IRUẸMWI 60
Ye Gha Mwẹ Alaghodaro
Ke na ya suẹn iruẹmwi e Baibol na, ẹi re avbiẹ emwi, ẹre u he ruẹ vbekpa e Jehova. Emwi ne u he ruẹ keghi ya ruẹ hoẹmwẹ ọnrẹn sẹrriọ wẹẹ, u na do ya egbuẹ fiohan nẹẹn, u na vbe dinmwiamẹ. Sokpan deghẹ u ma he ru vberriọ, egbọre u mwẹ ọnrẹn vbe orhiọn nẹ, ne u ya ru vberriọ vbe nẹi khian ghi kpẹẹ gbe. Vbọrhirhighayehẹ, ọ ma khẹke ne alaghodaro ne u mwẹ sẹ ufomwẹ, vbe u gha dinmwiamẹ nẹ. U gha ye sẹtin gha sikẹ e Jehova sayọ, ke ẹghẹ na kpa, ya fi etẹbitẹ. Odẹ vbo?
1. Vbọzẹ nọ na khẹke ne u ye gha ru emwi nọ gha ya ruẹ sikẹ e Jehova sayọ?
Ọ khẹke ne ima gha hia vbe odẹ ke odẹ, ne ima ye gha sikẹ e Jehova sayọ. Vbọzẹ? Ne ima ghẹ mieke na khian rree ne Jehova. (Hibru 2:1) De emwi nọ gha ru iyobọ ne ima, ne ima ye gha ya ẹkoata ga e Jehova? Ma ghi rhiegba ye iwinna ikporhu iyẹn nọ maan, ma ghi vbe gualọ odẹ ọvbehe ne ima gha ya ru sayọ vbe ugamwẹ e Jehova. (Tie Filipai 3:16.) Odẹ nọ ghi maan sẹ ne ọmwa gha ya loo arrọọ ọghẹe, ọre nọ gha ga e Jehova!—Psalm 84:10.
2. De emwi ọvbehe nọ khẹke ne u ye gha ru?
Agharhemiẹn wẹẹ te iruẹmwi e Baibol na khian ghi sẹ ufomwẹ nia, te u khian ye gha rhie ugamwẹ ne Osanobua zẹvbe Ovbiotu e Kristi. E Baibol wẹẹ te ọ khẹke ne ima ‘mu egbe ọgbọn yọ.’ (Ẹfisọs 4:23, 24) U ghaa tie Baibol ne egbuẹ, u na vbe gha yo iko vbe ẹghẹ hia, u ghi gha ruẹ emwi ọgbọn vbekpa e Jehova kevbe avbe akpa ọghẹe. Gualọ odẹ ughughan ne u khian ya sẹtin gha ya egbe taa e Jehova sayọ vbe arrọọ ruẹ. Ye gha ru afiwerriẹ nọ khẹke, ne u mieke na gha ya ẹko rhiẹnrhiẹn e Jehova.
3. De vbene Jehova khian ya ru iyobọ nuẹn hẹ ya gha mwẹ alaghodaro?
E Baibol khare wẹẹ: “Osanobua . . . gha tobọ ẹre ya uwẹ khian nọ gbae, ọ ghi rhie a mudia gbain nuẹn, ẹtin kevbe ẹyotọ nọ deziẹn.” (1 Pita 5:10) Ma hia keghi werriẹ aro daa edanmwẹ. Sokpan e Jehova keghi ru iyobọ nọ khẹke ne ima ya sẹtin lae gberra. (Psalm 139:23, 24) Ọ yan rẹn wẹẹ, irẹn gha rhie aguakpa kevbe ẹtin nuẹn, ne u mieke na gha ya ẹkoata gae.—Tie Filipai 2:13, NW.
GUALỌ OTỌ RE SAYỌ
Gia ziro yan vbene u khian ya sẹtin ye gha mwẹ alaghodaro hẹ kevbe odẹ ne Jehova gha ya fiangbuẹ.
4. Ọ khẹke ne uwẹ vbe Ọse nọ ghi sikẹ ruẹ sẹ gha gu egbe guan vbe ẹghẹ hia
Erhunmwu kevbe Baibol na ruẹ, ẹre ọ ru iyobọ nuẹn ya do gha re ọsie Jehova. De vbene emwi na sunu yi na, gha ya ru iyobọ nuẹn ya sikẹ e Jehova sayọ hẹ?
Tie Psalm 62:8, iyeke ọni, uwa ghi ziro yan inọta na:
-
De vbene u gha ya sẹtin gha mwẹ alaghodaro hẹ vbe odẹ ne u ya na erhunmwu, ne u mieke na sikẹ e Jehova sayọ?
