Ə́ wɔ Biblə kalanŋaa ŋɛi hu, yaa mɛni tamaa kɔlɔn yɛ hwilɛn na Zehova ɓa. Mɛniɠaa yaa maakwɛli daa kiɛ Zehova ŋɔ wɛlikɛmaa lɔ ə́ nii hu, yaa ə́ kpɔɔ tɛɛ bɔ hwɛliwoo hu ə lɛɛ daa ə́ batiisə. Akɛ hó nii mɛniɠaa tii kɛ li ə́ kaa kiɛ ə́ kiliŋahiɛi mɛniɠaa tii kɛ mɛni ɓa lowai hukpua yee mu. Kəlaa ə́ tɛ mɛni tɔwɔ ə́ wɔ Yálá mɛni hu kpəla ɉii hwaa ə́ wɔ batɛɛmu həɠɛɛ pulu. Ə́ wɔ batɛɛmu həɠɛɛ pulu ya pɛli ə́ lɛɛ lɔ ma yɛ́ ə́ maalɛɠɛ Zehova ɓa. Ya pɛli yili kɛi ləi ?

1. Lə mɛni ɓa maanɛɛ ə lɛɛ lɔ ma yɛ́ ka Zehova ka wɔ ɓəlan naa huwala-wala ?

Maanɛɛ gu mɛni kəlee kɛ ə gɛ gu lɛɛ lɔ ma guɔ gu wɔ ɓəlan naa huwala-wala gwa Zehova ni. Lə mɛni ɓa ? Ə gɛ gu ho pa gu “ maakwea Yálá hulúmaa ɓa ” (Hebreu 3:12). Lə ɓə pai kpɔnmaa tɛɛ gu pɔ gu lɛɛ a gu təlimoɔ Zehova ɓa ? Maanɛɛ gu lowai kɛnɛ həɠə guɔ Yálá Lawoo laahəli, ə lɛɛ gu kpaalə takpɛliɠaa kwɛli diɛi da pɛli kpɔnmaa tɛɛ gu pɔ guɔ pɛli kóló kɛi Zehova ɓa kpɔ kɛnɛ (Filipə 3:​16 ɓo). Zehova batoɔ ɓə gaa a yɛnɛɛ yii bo pələ lɛlɛɛ (Maatɛnɛ 84:10).

2. Mɛni takpɛli ləkɛɛ ɓə maanɛɛ ə lɛɛ lɔ ma yɛ́ gɛ ?

Ə́ wɔ Biblə kalanŋaa kpɛɛ hiɛ katii kəlaa yaamun ə́ wɔ kilistalon ɲii kɛɛ lɔ gɔwɔtɔɔi katii. Biblə a kɛ ma, maanɛɛ “ ká lɔ nu ninɛ kɔlɔ hu ” (Efɛsə 4:​23, 24). Ya kɛ lɔ ma yɛ́ Yálá Lawoo kalan ə lɛɛ yɛ́ li ŋaakpɔnŋaa diɛ, ə́ kaa pai mɛni lɛlɛɛ maakwɛlii yɛ hwilɛn na Zehova ɓa da duwɔ pələɠaa. Pələi ya pɛli Zehova pɔɔkɔɔn ɉii la ə́ wɔ yɛnɛɛ hu kpaaləɠaa kwɛli yɛ́ pɛli da pɛlɛi ma. Kɛ́ lɔ ma yɛ́ ə́ túwɔ́ pələɠaa maahwalən ə gɛ Zehova kwəi ə kɛ a nɛɛ ə́ pɔ.

3. Zehova a pɛli kpɔnmaa tɛɛ ləi ə́ pɔ ə́ tɛ tɔwɔ ?

Biblə kaa kɛi ma : “ Yálá [...] kpinii ɓə a ka maamɛni laahwɛɛ, ə ka huwala-wala, ə ka hwaŋalɔ da ka tɔɔ Nawoo hu kpaan ” (Piɛrə dɔlɔɔ 5:​10 Ɉɛɓɛ yili ninɛ). Ɲaahɛn mɛni a kɛ həlii gu kəlee tɛi-tɛi guɔ ə gɛ gu mɛniɲɔn gɛ. Kəlaa yii kpɔ gu maakpaan gaa ma guɔ pɛli tɔɔi mɛniɠaa tii hu kpɔ kpaan Zehova a dɛɛ gu pɔ. (Maatɛnɛ 139:​23, 24). Aa mo yɛ ma gaa pai nii ɓa mɛni kɛ lii da gɛ hwaŋa tɛɛ ə́ pɔ yɛ́ pɛli tii ma a təlimolaa (Filipə 2:​13 ɓo).

 Ə́ WƆ MƐNIKƆLƆŊAA TA PƐLƐ MA

4. Ka ə́ ɓəlan mun neelee Zehova ka kɛ lɔ ma kaa lono kɛ

Hwɛliɓo kɛɛ da Biblə kalanŋaa daa kpɔnmaa tɛɛ ə́ pɔ yaa kɛ a Zehova məlan. Lə ɓə ya pɛli gɛi ə gɛ mɛniɠaa tii di kɛ lɔ ma diɛ kpɔnmaa tɛɛ ə́ pɔ yɛ́ ə́ maalɛɠɛ Zehova ɓa a yələ kəlee ?

Maatɛnɛ 62:9 ɓo [62:​8, NWT] ə lɛɛ ka lono kɛ gɛɛmaalən ŋɛi mɛi :

• Ya pɛli ə́ wɔ hwɛliwoo lɛlɛ yee ta pɛlɛi ləi ma ə gɛ ka Zehova ka wɔ ɓəlannaa hu ə wala-wala ?

Maatɛnɛ 1:2 ɓo, ə lɛɛ ka lono kɛ gɛɛmaalən ŋɛi mɛi :

• Ya pɛli ə́ wɔ Biblə ɓoɔ lɛlɛ yee ta pɛlɛi ləi ma ə gɛ ka Zehova ka wɔ ɓəlannaa hu ə́ wala-wala ?

Lə ɓə ya pɛli gɛi yɛ́ pɛli ə́ wɔ tɔnɔ kalan dɔnɔ kulɔi kpɔ a neelee ? Mɛniɠaa ya pɛli gɛi ə gɛ ə́ daɠaa kaa VIDIO kaa, ə lɛɛ ka lono kɛ gɛɛmaalənŋaa ŋɛi mɛi.

• Mɛniɠaa di mo vidio hu nɛlɛ ɓə ya pɛli bɔ mɛni kɛi ?

• Mɛni ləkɛɛɠaa ɓə ə́ kaa bɔ ə́ di kalan ?

 YII GU GALAN

Lɛɛ lɔ ma yɛ́ ka Zehova ka wɔ nɛɛlaa huwala-wala, ə lɛɛ ə́ mɛniɠaa hee gbaŋa yii ya pɛli gɛi ə́ wɔ Yálá mɛni hu. Ya gɛ tii ya pɛli yiipoo yii kpɛɛ ho ma hɔlɔɓoi !

Nɛɛ ə́ kili pɔ

• Lə mɛni ɓa ya pɛli laana yɛ́ ma Zehova kaa pai kpɔnmaa tɛɛi ə́ pɔ, yɛ́ pɛli lɛɛi nwoo mu a təlimolaa ?

• Ya pɛli ka Zehova ka wɔ ɓəlannaa huwala-walai ləi ?

• Mɛniɠaa yaa ɉəɠə ɉu ə́ wɔ Yálá mɛni hu a kpɔnmaa tɛɛ ləi ə́ pɔ ə́ tɛ tɔwɔ ?