ZASEŊƆ 60
Kɔ’ɔn Nyɛta Nɛŋa Tɔlega
Ho Baabule zamesegɔ wa poan, ho zamesɛ Yehowa yɛla zo’e zo’e mɛ. Yelese’a ti ho zamesɛ la basɛ ti ho nɔŋɛ en mɛ paa n sɔi ti daanse’ere ho kã homea bo en ge muse ko’om la. Ho san nan ka muse ko’om, daanse’ere ho ti’iseri la ho muse ko’om beere sa’am. Ho san muse ko’om ba’asɛ, la nari ti ho kelum nyɛta nɛŋa tɔlega. Ho wan ta’an kelum vuregera du’ura Yehowa daarewoo. Wani wani?
1. Beni n sɔi ti la nara ti ho kelum basɛ ti hon la Yehowa zɔtɔ nyɔka la kpe’em?
To nari ti to tiregɛ ti tomam la Yehowa zɔtɔ nyɔka la kpe’em. Bem zuo? “La wan eŋɛ se’em ti to da makɛ vurege fɔregɛ” a zɛ’an. (Hebru 2:1) Bem n wan soŋɛ tɔ ti to kelum tara sakerɛ pu’usa Yehowa? To ta’an tuulegera na’am mɔɔlegɔ tuuma la poan ge kelum bisɛ to wan ta’an eŋɛ se’em pu’usa to Naayinɛ la to paŋa za’a. (Kaalɛ Filipi 3:16.) To san pu’usa Yehowa, bala n de yelesonɛ n gani za’a to vom poan!—Yooma 84:10.
2. Bem n nari ti ho le ita pa’asa?
La boi bim ti ho Baabule zamesegɔ wa ba’aseri mɛ n bala ge ho yeti ho kelum dɛna la Kristabia kɔ’ɔn yɛ’ɛsa. Baabule la yeti to nari ti to “yɛ halepaalega la.” (Epesus 4:23, 24) Ho san kelum zamesa Naayinɛ Yetɔɣum ge kena tansugere zamesegɔ, la wani basɛ ti ho zamesɛ Yehowa yɛla la a hala la pa’asɛ. Bisɛ hon wan eŋɛ se’em ta’an tɔɣesa Yehowa hala la soŋa soŋa ho vom poan. Kelum tiregɛ ita teere, la wan eŋɛ se’em ti Yehowa puurɛ pee.
3. Yehowa wan soŋɛ ho la wani ti ho ta’an tara bɔnsoŋa la en?
Baabule la yeti: “Naayinɛ . . . wan kumesɛ ya ba’asɛ. A wan basɛ ti ya kpe’em, a wan bo ya paŋa, a wan basɛ ti ya zɛ’a kankaŋi.” (1 Peter 5:10) Gurebisɛ paari to za’a mɛ. Ge Yehowa bo to la sɛla n wan soŋɛ tɔ ti to ta’an ŋmibe de poan. (Yooma 139:23, 24) A pu’ulumbiŋe ti a wan bo ho paŋa la sakerɛ ti ho bɔta ti ho pu’usa en la ho suure za’a.—Kaalɛ Filipi 2:13.
VIISƐ PA’ASƐ
Bisɛ hon wan eŋɛ se’em kɔ’ɔn tara bɔnsoŋa la Yehowa ge bisɛ eŋa n wan kã bo ho se’em.
4. Kɔ’ɔn naɛ la ho Zɔsonkɔ la sɔsa
Zusega la Baabule zamesegɔ soŋɛ ho mɛ ti ho dɛna Yehowa zɔ. Yele ana wa wan soŋɛ ho la wani ti ho malum vurege du en?
Kaalɛ Yooma 62:8 ge nyaa sɔsɛ sokere wa:
-
Ho san bɔta ti hon la Yehowa zɔtɔ nyɔka la kpe’em, ho wan eŋɛ la wani ti ho zusega la tara paŋa?
Kaalɛ Yooma 1:2 ge nyaa sɔsɛ sokere wa:
-
Ho san bɔta ti hon la Yehowa zɔtɔ nyɔka la kpe’em, ho wan eŋɛ la wani ti ho Baabule kaalegɔ la ana soŋa?
