Dərs keçdiyiniz bu müddətdə Yehova haqqında çox şey öyrənmisiniz. Öyrəndikləriniz ürəyinizdə Ona qarşı sevgi oyadıb. Ola bilsin, bu sevgi sizi həyatınızı Yehovaya həsr edib, vəftiz olunmağa təşviq edib. Əgər hələ bu addımı atmamısınızsa, yəqin ki, yaxın gələcəkdə bunu etmək barədə düşünürsünüz. Bir şeyi unutmayın, siz vəftizdən sonra da Yehovaya yaxınlaşmağa davam etməlisiniz. Əslində, Yehova ilə dostluğu əbədiyyən möhkəmləndirməliyik. Bunu necə edə bilərik?

1. Nəyə görə Yehova ilə dostluğunuzu möhkəmləndirməyə davam etməlisiniz?

Yehova ilə dostluğumuzu möhkəmləndirmək üçün həmişə var gücümüzlə çalışmalıyıq. Əks halda, Ondan uzaqlaşarıq (İbranilərə 2:1). Yehovaya bundan sonra da sədaqətlə xidmət etməyə bizə nə kömək edə bilər? Təbliğ işində fəal olmaq və hər fürsətdən istifadə edib xidmətimizi genişləndirmək. (Filippililərə 3:16 ayəsini oxuyun.) Yehovaya xidmət etmək ən gözəl həyat yoludur! (Zəbur 84:10).

2. Daha nə etməlisiniz?

Artıq Müqəddəs Kitab dərsiniz başa çatır, amma məsihi kimi yaşamağa bundan sonra da davam etməlisiniz. Allahın Kəlamında deyilir ki, biz «yeni şəxsiyyətə» bürünməliyik (Efeslilərə 4:23, 24). Müqəddəs Kitabı araşdırdıqca, yığıncaq görüşlərində iştirak etdikcə Yehova barədə, Onun xüsusiyyətləri barədə yeni şeylər öyrənəcəksiniz. Çalışın get-gedə Ona daha çox bənzəyəsiniz. Yehovanın könlünü şad etmək üçün özünüzdə daima lazımi dəyişikliklər edin.

3. Yehova sizə necə kömək edəcək?

Müqəddəs Kitabda deyilir: «Allah... təliminizi başa çatdıracaq, sizi güclü, mətin, sarsılmaz edəcək» (1 Butrus 5:10). Hər birimiz bizi günaha sövq edən vəziyyətlərlə üzləşirik. Amma Yehova bizə bu vəziyyətlərdən üzüağ çıxmağa kömək edir (Zəbur 139:23, 24). O söz verir ki, sədaqətlə xidmət edə bilək deyə qəlbimizdə həm arzu oyadacaq, həm də bizə güc verəcək. (Filippililərə 2:13 ayəsini oxuyun.)

 D Ə R İ N L İ Y Ə  V A R I N

4. Ən yaxşı Dostunuzla həmişə ünsiyyət edin

Dua etməyin və Müqəddəs Kitabı araşdırmağın sayəsində Yehova ilə dost olmusunuz. Bəs bunlar Ona daha da yaxınlaşmağa sizə necə kömək edə bilər?

Zəbur 62:8 ayəsini oxuyun və növbəti sualı müzakirə edin:

• Yehova ilə dostluğunuzu möhkəmləndirmək üçün dualarınızda nəyi dəyişə bilərsiniz?

Zəbur 1:2 ayəsini oxuyun və növbəti sualı müzakirə edin:

• Yehova ilə münasibətinizi möhkəmləndirmək üçün Müqəddəs Kitabın mütaliəsini necə yaxşılaşdıra bilərsiniz?

Fərdi mütaliəni daha səmərəli etmək üçün nə edə bilərsiniz? VİDEOYA baxın və növbəti sualları müzakirə edin:

• Videodakı hansı məsləhətləri tətbiq edə bilərsiniz?

• Hansı mövzuları araşdırmaq istəyərdiniz?

 İCMAL

Bundan sonra da Yehova ilə dostluğunuzu möhkəmləndirin və qarşınıza ruhani məqsədlər qoyun. Belə etsəniz, əbədiyyən xoşbəxt yaşayacaqsınız!

Təkrar

• Nəyə görə əmin ola bilərsiniz ki, Yehova sizə sədaqətlə xidmət etməyə kömək edəcək?

• Yehova ilə dostluğunuzu necə möhkəmləndirə bilərsiniz?

• Ruhani məqsədlər Yehovaya daha da yaxınlaşmağa sizə necə kömək edə bilər?