ZANNOO 60
Naŋ Moɔ̃ Niŋe A Vɛŋ Ka Ho Neŋ Jehoova Niiloŋ Na Maaleŋ E Kpeɛŋaa
Te baŋɛɛŋ ka ho zannɛɛ Jehoova yɛlɛ yaga zaa a yi a gane ŋa poɔŋ. Yɛlɛ na hoŋ zanne na vɛŋɛɛŋ hoŋ nɔmoo yaga zaa, aminekaŋaŋ ho de la ho nyɔvore ko Jehoova a de suobu. Ka hooŋ naŋ ba e lɛ, te baŋɛɛŋ ka aminekaŋaŋ a koŋ kɔɔre kyɛ ho na eɛ lɛ. Kyɛ, ka hooŋ wa de suobu, a baarɛɛŋ lɛ bee? Ai. Aseŋ ka ho naŋ moɔ̃ niŋe a tagra peɛlɛ Jehoova a gɛrɛ wagre naŋ ba taa baaraa. Wala hoŋ na toɔ̃ e lɛ?
1. Bonso aŋ seŋ ka ho naŋ moɔ̃ niŋe a vɛŋ ka ho neŋ Jehoova niiloŋ na maaleŋ e kpeɛŋaa?
Aseŋ ka te moɔ̃ niŋe a vɛŋ ka te neŋ Jehoova niiloŋ na e kpeɛŋaa. Ananso la wala? Aseŋ ka te e lɛ ka lɛ vɛŋ “ka te ta wa sare yi” Jehoova zie. (Hiburu 2:1) Boŋ na toɔ̃ soŋ te ka te naŋ puoro Jehoova yelmennoŋ poɔŋ? Te na baŋ de la te wagre kpoŋ zie zaa a moɔlɔ a duorisoŋ, a kyɛ lɛ boɔrɔ soe mine meŋ teŋ na baŋ tu a tonɔ Naaŋmen puoruu toma wagre zaa. (Kanne Filipae 3:16.) Yelzaa kyebe a soma gaŋ teŋ na de te nyɔvore zaa a puoro Jehoova!—Yieme 84:10.
2. Bo yɛlɛ mine meŋ aŋ seŋ ka ho naŋ moɔ̃ niŋe erɛ?
Yelmeŋɛ la, ho zannɛɛ a gane ŋa baare, kyɛ aseŋ ka ho naŋ gɛrɛ nimitɔɔre a erɛ ho yɛlɛ aŋa Kristabie. A Baabole yeleeŋ ka, aseŋ ka te “de a gyog-paalaa na . . . a pilli.” (Efesu 4:23, 24) Ka hooŋ moɔ̃ niŋe a zanna Naaŋmen Yelbiri na, a gɛrɛ a lantaapuoruu lammore na zaa, ho na zannɛɛ Jehoova yɛlɛ ane gyog-sonne na oŋ taa na yɛlɛ yaga. Mɔɔrɔ ka ho tɔglɔ o gyogri na yaga zaa ho zemmo poɔŋ. Ka hooŋ wa nyɛ ka aseŋ ka ho leɛre ho eebo yɛlɛ mine poɔŋ, mɔɔ kyɛ e lɛ. Ka hooŋ e lɛ Jehoova poɔ na pɛleŋ yaga zaa.
3. Sobuo ka Jehoova na baŋ soŋ bo ka ho naŋ nyɛrɛ nimitɔɔre gaabo?
A Baabole yeleeŋ ka: “Naaŋmen . . . na e la ka yɛ leɛ are yɛ aroozie, a teɛ yɛ taa, a ko yɛ faŋa kyɛ e ka yɛ are kpeɛŋaa.” (1 Piita 5:10) Te zaa na tuoree pigrinyɛ ka te e yelfaa kaŋa. Kyɛ Jehoova na baŋ soŋ teŋ ka te are kpeɛŋaa. (Yieme 139:23, 24) O eŋɛɛ noɔre ka o na ko boŋ a boɔbo ane a faŋa ka ho toɔ̃ puoroo yelmennoŋ poɔŋ.—Kanne Filipae 2:13.
ZANNE YƐLƐ YAGA POƆ
Ho na zanne nyɛɛ lɛ hoŋ na toɔ̃ e a naŋ nyɛrɛ nimitɔɔre gaabo, ane maaloo Jehoova naŋ na ko bo ka hooŋ e lɛ.
4. Vɛŋ ka ho neŋ ho Zɔmeŋɛ Jehoova dire dama wagre zaa
Puoro ane a Baabole zannoo la soŋ bo hoŋ wa e Jehoova zɔmeŋɛ. Sobuo ka puoro ane Baabole zannoo na toɔ̃ soŋ bo ka ho maaleŋ tage peɛloo yaga zaa?
Kanne Yieme 62:8, a kyɛ gyieli a soorebiri ŋa yɛlɛ:
-
Ka teneeŋ wa puoro, bo aŋ seŋ ka te e ka te neŋ Jehoova niiloŋ na maaleŋ e kpeɛŋaa?
Kanne Yieme 1:2, a kyɛ gyieli a soorebiri naŋ tu na yɛlɛ:
-
Ka hooŋ wa kanna a Baabole, wala aŋ seŋ ka ho e ka lɛ vɛŋ ka ho neŋ Jehoova niiloŋ na maaleŋ e kpeɛŋaa?
