Bʉ Biblia estudia koɓeesiiɗe iɗiiɗaa, bichia Jeowa ʉ̃rʉbena ãrĩãdu kawasia. Mauɗéburu, Dachi Akõre kakua bichia ichi kʉ̃ria nii ãrĩãdu wari ɓua, mauɗeeba bichia ichi ome comprometepeɗa maabea bautizasia. Mau ara maka asewẽa niibʉrã, ara nauɗe aseyua kʉ̃risiai ɓua. Maamina bichi bautizaɗakare, apii ɓeebayua bari waaburu Jeowa ara kaita koɓeeyua. Maubapeɗa, bichi waaburu Jeowa ome amiko ɓooi kuɓua. Ochiaɗaika saka.

1. ¿Sakayua waaburu Jeowa ome amiko nibaiba?

Dachirãba bereka duaneeɗayua waaburu Jeowa ome amiko nureai baita. ¿Sakayua? “Makaburu dachi ãyaa odoebiɗaamaaba” maabea ichi kaitawẽe duanaɗaamaaba (Hebreos 2:1). ¿Kãareba dachirãra jipa trajabiai ɓua Jeowa baita? Waabenarãmaa ãrĩãdu jaradeɗeka duanaɗapeɗa mauɗe waaburu traja duanuuba Dachi Akõre kakua (Filipenses 3:16 leas). ¡Jeowa baita traja duanuudu aude chi bia ɓua! (Salmo 84:10).

2. ¿Kãare waa ase ɓooiba?

Bariara chi nau Bibliaɗebena estudiabadau terminamaa ɓumina, bichira eaburu cristiano bamaa ɓua. Bibliaba cristianorã aɓaaɓaarãmaa naka jara ɓua: “paru wiɗi jʉ̃ panuu kĩra, kʉ̃risia wiɗiɗeeba nibásturu” (Efesios 4:23, 24). Waaburu Dachi Akõre Beɗea ʉ̃rʉbena kawapeɗa mauɗe reunión konkrekasionɗebenaɗaa wãburuubʉrã, maucha Jeowa ʉ̃rʉbena kawayua mauɗe ichi saka nii ʉ̃rʉbena. Berekas waaburu ichi kĩra nibai baita. Maabea chi kambiai ɓuuɗe aseika Jeowa kĩrajʉʉ nibabiyua.

3. ¿Saka aiɗayua Jeowaba bichi ichi kaita waaburu nibai baita?

Bibliaba naka jara ɓua: “Dachi Akõreba ne jomaɗe biʼia ɓui. Ichiba machi aiɗai biʼia ijãaɗamera, joma jãaduaɗamera mauɗe chaarea nureaɗamera” (1 Pedro 5:10). Jomaurãmaa tentación neebaria, maamina Jeowaba nau ũkuru choroabibaria (Salmo 139:23, 24). Maubapeɗa, ichia bichimaa kʉ̃ria iɗaa trajaɗai baita kʉ̃risiabipeɗa mauɗe chaarea duanabiyua (Filipenses 2:13 leas).

 AUDE KAWABA

4. Bichi amiko bia ome beɗea ɓoobarii ɓuirã́ba

Ʉtaa wiɗipeɗa mauɗe Biblia estudia ɓuuba Jeowa amiko ariɗe nibabi ɓua. ¿Nauba akawara ichi kaita nibabi ɓoabaaka? ¿Saka?

Salmo 62:8 leaɗapeɗa, mambea nau ʉ̃rʉbena beɗeasturu:

• Biʼia ãrĩã ʉtaa wiɗirã makaburu Jeowa ome amiko ɓeei ɓua. ¿Saka asei ɓua?

Salmo 1:2 leaɗapeɗa, mambea nau ʉ̃rʉbena beɗeasturu:

• Bichi Biblia biʼia lea ɓeeruuba, maka biɗa Jeowa ome amiko ɓeei ɓua. ¿Saka asei ɓua?

¿Kãare asei ɓua bichi mistu aɓa Bibliaɗebena aude kawayua? Saka aseyu kuitaa, BIDEO ochiábaɗa. Mambea nau ʉ̃rʉbena beɗeasturu:

• Bideoɗe ochia ɓuu kĩra, ¿bichia saka asei ɓua?

• ¿Kãare ʉ̃rʉbena bichia kawai kʉ̃ria ɓua?

 NAU KAWASIƊAA

Waaburu Jeowa ome amiko nibayua mauɗe kʉ̃risias kãare maucha ichi kakua asei ɓuu. ¡Makaburu bichi kĩrajʉʉ biuwẽa nibai ɓuu!

Waya berreaɗaika

• ¿Sakayua ariɗe kuitaa ɓua Jeowaba bichi aiɗayu ichi baita waaburu jipa trajayua?

• ¿Kãare asei ɓua Jeowa ome amiko nibai baita?

• ¿Sakayua biʼia ɓua kʉ̃risiayu kãare maucha asei Jeowa baita?