UMBUESÁ 59
Rerikú coragem mairamé ta usikari indé!
Miraitá ta usú kurí ta upitá cristãoitá ruaxá asuí ta usú ta usikari aintá. Será yaprecisari yasikié?
1. Marã yapoderi yasarú ta usikari yandé?
Bíblia umbeu: “Nyãse panye kuaita uputariwaita umanduari puranga Kristu Jesus rese, aintaumuruanyana kuri ainta.” (2 Timóteo 3:12) Miraitá ta upitá kuera Jesus ruaxá asuí ta usikari aé ñhãsé aé ti uyumunái kuá Yurupari mundo irum. Yamuñhã resewara mayé Jesus yawé, yandé yakuá governoitá asuí religiãoitá ta upoderi ta usikari yandé yuíri. — João 15:18, 19.
2. Mayé yapoderi yaikú pronto ta usikari ramé yandé?
Yaprecisari yamukirimbá yané amizade Jeová irum kuíri. Yarikuté yayuka tempo yaleri arama Bíblia asuí yapurandú Jeová irum muíri ara. Asuí yuíri yarikuté yayumuatiri yané mũitá irum yayumbué arama Jeová resé. Yamuñhã ramé kuayé yapoderi yaikú kirimbá mairamé amuitá ta usikari yandé, até sá yané anamaitá ta upitá yané ruaxá. Bíblia umbeu Paulo usasá kuayewaá rupí. Mairamé miraitá ta usikari aé, Paulo umbeu: “Seruixawa kua uajudariwaa ixe, tikuri hasikie.” — Ebreoitá 13:6.
Puranga yandé arama yakuntari ramé Jeová resé amuitá supé. Yamuñhã ramé kuayé yaruyari piri Jeová resé asuí ti yasikié miraitá suí. (Provérbiuitá 29:25) Sá yarikú coragem yakuntari arama Jeová resé kuíri, yasú yaikú pronto ti arama yapituú mairamé governoitá ta umundú yapituú arama. — 1 Tesalonikawaraitá 2:2.
3. Marã puranga ti yapituú ta usikari ramé yandé?
Ti yagustari mairamé miraitá ta upitá yané ruaxá. Ma mairamé yandé ti yapituú yapoderi yamukirimbá yané fé. Iwasú retana yasasá ramé kuá rupí, ma Jeová umukirimbá yandé yaguentari arama. Ape yasaã Jeová yané ruakí. (Releri Tiago 1:2-4) Jeová uyusaã sasiára ipiá upé mairamé umaã yandé yapurará, ma aé upitá surí mairamé umaã yandé ti yapituú. Bíblia umbeu: “Maa peaguentari rame aintaumpurarakari irumu penye sesewara kua purangawaa pemunyawaa, ape kuri suuri Deus umaa penye arama.” (1 Pedro 2:20) Ti yapoderi yapituú ñhãsé Jeová uprometeri yasú kurí yaviveri yawewaraté, asuí ne awá usú usikari yandé. — Mateu 24:13.
REYUMBUÉ PIRI ARAMA
Remaã mayé yapoderi yamuñhã Jeová vontade até mairamé amuitá ta upitá yané ruaxá. Asuí remaã mayé puranga yamuñhã ramé kuayé.
4. Indé repoderi reaguentari mairamé ne anamaitá ta upitá ne ruaxá
Jesus umbeu amuramé yané anamaitá ti ta usú ta uputari yamuñhã Jeová vontade. Peleri Mateu 10:34-36, ariré pekuntari kuá resé:
-
Maã upoderi usasá yepé anama upé mairamé yepé mira uputari umuñhã Jeová vontade?
Pemaã arama mayé usasá kuayé, pemaã kuá VÍDEO, ariré pekuntari kuá resé:
-
Maã repoderi remuñhã sá yepé ne anama u ne rumuara uputari indé repituú remuñhã Jeová vontade?
Peleri Salmuitá 27:10 asuí Marko 10:29, 30, ariré pekuntari kuá resé:
-
Mayé kuá versículoitá ta upoderi ta uajudari indé sá yepé ne anama u ne rumuara upitá ne ruaxá?
5. Te repituú remuñhã Jeová vontade ta usikari ramé indé
Yaprecisari yarikú coragem ti arama yapituú yamuñhã Jeová vontade mairamé amuitá ta uputari yamuñhã kuayé. Pemaã kuá VÍDEO, ariré pekuntari kuá resé.
-
Mayé kuá vídeo umukirimbá ne fé?
Peleri Ato 5:27-29 asuí Ebreoitá 10:24, 25, ariré pekuntari kuá resé:
-
Marã ti yapoderi yapituú yamuñhã Jeová vontade até mairamé governo umundú ti arama yambeu Jeová resé amuitá supé asuí ti uxari yayumuatiri?
6. Jeová usú uajudari indé ti arama repituú
Siya Umbeusaitá Jeová resé ti ta upituú ta umuñhã Jeová vontade até mairamé amuitá ta upitá ta ruaxá. Pemaã kuá VÍDEO upé maã uajudari kuá yané mũitá. Ariré pekuntari kuá resé:
-
Kuá vídeo upé, maã uajudari kuá yané imũitá ti arama ta uxari ta umuñhã Jeová vontade?
Peleri Romawaraitá 8:35, 37-39 asuí Filipowaraitá 4:13, ariré pekuntari kuá resé:
-
Mayé kuá versículoitá ta uxari rekuá mayé Jeová upoderi uajudari remuserana arama pañhe iwasuwaá?
Peleri Mateu 5:10-12, ariré pekuntari kuá resé:
-
Marã repoderi reikú surí até mairamé amuitá ta usikari indé?
Siya Jeová miraitá ta uconseguiri ta umuñhã Jeová vontade até mairamé amuitá ta upitá ta ruaxá. Indé repoderi yuíri!
YEPEYEPÉ MIRAITÁ TA UMBEU: “Ixé ti asú aguentari sá amuitá ta usikari ixé.”
-
Mayewaá versículo upoderi uajudari kuá mira urikú arama coragem?
MAÃ REYUMBUÉ
Jeová uvalorizari retana mairamé ti yapituú yamuñhã ivontade, ta usikari ramé yandé. Jeová ajuda irum yapoderi yamuserana kuá iwasuwaá!
Remanduári arama
-
Marã cristãoitá ta usarú amuitá ta usikari aintá?
-
Mayé yapoderi yaikú pronto mairamé miraitá ta usikari yandé?
-
Marã reruyari repoderiwaá remuñhã Jeová vontade até ta usikari ramé indé?
REPUTARI SERÁ REKUÁ PIRI?
Remaã mayé Jeová uajudari yané mũ mairamé ta umpreso aé umuñhã resewara Jeová vontade.
Remaã maã uajudari yepé mendasá umuñhã arama Jeová vontade ta usikari ramé aintá.
Remaã mayé repoderi rerikú coragem mairamé amuitá ta usikari indé.
“Reyupreparari kuíri yané ruayanaitá ta usikari rundé indé” (A Sentinela, julho de 2019)
Remaã marã yapoderi yasarú yané anamaitá ta usikari yandé. Asuí remaã mayé yapoderi yarikú paz asuí yamuñhã Jeová vontade yasasá ramé kuayewaá rupí.
“Supiwaá ti uxari paz amuitá supé, ma aé uxari espada” (A Sentinela, outubro de 2017)