Hon wan eŋɛ la wani nyɛta nɛŋa tɔlega homea zamesegɔ poan? Ho san ɛɛra ho nyɛ yɛla pa’asɛ, ŋmɛ VIDIYO la ge nyaa sɔsɛ sokere ana wa:
-
Bem yɛla n boi vidiyo la poan ti hon wan ta’an dekɛ tum tuuma?
-
Bem yɛla ti hon wan bɔta ti ho zamesɛ?
5. Loe vo’osum poan yɛla ti ho wan bɔta ti ho tum
Ho san loe vo’osum poan yɛla Yehowa pu’usegɔ poan tuna, la wan basɛ ti ho nyɛta nɛŋa tɔlega. Ŋmɛ VIDIYO la ge nyaa sɔsɛ sokere wa:
-
Vidiyo la poan la, Cameron nyɛ nyuurɔ la wani la eŋa n loe vo’osum poan yɛla ti a eŋɛ la?
Daɣɛ nɛra woo n wan nyaŋɛ keŋɛ satiŋa ta mɔɔla. Ge to za’a waabi ta’an loe sɛla n makɛ tum. Kaalɛ Magaha 21:5 ge nyaa ti’isɛ bisɛ bem yɛla ti hon wan loe eŋɛ . . .
-
tansugere la poan.
-
na’am mɔɔlegɔ tuuma la poan.
Naresum yele la n boi kaalegɔ la poan la wan soŋɛ ho la wani ti ho ta’an tum hon loe yelese’a ti ho tum la?
Ti’isɛ vo’osum poan yɛla wa bisɛ
-
Basɛ ti ho zusega tara paŋa.
-
Kaalɛ Baabule la za’a.
-
Tiregɛ baŋɛ sɛba za’a n boi ya tansugere la poan la.
-
Pɔsɛ zamesa nɛra Baabule la.
-
Dekɛ homea pa’asɛ sore ŋmɛ’a soŋerɛ tuuma bii daarewoo sore ŋmɛ’a tuuma la poan.
-
Ho san dɛna mabiburaa, kumesɛ homea ta’an dɛna keendoma soŋeredaana.
6. Tara vom somɔ daarewoo!
Kaalɛ Yooma 22:26 ge nyaa sɔsɛ sokere wa:
-
Ho wan eŋɛ la wani ta’an tara vom somɔ nananawa kɔ’ɔn yɛ’ɛsa?
YELEKPINE
Kɔ’ɔn basɛ ti hon la Yehowa zɔtɔ nyɔka la kpe’em ge me loe vo’osum poan yɛla ti ho wan ta’an tum. Bala wan basɛ ti ho tara vom somɔ daarewoo!
Tiisegɔ Sokere
-
Beni n sɔi ti hon tara suure lua ti Yehowa wan soŋɛ hɔ ti ho tara sakerɛ pu’usa en?
-
Hon wan eŋɛ la wani ti hon la Yehowa zɔtɔ nyɔka la kpe’em?
-
Sore kani poan ti ho san tara vo’osum poan yɛla, la wan soŋɛ hɔ ti ho nyɛta nɛŋa tɔlega?
Ɛ BISƐ
Yehowa boti la bem, la dela nɛra n kɔ’ɔn tum yelekãtɛ buyina bo en bii nɛra n tari yelemɛŋɛrɛ bɔ’ɔra en a vom za’a?
Hali Yehowa sakerɛ yameŋa ta’an kan le tara pupeelum. Bisɛ hon wan eŋɛ se’em ta’an le nyɛ dɛ.
Ho wan eŋɛ la wani ta’an loe vo’osum poan yɛla biŋe ta’an tuna?
“Tuna Vo’osum Poan Tuuma Ta’an Na’asa Ho Naaŋɔdaana La” (The Watchtower, July 15, 2004)
Beni n sɔi ti la yele pakɛ ti Kristabia kumesɛ amea ge ho wan eŋɛ la wani ta’an kumesɛ homea?
“Kɔ’ɔn Bĩ Vo’osum Poan—‘Yehowa Dabesekãtɛ La Pɔ̃ri Mɛ’” (The Watchtower, May 15, 2009)
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
