LECCIÓN 59

Wazeke sueirheajeloʼ katiʼ kuenookeʼ lueʼ

BZENAGA LEN DIDZA

Batathezi, yogothe beneʼ wenchhin ki Dios wadzasoke rhoaguiaʼ lhen kuenookeʼ lhekeʼ.

1. Bixhkieʼ ku rhekerha banachhi tan rbenookeʼ rhoʼo

Biblia rguixhajeʼ, «yogothe beneʼ rheenkene tzeanelachhike Dios tzaxhen lhen Cristo Jesús, lhezekan kuenookeʼ lhekeʼ» (2 Timoteo 3:12). Grhenookeʼ Jesús tan ku gokeʼ tozi lhen lichhileyo ki Satanás, na tan rhoʼo lhezekan ku nakarha tozi lhen lichhileyo ki Satanás, ku rhekerha banachhi tan beneʼ rnhebhekeʼ kan yezikalha religión rbenookeʼ rhoʼo (Juan 15:18, 19).

2. Bi waka gonrha katiʼ ziʼ kuenookeʼ rhoʼo

Naʼthe rhala uxhenláchhirha másrhe Jeobá. Nákaʼ gonrha kan. Kueajrha lataj na yogodza gledzarha Dios lhen ulabarha Xhtidzeʼ, lhezekan koolho kuinrha ku ksnitirha nitoʼ reunión. Derha taní wegon lueʼ tzotzo na ku idzebilho katiʼ dzasolho lawe tazeedi lhen kuenookeʼ lueʼ, nikla cheʼ naka lhenthe diadza kioʼ. Apóstol Pablo, to beneʼ grhenookeʼ lawenzi bchhie kni: «Jeobá rhakalhenhe nhedia. Ku idzebaʼ» (Hebreos 13:6).

Yito ta gon rhoʼo yodarhi gákarha rhogoláchhiʼ naka tan ktzalajrha ki Dios lawenzi. Katiʼ rtzalajrha ki Dios ryedierha uxhenláchhirha Jeobá lhen ku idzebirha benachi (Proverbios 29:25). Cheʼ naʼthe gákalho rhogoláchhiʼ, wazeke ktzalajlo ki Dios nikla beneʼ rnhebhekeʼ yeenkene gzagake chhin ni (1 Tesalonicenses 2:2).

3. Bi banheza siʼrha cheʼ sueirheajerha katiʼ rbenookeʼ rhoʼo

Naka lí ku rhaxhenherha kuenookeʼ rhoʼo. Sanlhe katiʼ rzuereajerha, yelarheajeyee kierha rhaka másrhe tzotzo. Lhezekan rzuarha másrhe gago lhen Jeobá lheʼ rleʼrha nákaʼ rhakalhenhe rhoʼo katiʼ rhekerha kurha seke sueirheajerha towelazarha (blaba Santiago 1:2-4). Jeobá rzuayechigaze katiʼ rzakayaarha, sanlhe rzueʼ yatzayolaj katiʼ rlenhe ku rhátilachhirha. Biblia rnhe: «Cheʼ rzakayaalhe tan rhonle ta chhiaʼ lhen rzuereajelhe, Dios rheyolachhigaze taní» (1 Pedro 2:20). Jeobá wegdeʼ yelaneban tzalasa ki yogothe beneʼ sueirheajekene lhen gákake lilhachhiʼ lo lichhileyo ga kurha ikuaʼ beneʼ rlekeneziʼ lhekeʼ tan rheanelachhike leʼ (Mateo 24:13).

KSEEDIRHA MÁSRHE KI TANÍ

Ni uyorha nákaʼ wazeke gluerha nakarha lilhachhiʼ lhen Jeobá nikla kuenookeʼ rhoʼo, lhezekan uyorha nákaʼ gonlaayeʼ rhoʼo cheʼ sueirheajerha.

4. Wazeke tzeanelachhiloʼ Dios nikla diadza kioʼ ku rheenkene

Jesús nezene nakalha bala diadza kierha ku yeenkene o gzagake tzeanelachhirha Jeobá. Le ulaba Mateo 10:34-36 na le ktzalaj ki taní:

Katiʼ to beneʼ rtobilachhie tzeanelachhie Jeobá, bi rhonka diadza kieʼ.

Kuenda gombhelho beneʼ chi goka kieke kan, le uyo VIDEO. Denhaʼ le ktzalaj ki taní:

VIDEO: Jeobá chi byueʼ nhetoʼ (5:13)

Bi gonloʼ cheʼ to diadza kioʼ o to amigo kioʼ yeenhene ksanloʼ tan rheanelachhiloʼ Jeobá.

Le ulaba Salmo 27:10 lhen Marcos 10:29, 30. Katiʼ yiyochhi glabalhe to to texto, le ktzalaj ki taní:

Nákaʼ gon lueʼ yodarhi tan zua lo textoni katiʼ diadza kioʼ o amigo kioʼ ku yeenkene tzeanelachhiloʼ Dios.

5. Ku gdelho lataj tan rbenookeʼ lueʼ gzaga tan tzeanelachhiloʼ Jeobá

Katiʼ nó rheenhe gzaga tzeanelachhirha Jeobá, rhala gákarha rhogoláchhiʼ. Le uyo VIDEO na le ktzalaj ki taní:

VIDEO: Be rdzebike katiʼ rbenookeʼ lhekeʼ (6:27)

Ki ta gde lo video, bi rhon lueʼ yodarhi na gákalho rhogoláchhiʼ.

Le ulaba Hechos 5:27-29 lhen Hebreos 10:24, 25. Katiʼ yiyochhi glabalhe to to texto, le ktzalaj ki taní:

Bixhkieʼ rhongaze bayochhi tzeanelachhirha Jeobá nikla beneʼ rnhebhekeʼ gzagake ktzalajrha ki Dios o yidobirha.

6. Jeobá gakalhenhe lueʼ na sueirheajeloʼ

Testigo ki Jeobá ki doxhenthe lichhileyo chi gokake lilhachhiʼ lhen Jeobá nikla rbenookeʼ lhekeʼ. Kuenda ileʼlho nákaʼ chi bhenke kan, le uyo VIDEO. Denhaʼ le ktzalaj ki taní: