DILONGI 59
Bue wulenda bela mvibudulu mu nzomono
Tuzaba ti, buba bubu voti bilumbu binkuiza, bakristu boso bafueti dengana nzomono. Diambu beni, difueti kumonisa tsisi?
1. Bila mbi tufueti zabila ti tuela dengana kaka zinzomono?
Bibila kitubidi ti: “Batu babo bobo batidi zinga mu luzingu luvedila va meso ma Nzambi, mu nguizani ayi Yesu bela zomo.” (2 Timote 3:12) Yesu wuzomo bila kasi ba ko muisi nza ya yi Satana. Betu phe tuisi ko basi nza yayi. Diawu, tuyitukanga ko mu thangu ba kutuzoma kuidi bimfumu voti mabundu ma nza yayi.—Yowani 15:18, 19.
2. Bue tulenda bela bakubama tuamina tudengana zinzomono?
Tona thangu yayi tufueti buela nguizani’eto ayi Yehova. Kadika lumbu, tubongisanga thangu yi sambilanga, ayi yi tangilanga Bibila. Ayi tukutakananga thangu zioso mu zikhutukunu zi kimvuka. Betu vanga mambu beni momo, mama tuvana zingolo ayi kibakala kinungina ntindu woso wu zinzomono tulenda dengana buba ti zinzomono beni mu dikanda dieto zibedi. Thumu Polo nio weba zomungu kuwombo wusonika ti: “Yehova niandi wukutsadisanga, ndilendi mona tsisi ko.”—Ebelewo 13:6.
Matuluta baka kibakala enati tulembo samuna thangu ka thangu. Samuna kueta tusadisa tutudila Yehova ntima ayi botula tsisi yi batu. (Zingana 29:25) Ti buawu buididi, enati lumbu kimosi bamfumu zi Leta batukandikidi tubika bue sala kisalu kieto kisamuna voti bisalu bieto binkaka bio tueta sala mu khubukulu yi Yehova, tuela ba bakubama mu dengana dioso kuandi diambu ayi mu tatamana samuna nsamu mboti wu Kimfumu ki Nzambi mu kibakala kioso.—1 Tesalonika 2:2.
3. Mamboti mbi tulenda baka enati tubedi mvibudulu mu zinzomono?
Tuzolanga ko batuzoma, vayi betu ba mvibudulu mu zinzomono, minu kieto makiluta ba kingolo. Ayi mmona lusadusu lu Yehova mu thangu tusiedi ko zingolo, yeta bue tufikaka kuidi niandi. (Tanga Zaki 1:2-4.) Yehova weta mona phasi mu thangu tulembo moni phasi, vayi weta yangalala mu thangu tukadi lebakana. Bibila kitubidi ti: “Enati lulembo moni ziphasi bo luvengi mamboti ayi luvibididi, buna diodi didi diambu dimboti va meso ma Nzambi.” (1 Piela 2:20) Yehova wela futa batu bobo bamvibidila mu kuikama koso. Ayi wela kubavana luzingu lu mvu ka mvu mu nza yo yela sie ba ko kimbeni mu tsambudulu yikiedika.—Matayi 24:13.
TUVISA MBOTI MBOTI
Tutala mbi bifueti kusadisa mu diambu di wutatamana ba wukuikama kadiambu ko zinzomono ayi tutala phila yo Yehova kela kufutila.
4. Wulenda ba mvibudulu mu thangu basi dikanda diaku beka ku zoma
Yesu wutulubula ti thangu zinkaka dikanda dieto, diedi mona ko khini mu nzengolo yo tubeki yisadila Yehova. Tanga Matayi 10:34-36 ayi vana mvutu mu kiuvu kiaki:
-
Mu thangu mutu kabeki nzengolo yisadila Yehova, bue dikanda diandi dilenda muena?
Mu diambu di wumona kifuani kimosi, tala VIDEO. Ayi vana mvutu mu kiuvu kiaki kilandikini.
