AYÈGÈ 60

Kele osu na wò nang mfaa ya nsisim

VOGOLO A

Ayègè Bibel di a he vòli wò na o yem abui mam a bebege Yéhova. Ndò fe, éding dzoé asu dié é nga tòbò ngul akia yi na o nga ve wòmen nguma abe nyè o duben fe. Nge o beki dò bò, abog zing wò tsog na wò yi dò bò é melu ma zu. Veda, a nang mfaa ya nsisim a tebe ki amos wò duben. O ne dzam ke osu na wò subu Yéhova babi a ntié énying woé. Akia afé?

1. Asu dzé wò yeane ke osu na wò bò na amvoé doé ai Yéhova a tòbò ngul?

Bia yeane ke osu na bia ve mengul asu yi na amvoé daan ai Yéhova a tòbò ngul. Asu dzé? Amu “bi za dzang zen” (Hébréa 2:1). Dzé ya yi bi vòli na bi tòbò Yéhova mewog? É dzom é ne bi vòli é ne mengul bia ve asu yi na bi tuene bò ésié ékat foé ai mban ose, bi dzengʼe fe mezen mefe ya bò Zamba waan ésié nguma nguma (Langʼa Filippi 3:16). A bò Yéhova ésié o ne mbembe énying ya bi ne dzam bi! (Salmen 84:10).

2. Dzé fe éfe wò yeane ke osu na wò bò?

Ayègè Bibel doé a nga maneya, ve énying kristen dzoé ya tari ve ntaren. Bibel a dzo ai bia na bi bòt “mkpamen ékokomenga” (Éfési 4:23, 24). Éyòng wò ke osu na wò yègè Ébug Zamba o tòbega fe mban a bikoen, wò yi yègè mimkpamen mimam mi bebege Yéhova ai mefulu moé. Dzengʼe ai mezen mese na o vu Yéhova énying dzoé ése. Kele osu na wò tséndé bebé mefulu boé asu yi na Yéhova a tòbò mintak ai wò.

3. Akia afé Yéhova a yi wò vòli na o nang a nsisim?

Bibel a dzo na: “Zamba . . . émen a yi mina komoro, a nga yemede mina, a wono fe mina” (1 Pétrus 5:10). Bia bese bia toben ai mebobela. Ve Yéhova a ve bia é ngul bia yangʼen ai dzò asu yi na bi dang mò (Salmen 139:23, 24). A ve bia ngaaga na, a yi bi ve nyien ai ngul ya bò nyè ésié ai mewog mese (Langʼa Filippi 2:13).

TUENE FAG

Bi tam yen akia ya o ne dzam ke osu na wò nang mfaa ya nsisim ai akia afé Yéhova a yi wò fubu.

4. Kele osu ya kare lèè ai mbembe Mvoé woé

Ngogelen ai ayègè Bibel doé bi nga vòli wò na o tòbò amvoé ai Yéhova. O ne hm dzam bò ya asu yi na mam meté me vòli wò na o tòbò babi ai nyè abog ase?

Langʼa Salmen 62:8 ai yalen a nsili hi:

Éyòng ése wò yi kare kogelen, dzé ndzò o ne dzam tséndé a mengogelen moé asu yi na amvoé doé ai Yéhova a tòbò ngul?

Langʼa Salmen 1:2 ai yalen a nsili hi:

Éyòng ése wò yi kare lang Bibel, dzé ndzò o ne dzam tséndé asu yi na amvoé doé ai Yéhova a tòbò ngul?

Dzé ndzò o ne dzam bò asu yi na ayègè Bibel doé a tòbò wò nfi abui? Asu yi na o yem mbol o ne dzam bò, bebege VIDÉO ai yalen minsili mi tsaa mi:

VIDÉO: Mbembe ayègè étam (5:22)

Melebega mefé o ne tong?
Minlo medzo mifé wò yi na wò yègè?

5. Tongʼo minsongʼen ya nsisim

Nge wò tong minsongʼen mizing, nala a yi wò vòli na o ke osu na wò nang mfaa ya nsisim. Bebege VIDÉO ai yalen a nsili hi:

VIDÉO: Énying ya dang sò ai mintak (3:31)

Mintak mifé Cameron a nga bi éyòng a nga tong minsongʼen mié ya nsisim?

Mot ose a seki dzam ke kat mbembe foé abora si afe ngeki a nnam mfe. Ve bia bese bi ne dzam tong é minsongʼen mia yeane ai abim mengul bi bele. Langʼa Minkana 21:5 ai tsogo é minsongʼen o ne dzam tong . . .

akonda été.
ékat foé.

Akia afé tin mvéndé ya éfus dzi é ne wò vòli na o dzala minsongʼen mié?

Wò yi bò ya asu yi na

mengogelen moé me tòbò é ma ma fû Zamba nnem?
o lang Bibel ase?
o yègè na wò yem babedzang ai bekal baan bese ya akonda?
o tari ai o wulu ai ayègè Bibel ai mot zing?
o tòbò mkpaa mefan ya étun abog ngeki ényò ya abog ase?
o bi mefulu ma yeane mbol yi na o tòbò diakon nge o ne fam?

6. Fono ai énying a kòm ya kòm ése!

Langʼa Salmen 22:26 ai yalen a nsili hi:

Dzé o ne bò asu yi na o bi mbembe énying atarigi étoa dzi ai a kòm ya kòm ése?

OBALBAS

Kele osu ne wò bò na amvoé doé ai Yéhova a tòbò ngul abui, tongʼo fe minsongʼen mié ya nsisim. Éyòng té hm wò yi nying a kòm ya kòm ése!

Dzé bia baala

Dzé ya ve wò ndi na Yéhova a yi wò vòli na o bò nyè ésié ai mewog?
Akia afé o ne bò na amvoé doé ai Yéhova a tòbò ngul?
Akia afé minsongʼen mié mia yi wò vòli na o nang mfaa ya nsisim?

Nsongʼen ma yi tong a kui mbu wa zu

Langʼa bekalara Approchez-vous de Jéhovah ai “Viens, suis moi.” Bekalara beté ba yi wò vòli na o ke osu na wò nang mfaa ya nsisim o tòbò fe Ésia woé ya yob ai mbang Mòn woé babi abog ase.