ODHEAI 60
Vaddavoll Korit Ravat
Hea pustokachea adaran tumi Jehova vixim zaitem xikonk pavleant. Ani taka lagon tumi tumchem jivit taka somorpit korun bautizm ghetla astolo vo tumi beginuch bautizm gheunk chintlam astolem. Punn uprant kitem? Bautizm ghetlea uprant pasun tumi Jehova lagim tumchi ixttagot anikui ghott korunk zata. Koxi ti ami zannam zaum-ia.
1. Jehova lagim ami amchi ixttagot kiteak ghott korit ravonk zai?
Jehova thaun “ami kednanch koddsoron vochona zaunk” tache lagim amchi ixttagot ami ghott korit ravonk zai. (Hebrevank 2:1) Hem ami koxem korunk zata? Ami porgottnnechem kam korit ravonk zai ani toxench, Jehovache sevent anik vavr korunk veg-veglleo vatto uzar korunk zai. (Filipkarank 3:16 vachat.) Hoi, Jehovache sevent amchem jivit uzar korop kitlem borem zaun asa! Ani hachea bhair amkam anik khoincheach kamant chodd khuxalkai mellona.—Stotr 84:10.
2. Jehova lagim amchi ixttagot vaddounk ami anik kitem korunk zai?
Amchem hem pustok xikon somptolem. Punn, Bible sangta, “novi vagnnuk apnnaiat.” (Efezkarank 4:23, 24) Tor, ami amchea jivitant bodlav korit ravonk zai. Tumi Devachem utor xiktat toxim ani mittingek hajir zait ravtat toxim, tumi Jehova vixim zaitem xikonk pavtolim ani tachea gunnam vixim zannam zatolim. Tor, he gunn tumi tumchea jivitant koxe apnnaunk zatat? Tacheo vatto sodhat ani Jehovak khuxal korunk goroz te bodlav korit ravat.
3. Aplea lagim ixttagot ghott korunk Jehova tumkam koso modot kortolo?
Amkam sogleank tallnneo ietat. Punn teo pois korunk Jehova amkam modot korta. (Stotr 139:23, 24) Karonn tachi seva visvaxiponnan korunk to amkam itsa ani xokti ditolo mhunn bhasaita. (Filipkarank 2:13 vachat.) Toxench, Bible sangta: “Dev tumchem proxikxonn purnn kortolo . . . To tumkam ghott kortolo, xoktivont kortolo, ani thir ubim ravonk modot kortolo.”—1 Pedru 5:10
KHOLAIEN XIKAT
Jehovache sevent vaddavoll korit ravonk tumkam koxi modot zaunk xokta? Ani tumi toxem kortat tednam to tumkam koslim besanvam ditolo tem zannam zaiat.
4. Jehova lagim uloiat ani tachem aikat
Magnnem korun ani Bible-acho obheas korun tumkam Jehovache ixtt zaunk modot zali. Heach vorvim tumkam tachea anikui lagim soronk koxi modot zaunk xokta?
Stotr 62:8 vachun sokol dilʼlea prosnacho zobab zannam zaum-ia:
-
Jehova lagim tumchi ixttagot ghott korunk, tumi anikui bore toren magnnem koxem korunk zata?
Stotr 1:2 vachun sokol dilʼlea prosnacho zobab zannam zaum-ia:
-
Jehova lagim tumchi ixttagot ghott korunk, tumi tumchem Bible vachop anikui bore toren koxem korunk zata?
Tumchea svotachea Bible obheasa thaun anik faido mellonk tumi kitem korunk zata? Hem zannam zaunk, VIDEO polloiat ani uprant sokol dilʼlea prosnanche zobab zannam zaum-ia:
-
Video-nt dakhoilʼleo khoincheo suchounneo tumi tumchea jivitant lagu korunk sodhtat?
-
Tumi khoinchea vixoi-acher anik kholaien obheas korunk sodhtat?
5. Jehovache sevent dhei dovrat
Jehovache sevent dhei dovorlolean vaddavoll korit ravonk amkam modot zatoli. VIDEO polloun sokol dilʼlea prosnacho zobab zannam zaum-ia.
-
Jehovache sevent dhei dovorlolean bhoinn Cameron-ak koso faido zalo?
Ami soglim dusrea desant vochon porgottnni korunk xokonant. Punn, amche lagim melloun gheunk zatat tosle dhei ami dovrunk zatat. Mhonnʼnneo 21:5 vachun sokol dilʼlea prosnanche zobab zannam zaum-ia:
-
Sobhent seva korunk tumi kosle dhei dovrunk zatat?
-
Porgottnnechea kamant tumi kosle dhei dovrunk zatat?
Tumcho dhei melloun gheunk hea versant dilolem totv tumkam koxem modot korunk xokta?
Tumi he dhei dovorchea vixim chintunk zata
-
Anik bore toren magnnem korat.
-
Akʼkho Bible vachat.
-
Sobhent sogleanchi bori vollokh korun gheiat.
-
Ek Bible obheas suru korat.
-
Sahaiok pioneer vo neamit pioneer seva korat.
-
Tumi ek bhav zalear sobhecho sevok zaunk fuddem sorat.
6. Sasnak khuxalkaien jieiat!
Stotr 22:26 vachun sokol dilʼlea prosnacho zobab zannam zaum-ia:
-
Atam ani sasnak khuxalkaien jieunk tumi kitem korunk zata?
KITEM XIKLIM
Jehova sangata tumchi ixttagot ghott korit ravat ani tache sevent dhei dovrat. Tednam tumi sasnak khuxalkaien jieunk pavtolim!
Porot Ugddas Korum-ia
-
Apli seva visvaxiponnan korunk Jehova tumkam modot kortolo mhunn tumi kiteak khatri dovrunk zata?
-
Jehova lagim ixttagot ghott korunk tumi kitem korunk zata?
-
Jehovache sevent dhei dovorlolean tumkam vaddavoll korunk koxi modot zaunk xokta?
ANIK SODHAT
Jehova kitem valorachem mhunn lekhta—Ami ekuch pavtt taka visvaxiponn dakhoilʼlem vo dor disa taka visvaxi ravlolim?
Jehovachim visvaxi sevokam thodde pavtti apli khuxalkai hogddaunk xoktat. Punn porot tim koxim khuxal zaunk xoktat?
Obheas Ani Niall Korun Tumi Tumchi Khuxalkai Porot Melloun Gheiat (5:25)
Tumi Jehovache sevent kosle dhei dovrunk zatat ani te koxe melloun gheunk zatat?
“Tumchea Dhei-a Udexim Tumchea Rochnnar Devak Mhoima Haddat” (Watchtower, July 15, 2004)
Eka Kristanvan sotant ghott asop kiteak gorjechem, ani hem tannem koxem korunk zata?
“Sotant Ghott Zaiat—‘Jehovacho Vhodd Dis Lagim Asa’” (The Watchtower, May 15, 2009)
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
