UKPEPN̄KPỌ 60
Ka Iso Nam N̄kpọ Man Enen̄ede Ekpere Jehovah
Emekpep ediwak n̄kpọ aban̄a Jehovah tọn̄ọ ọkọtọn̄ọ ndikpep n̄wed emi. Se ekpepde anam fi enen̄ede ama Jehovah; ekeme ndidi ima oro ama anam fi ayak idem ọnọ enye onyụn̄ ana baptism. Idem ekpededi unaha kan̄a, anaedi ke aduak ndina ke mîbịghike. Ama ana baptism, oro iwọrọke ke amama uwa—omosụk ekeme ndika iso n̄kpere Jehovah. Edinam didie inam oro?
1. Ntak ọfọnde aka iso ekpere Jehovah?
Ana inam se ikekeme man ikaka iso ikpere Jehovah. Ntak-a? “Mbak nnyịn idifiọrọ ikpọn̄ usụn̄” esie. (Mme Hebrew 2:1) Nso idin̄wam nnyịn isọn̄ọ ida inam n̄kpọ Jehovah? Imekeme ndisịn idem n̄kwọrọ ikọ, inyụn̄ isise se ikemede ndinam man inen̄ede isịn idem ke n̄kpọ Abasi. (Kot Philippi 3:16.) Idụhe se ifọnde ke uwem emi nte ndinam n̄kpọ Jehovah!—Psalm 84:10.
2. Nso en̄wen ke ana aka iso anam?
Kpa ye oro edide ọmọn̄ okokụre akpatre ukpepn̄kpọ ke nneme Bible emi, ana osụk aka iso odu uwem nte Christian. Bible ọdọhọ kpukpru nnyịn ete: “Ẹmen obufa owo ẹsịne.” (Ephesus 4:23, 24) Akpaka iso ekpep Bible onyụn̄ odụk mbono esop, eyesikpep mbufa n̄kpọ aban̄a Jehovah ye utọ owo emi enye edide. Siyom usụn̄ kpebe utọ owo emi Jehovah edide kpukpru usen. Ka iso nam se Jehovah amade.
3. Didie ke Jehovah edin̄wam fi aka iso ekpere enye?
Bible ọdọhọ ete: “Abasi . . . oyokụre ukpep mbufo, enye ayanam mbufo ẹsọn̄ọ ẹda, enye ayanam mbufo ẹkop idem.” (1 Peter 5:10) Idomo esisịm kpukpru nnyịn. Edi Jehovah esin̄wam nnyịn ikan mmọ. (Psalm 139:23, 24) Enye ọn̄wọn̄ọ ke iyan̄wam fi enyịme ndika iso nsọn̄ọ nda nnam n̄kpọ imọ.—Kot Philippi 2:13.
SỊN IDEM KPEP
Se se ekemede ndinam man aka iso ekpere Jehovah, ye nte enye edidiọn̄de fi.
4. Ka iso neme nneme ye edima Ufan fo
Afo ndisibọn̄ akam ye afo ndisikpep Bible anam fi edi ufan Jehovah. Didie ke akam ye ndisikpep Bible ekeme ndinam fi akaka iso ekpere Jehovah akan akpa?
Kot Psalm 62:8, ekem ẹbọrọ mbụme emi ẹnyụn̄ ẹneme ẹban̄a enye:
-
Nso ye nso ke afo ekeme ndinam man akam fo anam fi enen̄ede ekpere?
Kot Psalm 119:97, ekem ẹbọrọ mbụme emi ẹnyụn̄ ẹneme ẹban̄a enye:
-
Nso ye nso ke akpanam ama okot Bible ke idemfo man an̄wam fi enen̄ede ekpere Jehovah?
Nso ke akpanam man esinenem fi ndikpep Bible ke idemfo? Okpoyom ndidiọn̄ọ ndusụk se akpanamde, se VIDIO emi, ekem ẹbọrọ mbụme oro ẹtienede ẹnyụn̄ ẹneme ẹban̄a mmọ.
-
Nso ye nso, ke otu mme n̄kpọ ẹbatde ke vidio oro, ke afo ekeme ndinam?
-
Mme n̄kpọ ewe ke afo edima ndikpep mban̄a?
5. Biere se edinamde inọ Jehovah
Ekpebiere ndinam nsio nsio n̄kpọ nnọ Jehovah, oro ayan̄wam fi enen̄ede ekpere enye. Se VIDIO emi, ekem ẹbọrọ mbụme oro etienede ẹnyụn̄ ẹneme ẹban̄a enye.
-
Ke vidio oro, nso ufọn ke se Cameron ekebierede ndinam akanam ọnọ enye?
Idịghe kpukpru nnyịn idikemeke ndika obio en̄wen n̄kọkwọrọ ikọ. Edi imekeme ndibiere se idinamde inọ Abasi. Kot Mme N̄ke 21:5, ekem ẹneme se afo ekemede ndinam . . .
-
ke esop.
-
ke utom ukwọrọikọ.
Didie ke itie Bible oro ekeme ndin̄wam fi anam se ekebierede ndinam?
Se afo ekemede ndibiere ndinam
-
Ndisibọn̄ akam ọfọn akan nte esibọn̄.
-
Ndikot Bible mma.
-
Kpep ndimehe ye kpukpru owo ke esop mbufo.
-
Yom owo tọn̄ọ kpep enye Bible.
-
Tiene di asiakusụn̄ unọ un̄wam m̀mê asiakusụn̄ ofụri ini.
-
Ekpedi edi brọda, nam n̄kpọ man odot ndidi asan̄autom unamutom.
6. Du ata uwem ke nsinsi!
Kot Psalm 22:26, ekem ẹbọrọ mbụme emi ẹnyụn̄ ẹneme ẹban̄a enye:
-
Nso ke akpanam man odu ata uwem idahaemi ye ke nsinsi?
SE IKPEPDE
Ka iso nen̄ede kpere Jehovah, nyụn̄ biere ndinam nsio nsio n̄kpọ nnọ Jehovah. Emi ayanam fi ekeme ndidu ata uwem idahaemi ye ke nsinsi!
Se M̀mê Emeti
-
Nso inam fi enen̄ede enịm ke Jehovah ayan̄wam fi ọsọn̄ọ ada anam n̄kpọ esie?
-
Nso ye nso ke afo ekeme ndinam man ekpere Jehovah akan akpa?
-
Didie ke afo ndinam nsio nsio n̄kpọ nnọ Jehovah ekeme ndinam fi ekpere enye akan akpa?
KPEP N̄KPỌ EN̄WEN
Nso ke Jehovah esima akan, ndi owo ndiyom n̄kpọ Abasi nsịn idem nnam ini kiet m̀mê owo ndinam n̄kpọ Abasi ke ofụri eyouwem esie?
N̄kpọ ekeme ndinam asan̄autom Jehovah ikopke idatesịt aba. Se se ikeme ndinam enye afiak okop idatesịt.
Nso ikeme ndin̄wam fi ebiere ndinam nsio nsio n̄kpọ nnọ Abasi, onyụn̄ anam se ebierede?
“Da Mme Utịtmbuba Eke Spirit Nọ Andibot Fi Ubọn̄” (Enyọn̄-Ukpeme, July 15, 2004)
Ntak ọfọnde ikaka iso inam n̄kpọ Abasi? Nso idin̄wam nnyịn ika iso inam oro?
“Ẹsịn Ifịk Ẹkọri Ẹsịm Ọyọhọ Idaha Koro ‘Akwa Usen Jehovah Emekpere’” (Enyọn̄-Ukpeme, May 15, 2009)
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
