Ko kúrso de la Bíbliape reaprendéma hetaiterei mbaʼe Jehovágui, ha katuete rehayhueterei chupe reaprende rire koʼã mbaʼe. Upévare ikatu voi oime reñemeʼẽma raʼe chupe ha rejevautisa. Ha oiméramo nahániri, oiméne repensáma hína rejapóvo upéva koʼẽrõite. Péro, ¿ndépa ndereipotái Jehovápe ne amigorã pára siémpre? Oiméramo upéicha, ¿mbaʼéichapa ikatu resegi reñemoag̃ui hese? Jahechamína.

1. ¿Mbaʼérepa iñimportánte esegi eñemoag̃ui Jehováre?

Ñañehaʼãmbaitémante vaʼerã jasegi hag̃ua ñañemoag̃ui Jehováre. ¿Mbaʼérepa iñimportánte upéva? “Ani hag̃ua núnka jajei tape porãgui” ha ñañemomombyry chugui (Hebreos 2:1). ¿Mbaʼépa ñanepytyvõta jasegi hag̃ua ñandefiél Jehovápe ha jaadora chupe? Ñañehaʼã vaʼerã japredika meme ha jajapo opa ikatúva Jehovápe g̃uarã (elee Filipenses 3:16). Javyʼaiterei ningo jaservívo Jehovápe, ¡ha ndaipóri voi ótra kósa iporãvéva upévagui! (Salmo 84:10).

2. ¿Mbaʼépa nde resegi vaʼerã rejapo?

Ko kúrso de la Biblia ningo og̃uahẽma ohóvo huʼãme, péro oĩ gueteri heta mbaʼe ikatúva reaprende ha rejapo. La Biblia heʼi voi: “Pemonde vaʼerã peteĩ aóicha pe kondúkta pyahu” (Efesios 4:23, 24). Esegíkena estudia Ñandejára Ñeʼẽ ha eho meme rreunionhápe. Upéicha eaprendéta heta mbaʼe pyahu Jehovágui ha umi kualida porãite haʼe orekóvagui. Eñehaʼãmbaitékena avei esegi hag̃ua iñehémplo opa mbaʼépe. Ha tekotevẽramo ekambiáiti embovyʼa hag̃ua Jehovápe, ¡ejapókena upéva!

3. ¿Mbaʼéichapa Jehová voi nepytyvõta resegi hag̃ua reñemoag̃ui hese?

La Biblia heʼi: “[Ñandejára] omohuʼãta pene entrenamiénto. Haʼe penemombaretéta ha penepytyvõta pesegi hag̃ua pendefiél ha pejepytaso mbarete hag̃ua” (1 Pedro 5:10). Enterovévape ningo oñepresentátante voi umi tentasión, péro Jehová ñanemombaretéta ñaaguanta hag̃ua umíva (Salmo 139:23, 24). Haʼe opromete voi omeʼẽtaha ndéve pe deséo ha pe podér resegi hag̃ua ndefiél chupe (elee Filipenses 2:13).

 EJEPYʼAMONGETAMÍNA

4. Esegíkena eñeʼẽ Jehovándi ha ehendu chupe

Ndehegui ningo oikóma Jehová amígo reñemboʼe rupi chupe ha restudia rupi la Biblia. ¿Mbaʼéichapa koʼã mbaʼe nepytyvõta resegi hag̃ua reñemoag̃ui hese?

Elee Salmo 62:8, ha upéi erresponde ko porandu:

• Emehoráramo eñemboʼe lája ikatúta eñemoag̃uive Jehováre, ¿mbaʼéichapa ikatu rejapo upéva?

Elee Salmo 1:2, ha upéi erresponde ko porandu:

• Emehoráramo elee lája la Biblia ikatúta eñemoag̃uive Jehováre, ¿mbaʼéichapa ikatu rejapo upéva?

¿Mbaʼépa ikatu rejapo ideprovechove hag̃ua ndéve nde estúdio personál? Jahechamína unos kuánto suherénsia. Ehecha pe VIDÉO, ha upéi erresponde koʼã porandu:

• ¿Mavaitévapa umi suherénsia ehecha vaʼekuégui ikatu esegi?

• ¿Mbaʼe témapa eanalisase nde estúdio personálpe?

 RRESÚMEN

Esegíkena eñemoag̃uive Jehováre ha emoĩ méta iservísiope, péicha ikatúta eiko vyʼápe pára siémpre.

Rrepáso

• ¿Mbaʼérepa ikatu reime segúro Jehová nepytyvõtaha eservi hag̃ua chupe fiélmente?

• ¿Mbaʼéichapa ikatu eñemoag̃uive Jehováre?

• ¿Mbaʼéichapa nepytyvõta eñemoag̃uive hag̃ua Jehováre remoĩramo méta iservísiope?