REIREI 60
Teimatoa ni Kakorakoraa Am Iraorao ma Iehova
Rinanon te reirei n te Baibara aei, ko a atai ngkai baika bati ibukin Iehova. Ko a kairaki ni baike ko atai aikai bwa ko na rangi n tangiria, n te aro are ko a katabua iai maium ao ni bwabetito. Ngkana ko tuai karaoa anne, ma ko bae n iangoa karaoana nakon taai aika a na roko. Ma e aki toki kaanian Iehova ngkana ko a bwabetitoaki. Ko kona n teimatoa ni kaania Iehova n aki toki. N te aro raa?
1. E aera ngkai ko riai n teimatoa ni kakorakoraa am iraorao ma Iehova?
Ti riai ni kakorakoraira ni kateimatoa korakoran ara iraorao ma Iehova. Bukin tera? “Bwa ti aonga n aki betinako” mairouna. (Ebera 2:1) Tera ae e kona ni buokira bwa ti aonga n teimatoa ni kakaonimaki ni beku iroun Iehova? Ti kona ni katabetabeira n te mwakuri n uarongorongo ao ni kakaaei riki aanga ibukini kabatiaan riki ara tai ni beku iroun Atuara. (Wareka I-Biribi 3:16.) Te beku iroun Iehova bon te maiu ae te kabanea n tamaroa!—Taian Areru 84:10.
2. Tera riki ae ko riai ni kateimatoa karaoana?
E ngae ngke e a bane am reirei n te Baibara ngkai, ma ko na bon teimatoa ni maiuakina te maiu ni Kristian. E taekinaki n te Baibara bwa ti riai ni “karina te aroaro ae boou.” (I-Ebeto 4:23, 24) Ngkai ko teimatoa n reiakina Ana Taeka te Atua ao ni kaakaei bobotaki n taromauri, ane ko na nori baika boou ibukin Iehova ao aroarona. Kakaaei aanga aika ko na katotonga iai aroarona ni maium. Teimatoa ni karaoi bitaki aika kainnanoaki ibukini kakukureian Iehova.
3. E na kangaa ni buokiko Iehova bwa ko na ririkirake?
E kangai te Baibara: “E na katiaa kataneiaakimi te Atua. . . . E na kateimatoaingkami, e na kakorakoraingkami, ao e na kateingkami ni kaneneingkami n ami tabo.” (1 Betero 5:10) Ti bane ni kakaaitara ma kataaki. Ma e anganira Iehova baika ti kainnanoi bwa ti aonga n teimatoa ni korakora. (Taian Areru 139:23, 24) E berita bwa e na anganiko te nano ao te korakora ni beku irouna ma te kakaonimaki.—Wareka I-Biribi 2:13.
REIAKINA AE BATI RIKI
Noria bwa ko na kangaa n teimatoa ni kakorakoraa am iraorao ma Iehova ao arona ni kakabwaiako.
4. Teimatoa ni mamaroro ma Raoraom ni koaua
E buokiko te tataro ao te reirei n te Baibara n riki bwa raoraon Iehova. A na kangaa mwakuri akanne ni buokiko bwa ko na kaania riki?
Wareka Taian Areru 62:8, ao maroroakina te titiraki aei:
-
Ibukini kakorakoraan am iraorao ma Iehova, ko na kangaa ni kanakoraoa riki am tataro?
Wareka Taian Areru 1:2 ao te kabwarabwara mai nano, ao maroroakina te titiraki aei:
-
Ibukini kakorakoraan am iraorao ma Iehova, ko na kangaa ni kanakoraoa riki am wareware n te Baibara?
Ko na kangaa ni kakabwaiaaki ni karaoan am ukeuke n reirei n te Baibara i bon iroum? Ibukin noran iango tabeua, kaota te TAAMNEI, ao maroroakin titiraki aikai.
-
Baikara reirei n ibuobuoki man te taamnei aei ae ko kona ni maiuakin?
-
Baikara reirei aika ko kan ukeuke iai?
5. Katei tiam n te onimaki
E na korakora riki am iraorao ma Iehova ngkana ko katei tiam n te onimaki. Kaota te TAAMNEI, ao maroroakina te titiraki aei.
-
N aron ae oti n te taamnei, e kangaa Cameron ni kakabwaiaaki mani katean tiana n te onimaki?
Ti aki bane ni kona ni mwaing nakon te aba teuana ao n uarongorongo iai. Ma e ngae n anne, ti bane ni kona ni katei tiara aika ti kona ni karaoi. Wareka Taeka N Rabakau 21:5, ao iaiangoi tiam aika ko kani katei . . .
-
n te ekaretia.
-
n te mwakuri ni minita.
E kangaa ni buokiko te boto n reirei n te kibu aei bwa ko na roko n tiam?
Tiia aika ko kona n iaiangoi
-
Kanakoraoa riki am tataro.
-
Wareka kanoan te Baibara ni kabane.
-
Kinaia riki kaain am ekaretia ni kabane.
-
Moana ao kaira te reirei n te Baibara.
-
Beeku bwa te bwaiania ae e aki katoatai ke te bwaiania ae katoatai.
-
Ngkana te tari te mwaane ngkoe, uaiakina te riki bwa te tabonibai.
6. Kukurei n aki toki!
Wareka Taian Areru 22:26, ao maroroakina te titiraki aei:
-
Tera ae ko kona ni karaoia bwa ko aonga ni kukurei ngkai ao n aki toki?
KAKIMOTOTOANA
Teimatoa ni kakorakoraa am iraorao ma Iehova ao katei tiam n te onimaki. Ngkanne ko a kona naba ni kukurei n aki toki!
Kauring
-
E aera ngkai ko kakoauaa raoi bwa e na boni buokiko Iehova bwa ko na beku irouna ma te kakaonimaki?
-
Ko na kangaa ni kakorakoraa am iraorao ma Iehova?
-
E na kangaa ni korakora am iraorao ma Iehova ngkana ko katei tiam n te onimaki?
NORI NABA AIKAI
Tera riki ae kakawaki iroun Iehova, ara kakaonimaki nakoina n tii te taina ke ara kakaonimaki nakoina ni katoabong?
E kona naba ana toro Iehova ae kakaonimaki ni kabuaa kimwareireina. Nora aroni manga kaokana.
Kaoka Kimwareireim Rinanon te Ukeuke n Reirei ao Kananoan Am Iango (5:25)
E aera ngkai e kakawaki te ikawai n te onimaki, ao ko na kangaa ni karekea?
“Buuti n Roko n te Aro ae Kam na Ikawai iai—‘Bwa E a Kaan Ana Bong Iehova’” (Te Taua-n-Tantani, Mei 1, 2009)