-
Mbi wulenda tula enati dikanda diaku voti nkundi’aku tidi kukakidila wusadila Yehova?
Tanga Minkunga 27:10 ayi Malako 10:29, 30. Ngeyo mana tanga ziverse ziozi vana mvutu mu kiuvu kiaki:
-
Bue tsila ya yilenda kusadisila mu nunga nzomono yi khomb’aku mu dikanda voti yi nkundi’aku?
5. Tatamana sadila Yehova buba zinzomono
Kibakala kueta tomba mu diambu di sadila Yehova mu thangu batu balembo tukakidila. Tala VIDEO ayi vana mvutu mu kiuvu kiaki kilandikini.
-
Lukindusu mbi beki mu bifuani bio tumemona mu video?
Tanga Mavanga 5:27-29 ayi Ebelewo 10:24, 25. Ngeyo mana tanga ziverse ziozi, vana mvutu mu kiuvu kiaki:
-
Bila mbi dididi diambu dimfunu kuwombo mu tatamana sambila Yehova buba ti kisalu kitsamununu voti zikhutukunu ba zikandikidi?
6. Yehova wela kusadisa wumonisa mvibudulu
Bambangi zi Yehova bawombo badi mimvu miviakana ayi ba zitsi zioso bamonisa kuikama kuawu kuidi Yehova buba zinzomono. Muingi wumona mambu mo mabasadisa, tala VIDEO. Ayi vana mvutu mu kiuvu kiaki kilandikini.
-
Mbi bisadisa Bambangi beni bobo bamonisa mvibudulu?
Tanga Loma 8:35, 37-39 ayi Filipi 4:13. Ngeyo mana tanga ziverse ziozi, vana mvutu mu kiuvu kiaki:
-
Bue ziverse zio zilenda kusadisila wukikinina ti lenda monisa mvibudulu mu yoso kuandi nzomono?
Tanga Matayi 5:10-12 ayi vana mvutu mu kiuvu kiaki:
-
Kadiambu ko tulembo dengana zinzomono, bila mbi tulenda bela mu zikhini?
Zimilio zi bisadi bi Yehova batatamana ba bakuikama. Ngeyo phe wulenda kuaku ba banga bawu!
BATU BANKAKA BETA TUBA TI: “Minu, ndiedi koka ko monisa mvibudulu mu thangu ndilembo dengana zinzomono.”
-
Ziverse mbi lenda sadila mu diambu di sadisa mutu nio wukukamba bobo?
MU BUKHUFI
Yehova weta yangalala mu zingolo zio tulembo tudi muingi tutatamana ba bakuikama kuidi niandi. Mu lusadusu luandi, tulenda monisa mvibudulu mu thangu tudengini nzomono.
Phutukulu
-
Bila mbi bakristu bafueti zabila ti bela dengana kaka zinzomono?
-
Mbi wulenda vanga tona thangu yayi mu diambu di wuba wukubama enati dengini nzomono?
-
Bila mbi wididi sikididi ti, wulenda ba wukuikama kuidi Yehova kadiambu ko zinzomono?
TALA MAMBU MANKAKA
Ntueni mosi wuba mu buloko mu bila kamangina kota mu mambu ma nza yayi, wulembo sudikisa phila yo Yehova kansadisila.
Mambu mo masadisa bakala dimosi ayi nketo’andi basadila Yehova mu kuikama koso buba ti badengana zinzomono mu mimvu miwombo.
Tozali kokoba kosalela Yehova ata ntango makambo ezali kobongwana (7:11)
Bue wulenda monisina kibakala va ntuala nzomono?
“Omibongisa banda sikoyo mpo na minyoko” (Linɔ́ngi ya Mosɛnzɛli ya 07/2019)
Bue wulenda tadila nzomono mu dikanda, ayi mbi wulenda vanga mu diambu di wuyinunga?
“Solo ememaka ‘kimya te, kasi mopanga’” (Linɔ́ngi ya Mosɛnzɛli ya 10/2017)
