LESONI 60
Mo Toso Tiko Ga
Ena nomu vuli tiko mai, e levu sara na ka o sa vulica me baleti Jiova. Na ka o vulica e uqeti iko mo lomani koya vakalevu, de dua o sa yalataki iko vua qai papitaiso. Ke sega, de dua o nanuma tiko mo qai cakava ena dua na gauna mai muri. Ia na nomu toso, ena sega ni lai yaco ga ena nomu papitaiso, o rawa ni toro volekati Jiova tiko ga me tawamudu. O na cakava vakacava?
1. Na cava mo vaqaqacotaka tiko ga kina nomu veiwekani kei Jiova?
E bibi meda vaqaqacotaka tiko ga noda veiwekani kei Jiova. Na vuna? “Meda kua vakadua kina ni ciri tani” mai vua. (Iperiu 2:1) Na cava ena vukei keda meda qaravi Jiova tiko ga ena yalodina? Qori nida ogaoga ena cakacaka vakavunau, da qai qara na sala meda qaravi koya kina mai vu ni lomada. (Wilika Filipai 3:16.) Na noda qaravi Jiova e bula vinaka duadua!—Same 84:10.
2. Cava tale meda cakava tiko ga?
Dina ni sa mai cava eke nomu vuli, ena vinakati tiko ga mo toso vakayalo. E tukuna na iVolatabu ni bibi meda “tokara na tamata vou.” (Efeso 4:23, 24) Ni o tomana tiko ga nomu vulica na Vosa ni Kalou qai tiko ena soqoni, o na vulica na ka vou me baleti Jiova kei na nona itovo. Saga mo vakatotomuria na nona itovo. Cakava tiko ga na veiveisau me vakamarautaki Jiova.
3. Ena vukei iko vakacava o Jiova mo toso?
E kaya na iVolatabu: “Ena qai vakacavara na Kalou na nona vakarautaki kemuni . . . ena vakataudeitaki kemuni, ena vakaukauataki kemuni, ena vakadeitaka na nomuni yavu.” (1 Pita 5:10) Eda na vakatovolei kece. Ia o Jiova ena vukei keda meda yalodina tiko ga. (Same 139:23, 24) E yalataka o Jiova ni na tokoni keda meda qaravi koya ena yalodina.—Wilika Filipai 2:13.
VAKEKELI
Dikeva na sala mo toso tiko ga kina, kei na nona vakalougatataki iko o Jiova.
4. Veivosaki tiko ga kei na nomu iTokani vinaka duadua
Na nomu dau masu kei na nomu vulica na iVolatabu ena vukei iko mo dua na itokani i Jiova. Ena vukei iko vakacava mo volekati Jiova tiko ga?
Wilika Same 62:8, qai veivosakitaka na taro qo:
-
O na vakavinakataka vakacava nomu ivakarau ni masu me qaqaco kina nomu veitokani kei Jiova?
Wilika Same 1:2 kei na ivakamacala e ra, qai veivosakitaka na taro qo:
-
O na vakavinakataka vakacava nomu wili iVolatabu me qaqaco kina nomu veitokani kei Jiova?
Na cava mo cakava me yaga kina na nomu vuli vakataki iko? Mo kila na ka mo cakava, sarava na VIDIO, qai veivosakitaka na taro tarava.
-
Na vakatutu cava ena vidio o rawa ni muria?
-
Na ulutaga cava o via vulica?
5. Sauva nomu isausau vakayalo
Ni tiko nomu isausau vakayalo, ena vukei iko mo toso tiko ga. Sarava na VIDIO, qai veivosakitaka na taro tarava.
-
Ena vidio, e yaga vakacava vei Cameron ni tiko nona isausau vakayalo?
Eda na sega ni rawa ni toki kece meda lai vunau ena dua na vanua. Ia eda rawa ni biuta eso na isausau lalai eda rawa ni sauva. Wilika Vosa Vakaibalebale 21:5, qai vakasamataka na isausau o via sauva ena . . .
-
ivavakoso.
-
cakacaka vakavunau.
Ena yaga vakacava na tikinivolatabu qori mo rawata kina na nomu isausau?
iSausau o rawa ni vakasamataka
-
Vakavinakataka nomu ivakarau ni masu.
-
Wilika tasevu na iVolatabu.
-
Mo kilai ira kece ena ivavakoso.
-
Me dua nomu vuli iVolatabu.
-
Mo painia veivuke se painia tudei.
-
Ke o dua na tagane papitaiso, saga mo dua na dauveiqaravi ni ivavakoso.
6. Marau me tawamudu!
Wilika Same 22:26, qai veivosakitaka na taro qo:
-
Na cava mo cakava mo marautaka kina na bula ena gauna qo me tawamudu?
KA O VULICA
Vaqaqacotaka tiko ga nomu veiwekani kei Jiova qai biuta eso nomu isausau vakayalo. O na marau kina me tawamudu!
Railesuvi
-
Na cava o nuidei kina ni na vukei iko o Jiova mo qaravi koya ena yalodina?
-
O na vaqaqacotaka vakacava nomu veitokani kei Jiova?
-
Ena vukea vakacava nomu toso ni tiko nomu isausau vakayalo?
IKURI
Na cava e mareqeta vakalevu o Jiova, na noda yalodina vua ena loma ni dua na gauna se yalodina ena veisiga?
E rawa ni seavu na nona marau e dua na dauveiqaravi yalodina i Jiova. Ia ena rawata tale vakacava?
O na rawata vakacava na nomu isausau vakayalo o sa biuta tu?
“Vakalagilagia na Dauveibuli ena Nomu iSausau Vakayalo” (Na Vale ni Vakatawa, 15 Julai, 2004)
Na cava e bibi kina mo dua na lotu vaKarisito matua? O na rawata vakacava?
“Meda Saga Meda Matua Vakayalo ni sa ‘Voleka Mai na Siga Levu i Jiova’” (Na Vale ni Vakatawa, 15 Me, 2009)
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
