: „იეჰოვა ღორონთის შეულებ ჩქიმ გამანგარება“ (3:40)

მუქ მეხვარ და დო ჯიმალეფს თხოზინიშ გარზებას?

წეკითხით რომაელეფიშ 8:35, 37—39 დო ფილიპელეფიშ 4:13. თითოულ მონაკვეთიშ კითხირიშ უკულ გარჩით თუდო მოჩამილ კითხვა:

მუჭო გარწმუნენა თე მონაკვეთ, ნამდა ნებისმიერ განსაცდელიშ გინოღალა შეილებნა?

წეკითხით მათეშ 5:10—12 დო უკულ გარჩით თუდო მოჩამილ კითხვა:

მუშენ შეილებნა რდათ ბედნერეფ თხოზინიშ უმკუჯინუო?

მილიონობით იეჰოვაშ მოწმექ გურზჷ თხოზინს. თენა თქვა ხოლო შეილებნა!

ნამთინექ შილებე თქუას: „მოშქურ, ნამდა ვაგმარზინე თხოზინშა“.

ნამ ბიბლიურ მუხლეფს შეულებ თინეფს გაბედულება მეჩას?

დასკვნა

იეჰოვა აფასენს ჩქინ მონდომას, მუჟამსით თხოზინიშ უმკუჯინუო, ართგურო ვომსახურუთ თის. იეჰოვაშ მოხვარათ შემლებნა გავურზათ თხოზინს!

გამეორებელ კითხვეფ

მუშენ ოკო ელდან ქრისტიანეფ თხოზინს?
მუშ კეთება შეილებნა ამდღარშე, ნამდა მზათ რდათ თხოზინშო?
მუშენ შეილებნა რდათ დარწმუნებულ, ნამდა ნებისმიერ განსაცდელიშ უმკუჯინუო, შეგალებენა იეჰოვაშ მსახურება?

მიზან:

ქოკითხით თანაქრისტიანს: „დღას მითინს ქუცადებნო, მიგოტებაფუკო იეჰოვაშ მსახურება? მუჭო გიორჯგინ თეს?

შხვა მიზან:

Your other goal

დამატებით მასალა

ქოძირით, მუჭო მეხვარ ახალგაზრდა ჯიმას იეჰოვაქ, მუჟამსით ნეიტრალიტეტიშ დაცვებაშ გურშენ თინა ციხეს ხედჷ.

„გაურზით თხოზინს“ (2:34)

ქიგეგით, მუქ მეხვარ ართ წყვილს, თხოზინიშ უმკუჯინუო, წანეფიშ დინახალე ართგურო ემსახურკო იეჰოვას.

„იეჰოვაშ მსახურება ცვლილებეფიშ ეპოქას“ (7:11)

ქოძირით, მუჭო შეილებნა გაბედულო შეხვადათ თხოზინს.

„ასეშე მემზადით თხოზინშო“ („გინაჯინალ კოშკი“ კვირკვე, 2019 წ.)

მუჭო ოკო უჯინედათ ოჯახშე წინააღმდეგობას დო მუჭო შეილებნა გიორჯგინათ სირთულეეფს, ნამუთ თის მოჸუნს?

„ჭეშმარიტებაშ მეჸუნას წინააღმდეგობა მოჸუნს“ („გინაჯინალ კოშკი“ ოქტომბერი, 2017 წ.)

შილებე თექ ხოლო მიგეწონან

ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ

მუჭო იტარებ ბიბლიაშ გურაფა იეჰოვაშ მოწმეეფწკუმა ართო?

იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.

მარადიულო გეხარით ცხოვრებათ! — ქიგეგით, მუს ოგურუანს ბიბლია