Tie Psalm 1:2, iyeke ọni, uwa ghi ziro yan inọta na:
-
De emwi ne u gha ru, nọ gha ya ruẹ gha miẹn ere vbe Baibol na tie, ne u mieke na sikẹ e Jehova sayọ?
Vbua khian ya sẹtin gha tie Baibol hẹ, vbe odẹ ne u gha ya miẹn ere vbọ sayọ? Ne u ya rẹn odẹ eso ne u gha ya ru ọna, kpee VIDIO na, iyeke ọni, uwa ghi ziro yan inọta ni lelẹe.
-
De obẹlẹ eso na guan kaẹn vbe vidio na, ne u gha sẹtin lele?
-
De uhunmwuta eso ne u gha hoo ne u tie vbekpa re?
5. Fian okhuo ne egbuẹ vbe ugamwẹ e Jehova
U gha fian okhuo ne egbuẹ vbe ugamwẹ e Jehova, ọ ghi ya ruẹ gha mwẹ alaghodaro sayọ. Kpee VIDIO na, iyeke ọni, uwa ghi ziro yan inọta nọ lelẹe.
-
Vbe vidio na, de afiangbe ne Cameron miẹn, rhunmwuda nọ na fian okhuo ne egbe ẹre vbe ugamwẹ e Jehova?
Emwa hia i khian sẹtin kpa gha rrie ẹvbo ọvbehe ya gha kporhu. Sokpan, ma hia gha sẹtin fian okhuo ne egbe ima, ne ima gha sẹtin mu sẹ. Tie Itan 21:5, iyeke ọni, uwa ghi ziro yan okhuo ne u gha sẹtin fian ne egbuẹ . . .
-
vbe iko.
-
vbe iwinna ikporhu.
De vbene ilele nọ rre ako na, khian ya ru iyobọ nuẹn ya sẹtin mu okhuo ne u fian ne egbuẹ sẹ?
Okhuo ne u gha sẹtin fian ne egbuẹ
-
Gha mwẹ alaghodaro vbe odẹ ne u ya na erhunmwu.
-
Tie Baibol, ke omuhẹn ya sẹ ufomwẹ.
-
Hia ne u rẹn etẹn hia ni rre iko.
-
Hia ne u gha mwẹ ọmwa ne u gu ruẹ e Baibol.
-
Rhie obọ ye arọndẹ ọghe ọyọmwabọ, ra ọghe ẹghẹ hia.
-
Deghẹ ọtẹn nokpia ẹre u khin, hia ne u sẹ ihe nọ gha ga zẹvbe ọguọmwadia iwinna.
6. Sọyẹnmwẹ arrọọ vbe etẹbitẹ!
Tie Psalm 22:26, NW, iyeke ọni, uwa ghi ziro yan inọta na:
-
De emwi ne u gha ru, ne u mieke na gha sọyẹnmwẹ arrọọ nia, ya fi etẹbitẹ?
OLIKA ẸMWẸ
Hia ne u ye gha ru emwi nọ gha ya ruẹ sikẹ e Jehova sayọ, u ghi vbe gha fian okhuo ne egbuẹ vbe odẹ ọghe orhiọn. U gha ru vberriọ, u gha sọyẹnmwẹ arrọọ vbe etẹbitẹ!
Ogbewerriẹ
-
Vbọzẹ ne u gha na sẹtin gha mwẹ ilẹkẹtin wẹẹ, e Jehova gha ru iyobọ nuẹn ya gha ya ẹkoata gae?
-
De emwi ne u gha ru, nọ gha ya ruẹ kakabọ sikẹ e Jehova?
-
De vbene okhuo ne u fian ne egbuẹ vbe odẹ ọghe orhiọn, khian ya ru iyobọ nuẹn hẹ ya gha mwẹ alaghodaro?
RUẸ SAYỌ
De nọ yẹẹ e Jehova sẹ? Ugamwẹ ne u rhie nẹẹn uhukpa vbe odẹ ọghe uzaromiẹn nọ ra, ra ne u ya arrọọ ruẹ gae sẹ ufomwẹ?
Ugbẹnso, ọguọmwadia e Jehova nọ mwẹ amuẹtinyan sẹtin khian ọmwa ne iro han rẹn. Ghee emwi nọ gha ru iyobọ ne ọmwa vbenian ya werriegbe do gha sọyẹnmwẹ.
U Gha Sẹtin Sọyẹnmwẹ Iwinna Ikporhu Deghẹ U Na Ruẹ Ne Egbuẹ Ẹse (5:25)
Vbua khian ya sẹtin fian okhuo ne egbuẹ hẹ vbe ugamwẹ ọghe Osanobua, ne u vbe sẹtin muẹn sẹ?
Vbọzẹ nọ na khẹke ne ima gha re Ivbiotu e Kristi ni wẹro? De emwi nọ gha ru iyobọ ne ima?