NLÔ AJÔ 60
Kele’ ôsu a yaé mfa’a ya nsisim
Teke bisô na wo te yé’é abui mam a lat a Yéhôva a zene ya ayé’é Kalate Zambe di. Mam wo te yé’é ma te bo na ô tu’a nye’e nye a na ô kômbô ve womien ngumba be nye a duban. Nge ô ngenane teke de bo, éko éziñ na wo fas aval ô ne bo de ana’ana. Ve yeme’e na wo yiane ke ôsu a yaé nsisim to’o ô dubaneya. Ô ne ke ôsu a kabetane Yéhôva nnôm éto. Aval avé?
1. Amu jé wo yiane ke ôsu a yemete amvôé dôé a Yéhôva?
Bia yiane saé a ngul ése na bi ke ôsu a yemete amvôé dangan a Yéhôva. Amu jé? “A za bo a zen éziñe na bia ye tindiban a li’i” mejô mé. (Behébreu 2:1) Jé é ne volô bia na bi ke ôsu a kañe Yéhôva nya nkañane? Bia yiane bulu bo ésaé nkañete a jeñe mezene mefe bi ne tu’a nene ésaé bia bo Yéhôva. (Lañe’e 1 Becorinthien 15:58.) E bo Yéhôva ésaé a ne ntyi’an wo dañe mfi ényiñe jangan ése!—Besam 84:10.
2. Jé bia yiane ke ôsu a bo?
To’o na ayé’é ya kalate nyi é nga ke memane, ényiñe Kristen jôé é ngenan é kele’ ôsu. Kalate Zambe a jô na bia yiane “jaé mfefé môt.” (Beéphésien 4:23, 24) Nté wo ye ke ôsu a yé’é Mejô me Zambe a tabe bisulan ya akônda, wo ye yé’é mam me ne mfefé a lat a Yéhôva a mefulu mé. Tuka’a yen aval ô ne vu mefulu mé ényiñe jôé. Kele’ ôsu a bo mintyendan mia yian asu na ô ve Yéhôva nlem avak.
3. Aval avé Yéhôva a ye volô wo na ô tu’a yaé nsisim?
Kalate Zambe a jô na: “Zambe . . . émien a ye sondô kôme mia. A yemete mia, a ve mia ngu.” (1 Pierre 5:10) Môt ase ya be bia a ne tebe meve’ele été. Ve Yéhôva a ve bia ngule ja yian asu na bi bo teke feñelan. (Besam 139:23, 24) A ka’ale bia na a ye ve bia nkômban a ngule ya kabetane nye.—Lañe’e Bephilippien 2:13.
TUKA’A FAK
Yene’ aval ô ne ke ôsu a yaé nsisim a avale Yéhôva a ye botane wo.
4. Kele’ ôsu a laan a Mvôé jôé, vô’ôlô fe nye
Meye’elan a ayé’é Kalate Zambe bia ye volô wo na ô bo mvôé Yéhôva. Aval avé mam mete me ne volô wo na ô tu’a subu nye bebé?
Lañe’e Besam 62:8, mvuse ya valé, yala’ane nsili wu:
-
Asu na ô tu’a yemete amvôé dôé a Yéhôva, jé ô ne tyendé mfa’a ya avale wo ye’elane Yéhôva, a mame wo kate nye?
Lañe’e Besam 1:2, mvuse ya valé, yala’ane nsili wu:
-
Asu na ô tu’a yemete amvôé dôé a Yéhôva, aval avé wo yiane lañe Kalate Zambe?
Mintyendane mivé ô ne bo asu na ô kôme bu’uban ayé’é étam dôé? Asu na ô yen mam ô ne bo, futi’i VIDÉO, mvuse ya valé, yala’ane minsili mia tôé valé.
-
Mam mevé ya vidéo nyi ô ne tôñ?
-
Minlô mejô mivé wo kômbô yé’é?
5. Jeñe’e na ô bi minsôñane ya nsisim
Éyoñ ô bili minsôñane ya nsisim, nalé é volô wo na ô ke ôsu a yaé nsisim. Futi’i VIDÉO, mvuse ya valé, yala’ane nsili wo tôé valé.
-
Bibotan bivé Cameron a nga bi amu a mbe a bili minsôñane ya nsisim?
Sa ke môt ase nnye a ne ke kañete si fe. Ve bia bese bi ne jeñe minsôñane bi ne tôé. Lañe’e Minkana 21:5, mvuse ya valé, yene’e minsôñan ô ne tôé . . .
-
akônda été.
-
ésaé nkañete.
Aval avé ñye’elane ya éfuse ji ô ne volô wo na ô tôé minsôñane miôé?
Minsôñane ô ne tôé
-
Jeñe’e na meye’elan môé me tu’a bo édok.
-
Lañe’e Kalate Zambe ase.
-
Jeñe’e na ô yem môt ase ya akônda dôé.
-
Jeñe’e na ô yé’é Kalate Zambe a môt éziñ.
-
Nyoñe’ ésaé nkpwa’a mefan ya étun éyoñ nge ke nkpwa’a mefan ya éyoñ ése.
-
Nge ô ne fam, jeñe’e na ô bo diakon.
6. Bu’uban ényiñ nnôm éto!
Lañe’e Besam 22:26, mvuse ya valé, yala’ane nsili wu:
-
Jé ô ne bo asu na ô bu’uban ényiñ ataté éyoñe ji akekui nnôm éto?
ÔBALEBAS
Kele’ ôsu a yemete amvôé dôé a Yéhôva, jeñe’e fe na ô bi minsôñane ya nsisim. Éyoñe te wo ye bu’uban ényiñ nnôm éto!
Ô ne yalan aya?
-
Amu jé ô ne tabe ndi na Yéhôva a ye volô wo na ô kañe nye a nlem wôé ôse?
-
Aval avé ô ne yemete amvôé dôé a Yéhôva?
-
Aval avé minsôñane ya nsisim mi ne volô wo na ô ke ôsu a yaé nsisim?
MAM MEFE ME NE VOLÔ WO
Jé ja dañe mfi mise me Yéhôva, ye na bi bo beta jam wua asu dé nge ke na bi wulu ba’aba’a a nye ényiñe jangan ése?
E ne kui na mbo ésaé Yéhôva a bo éyôé. Ve jé a ne bo asu na a beta bi ava’a dé?
Ayé’é étam a mfasan mejô me Zambe bi ne beta wômôlô ava’a dôé (5:25)
Aval avé ô ne bi minsôñane ya nsisim a tôé mie?
Amu jé é ne mfi na Kristen é bo étôtôlô nsisim, a aval avé ô ne kui na ô bo de?