LESON 59
Afaka Tsy Hivadiky Anao Ndray Misy Olo Man̈enjiky Anao
Na ho ela na malaky, Kristianin̈y jiaby mbala hitoherinolo na hinjehinolo. Tokony hampavozo atsika ma raha zen̈y?
1. Nan̈ino atsika tsy tokony ho lany fan̈ahy izikoa misy olo man̈enjiky atsika?
Baiboly mivolan̈a karaha ty: “Hampijalin̈y koa lan̈iany olo man̈iry hahafoe ten̈a amy Zan̈ahary ndreky hihavan̈a amy Kristy Jesosy.” (2 Timoty 3:12) Ninjehinolo Jesosy fotony izy tsy an̈isany doniany Satana ty. Tsy an̈isany donia ty koa atsika, ke tsy gaga foeky atsika koa injehiny fanjakan̈a ndreky fivavahan̈a.—Jaona 15:18, 19.
2. Akory hioman̈antsika amy fan̈injehan̈a?
Mila ampitombosintsika fatokisantsika Jehovah rango izioty. Isanandra, manokàna fotoan̈a hivavahan̈a ndreky hamakian̈a Baiboly. Aza manapatapaka fivorian̈a foeky. Raha jiaby zen̈y hazahoanao angovo havitanao hiaritry fan̈injehan̈a, nata havanao man̈enjiky anao. Apostoly Paoly natetiky ninjehinolo, ke ho izy: “Jehovah pan̈ampy zaho, ke tsy havozo foeky zaho.”—Hebreo 13:6.
Atsika koa mazoto mitory, zen̈y han̈ampy atsika hanan̈a korazy fo koa fa misy fan̈injehan̈a. Fitorian̈a io mampianatra atsika hatoky Jehovah fa tsy havozo olo, na azovy izy na azovy. (Ohabolana 29:25) Anao koa tsy mavozovozo mitory izioty, ho vitanao fo hitory ndray sakanany fanjakana asantsika.—1 Tesalonianina 2:2.
3. Atsika koa injehin̈y ke tsy mivadiky amy Jehovah, ino hatsaran̈a ho azontsika?
Marin̈y ndraiky fa fan̈injehan̈a zen̈y tsy mamparavoravo, kanefa atsika koa tsy mivadiky, hahaifatatra fo finoan̈antsika. Ho tsara fihavan̈antsika amy Jehovah fotony izy han̈ampy atsika lera atsika mahatsiaro karaha tsisy angovo in̈y. (Vakia Jakoba 1:2-4.) Malahelo Jehovah mahita atsika mijaly, fa ho ravoravo ndraiky izy, atsika koa tsy kivy. Baiboly mivolan̈a: “Fa izikoa ndraiky anaro mijaly nohony fan̈anovan̈a ny tsara, kanefa anaro miaritry, Zan̈ahary hankasitraka anaro.” (1 Petera 2:20) Atsika koa tsy mivadiky, Jehovah hitahy atsika, ke han̈amia atsika fiain̈ana tsisy farany amy donia vaovao. Olo jiaby amy zen̈y hanompo Jehovah, ke tsisy olo han̈enjiky atsika eky.—Matio 24:13.
ALEVA ONON̈O
Ampodiana dinihin̈y ndraiky nan̈ino atsika hahavita tsy hivadiky amy Jehovah ndray atsika injehinolo, avio ino hatsaran̈a ho azontsika.
4. Hahavita hiaritry fo anao ndray hinjehiny havanao
Hainy Jesosy tsarabe fa misy havantsika sasany han̈enjiky atsika, izikoa atsika tapakevitry hanompo Jehovah. Vakia Matio 10:34-36, avio iaraha dinihin̈y fan̈ontanian̈a ty:
-
Izikoa misy olo araiky tapakevitry hanompo Jehovah, mety ino raha hivolan̈inolo aminany na hataonolo aminany?
Izikoa tianao hahita ohatra araiky amy zen̈y, alifasa VIDEO io, avio iaraha dinihin̈y fan̈ontanian̈a ambany io.