Wala hoŋ na baŋ e a nyɛ tɔnɔ yaga zaa a yi ho meŋɛ Baabole zannoo na poɔŋ? Ka hooŋ boɔrɔ ka ho nyɛ yɛlɛ mine naŋ na toɔ̃ soŋ bo, ŋmɛ a VIDIO, a kyɛ gyieli a soorebie naŋ tu na yɛlɛ.
-
Bo yɛlɛ la be a vidio poɔŋ hoŋ boɔrɔ ka ho de toŋ neŋ toma?
-
Bo yɛlɛ mine la hoŋ na boɔrɔ ka ho zanne poɔ?
5. De yɛlɛ biŋ ho nimitɔɔreŋ Jehoova puoruu poɔŋ
Ka hooŋ de yɛlɛ mine biŋ ho nimitɔɔreŋ Jehoova puoruu poɔŋ a na soŋ boŋ ka ho nyɛrɛ nimitɔɔre gaabo. Ŋmɛ a VIDIO, a kyɛ gyieli a soorebiri ŋa yɛlɛ.
-
Saŋa na Cameron naŋ da de yɛlɛ mine biŋ o nimitɔɔreŋ na, sobuo aŋ da somoo?
Te zaa koŋ baŋ gaa paaloŋ yuo kaŋa a te moɔle a duorisoŋ. Kyɛ, te na baŋ de la yɛlɛ mine teŋ na baŋ ta biŋ te nimitɔɔreŋ. Kanne Yeng Yelibie 21:5, a kyɛ gyieli yɛlɛ na mine hoŋ na toɔ̃ de biŋ ho nimitɔɔreŋ . . .
-
a lantaapuoruu poɔŋ.
-
a naaŋ moɔloo toma poɔŋ.
Sobuo ka a Baabole sɛgre ŋa na baŋ soŋ bo ka ho ta yɛlɛ na hoŋ de biŋ ho nimitɔɔreŋ na?
Yɛlɛ mine hoŋ na baŋ de biŋ ho nimitɔɔreŋ
-
Maŋ yeli ho sukyiri poɔ yɛlɛ zaa ko Jehoova.
-
Ho na baŋ kannɛɛ a Baabole zaa.
-
Mɔɔ kyɛ baŋ neɛzaa naŋ be a lantaapuoruu poɔŋ.
-
Mɔɔ kyɛ vɛŋ ka ho neŋ neɛ kaŋa piili Baabole zannoo.
-
Ho na baŋ toŋɛɛ a paaneɛ sonneba toma, kyɛbee a regular paaneɛ toma.
-
Ka hooŋ e te yɔɔdɔɔ na kaŋa, mɔɔ kyɛ nyɛ nimitɔɔre gaabo a wa e a lantaapuoruu nembɛrɛ sonneba na kaŋa.
6. Nyɛ zeŋ laafeɛ tegitegilɛ!
Kanne Yieme 22:26, a kyɛ gyieli a soorebiri ŋa yɛlɛ:
-
Wala hoŋ na toɔ̃ e a nyɛ zeŋ laafeɛ pampana ane wagre naŋ ba taa baaraa?
A ZANNOO YELNIMIZEERE
Moɔ̃ niŋe a vɛŋ ka ho neŋ Jehoova niiloŋ na maaleŋ e kpeɛŋaa. De yɛlɛ mine meŋ biŋ ho nimitɔɔreŋ Jehoova puoruu poɔŋ. Ka hooŋ e lɛ, ho na nyɛɛ zeŋ laafeɛ tegitegilɛ!
Bo Hoŋ Zanne
-
Bonso hoŋ sagedi peɛlaaŋ ka Jehoova na baŋ soŋ boŋ ka ho puoroo yelmennoŋ poɔŋ?
-
Wala hoŋ na baŋ e ka ho neŋ Jehoova niiloŋ na maaleŋ e kpeɛŋaa yaga zaa?
-
Ka hooŋ de yɛlɛ mine biŋ ho nimitɔɔreŋ Jehoova puoruu poɔŋ, sobuoŋ aŋ na toɔ̃ soŋ bo ka ho tage peɛle Jehoova yaga zaa?
YƐLƐ MINE NAŊ LƐ BEBE
A yɛlɛ ayi ŋa buo soba la pɛlɛ Jehoova poɔ yaga zaa, teŋ na e yelkpoŋ kaŋa naŋ wuli ka te nɔmmooŋ dayenaa yoŋ te zemmo poɔŋ, kyɛbee teŋ na dire yelmennoŋ koroo te nyɔvore zemmo zaa poɔŋ?
Saŋa kaŋa yɛlɛ mine na baŋ pɔgɛɛ Jehoova yelmeŋɛ puorebie kaŋa ka lɛ vɛŋ ka o poɔ sãã yaga zaa. Kaa a vidio ŋa a nyɛ lɛ hoŋ na baŋ e a leɛ taa popeɛloŋ.
Wala hoŋ na toɔ̃ e a de yɛlɛ mine biŋ ho nimitɔɔreŋ a toɔ̃ ta a meŋ?
“De Yɛlɛ Mine Biŋ Ho Nimitɔɔreŋ A De Eŋ Jehoova Gyeremɛ” (A Watchtower, July 15, 2004)
Aseŋ ka Kristabie zaa mɔɔrɔ ka o kyili a Kristaaloŋ poɔŋ. Ananso la wala? Wala hoŋ na baŋ e a kyili a Kristaaloŋ poɔŋ?