-
Izikoa misy havanao na kamaradinao man̈akivy anao manompo Jehovah, akory hataonao?
Vakia Salamo 27:10 ndreky Marka 10:29, 30. Isaka baka mamaky andininy araiky, iaraha dinihin̈y fan̈ontanian̈a ty:
-
Nan̈ino man̈ampy anao fampan̈antinan̈a io izikoa misy havanao na kamaradinao misakana anao hanompo Jehovah?
5. Manompoa Jehovah fo ndray anao injehinolo
Mila misy korazy atsika manompo Jehovah, izikoa misy olo misakana atsika tsy hanompo izy. Alifasa VIDEO io, avio iaraha dinihin̈y fan̈ontanian̈a ambany io.
-
Nan̈ino mampisy korazy anao video tio in̈y?
Vakia Asan’ny Apostoly 5:27-29 ndreky Hebreo 10:24, 25. Isaka baka mamaky andininy araiky, iaraha dinihin̈y fan̈ontanian̈a ty:
-
Nan̈ino ma atsika mila manompo Jehovah fo ndray atsika tsy imboany fanjakan̈a mitory ndreky mivory?
6. Jehovah han̈ampy anao hiaritry
Maro Vavolombelon̈o Jehovah erantany tsy mivadiky amy Jehovah foeky ndray iro injehinolo. Misy amindro io mbala tsaiky, tanora, ndreky olo efa matoe. Izikoa tianao hay ino raha nan̈ampy iro, alifasa VIDEO io. Avio iaraha dinihin̈y fan̈ontanian̈a ambany io.
-
Tamy video in̈y, ino raha nan̈ampy iro rahalahy ndreky ranabavy aby io niaritry?
Vakia Romanina 8:35, 37-39 ndreky Filipianina 4:13. Isaka baka mamaky andininy araiky, iaraha dinihin̈y fan̈ontanian̈a ty:
-
Nan̈ino andininy io man̈amia toky anao fa ho vitanao hiaritry zay fitsapan̈a mety hahazo anao?
Vakia Matio 5:10-12, avio iaraha dinihin̈y fan̈ontanian̈a ty:
-
Nan̈ino ma anao afaka ho sambatra fo, nata anao injehinolo?
Vavolombelon̈o Jehovah antapitrisany mahavita tsy mivadiky, nata iro injehinolo. Anao koa hahavita karaha zen̈y!
MISY OLO MIVOLAN̈A: “Tsy din̈iko donko fan̈injehan̈a zen̈y.”
-
Ino aby toko sy andininy hivakinao aminolo mivolan̈a karaha zen̈y, baka izy hatoky fa ho vitany fo hiaritry, nata izy injehinolo?
INO RAHA NIANARANAO TATO?
Ten̈a valera amy Jehovah atsika mifen̈y manompo izy fo, ndray atsika injehinolo. Hahavita hiaritry atsika, fotony Jehovah man̈ampy!
Fan̈ontanian̈a Fameren̈ana
-
Nan̈ino atsika tsy lany fan̈ahy izikoa injehinolo?
-
Ino raha tokony hataonao rango izioty, baka anao fa pare izikoa misy olo man̈enjiky anao?
-
Nan̈ino anao matoky fa ho vitanao fo hanompo Jehovah, na ino na ino fitsapan̈a mety hahazo anao?
ZAHAVA
Zahava rahalahy araiky man̈azava fomba nan̈ampiany Jehovah izy hiaritry, izy koa fa nigadrain̈y fotony tsy nety nan̈ano maramila.
Diniha ino raha nan̈ampy olo fivadiany tsy nivadiky tamy Jehovah tan̈atiny taon̈o maro, nata iro ninjehinolo.
Zahava akory ataonao tsy havozo izikoa fa misy olo man̈enjiky anao.
“Miomàn̈a Hiatriky Fan̈injehan̈a Rango Iziô” (Tilikambo Fiambesan̈a Zie 2019)
Izikoa havantsika man̈enjiky atsika, akory hataontsika baka hihavan̈a amindro fo sady tsy hivadiky amy Jehovah?
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
