LEKSION 60
Padayon nga Mag-uswag
Sa sini nga pagtuon sa Biblia, sigurado nga madamo ka na sing natun-an parte kay Jehova. Bangod sini, ginpalangga mo pa gid sia kag mahimo gindedikar mo na ang imo kaugalingon sa iya kag nagpabawtismo. Kon wala pa, mahimo may plano ka na nga himuon ini. Pero bisan pa nabawtismuhan ka na, indi lang dira asta ang imo pag-uswag. May puede ka pa himuon para mangin malapit kay Jehova sing wala katapusan. Hibaluon naton kon ano ini.
1. Ngaa dapat padayon mo nga pabakuron ang imo pagpakig-abyan kay Jehova?
Dapat tinguhaan gid naton nga padayon nga pabakuron ang aton pagpakig-abyan kay Jehova. Ngaa? “Agod indi gid kita maanod palayo” sa iya. (Hebreo 2:1) Ano ang makabulig sa aton para padayon kita nga makaalagad kay Jehova sing matutom? Mangin masako sa pagbantala kag sa iban pa nga paagi nga maalagad naton ang Dios sing bug-os. (Basaha ang Filipos 3:16.) Ang pag-alagad kay Jehova amo ang pinakamaayo nga mahimo naton sa aton kabuhi!—Salmo 84:10.
2. Ano pa ang padayon mo nga himuon?
Bisan manugtapos na ini nga pagtuon, ang imo pagkabuhi bilang Cristiano magapadayon. Ang Biblia nagasiling nga dapat naton “isuklob ang bag-o nga personalidad.” (Efeso 4:23, 24) Samtang padayon ka nga nagatuon sa Pulong sang Dios kag nagatambong sa mga miting sang kongregasyon, madamo ka pa sing matun-an parte kay Jehova kag sa iya mga kinaiya. Hibalua kon paano mo pa gid mailog ang iya mga kinaiya. Padayon nga maghimo sing mga pagbag-o para mapalipay si Jehova.
3. Paano ka buligan ni Jehova nga mag-uswag?
Ang Biblia nagasiling: ‘Ang Dios magatapos sang imo paghanas. Pabaskugon ka niya, pabakuron ka niya, kag lig-unon sing maayo.’ (1 Pedro 5:10) Tanan kita makaatubang sing pagsulay. Pero buligan kita ni Jehova nga mabatuan ini. (Salmo 139:23, 24) Nagpromisa sia nga hatagan ka niya sang handum kag kusog para maalagad mo sia sing matutom.—Basaha ang Filipos 2:13.
USISAA PA GID
Usisaon naton kon ano ang himuon mo para padayon ka nga mag-uswag kag kon paano ka pakamaayuhon ni Jehova.
4. Padayon nga makigkomunikar sa imo pinakamaayo nga Abyan
Ang pangamuyo kag pagtuon sa Biblia nakabulig sa imo nga mangin abyan ni Jehova. Paano ini makabulig sa imo nga mangin malapit pa gid sa iya?
Basaha ang Salmo 62:8, dayon binagbinaga ini nga pamangkot:
-
Para mapabakod mo ang imo pagpakig-abyan kay Jehova, paano mo mapauswag ang imo mga pangamuyo?
Basaha ang Salmo 1:2 kag footnote, dayon binagbinaga ini nga pamangkot:
-
Para mapabakod mo ang imo pagpakig-abyan kay Jehova, paano mo mapauswag ang imo pagbasa sa Biblia?
Ano ang himuon mo para makabenepisyo ka pa gid sa imo personal nga pagtuon? Tan-awa ang video para mabal-an mo ang pila ka paagi, dayon binagbinaga ang masunod nga mga pamangkot.
-
Sa video, ano nga mga suhestyon ang puede mo himuon?
-
Ano nga mga topiko ang gusto mo tun-an?
5. Maghimo sing espirituwal nga mga tulumuron
Kon may tulumuron ka sa pag-alagad kay Jehova, magabulig ini sa imo nga padayon nga mag-uswag. Tan-awa ang VIDEO, dayon binagbinaga ang masunod nga pamangkot.
-
Sa video, ano ang nabenepisyo ni Cameron kay naghimo sia sing espirituwal nga mga tulumuron?
Indi tanan makabantala sa iban nga lugar. Pero tanan kita makahimo sing mga tulumuron nga masarangan naton lab-uton. Basaha ang Hulubaton 21:5, dayon binagbinaga kon ano nga mga tulumuron ang gusto mo himuon sa . . .
-
kongregasyon.
-
ministeryo.
Paano ang prinsipio sa sini nga bersikulo makabulig sa imo nga malab-ot ang imo mga tulumuron?
Ang puede mo himuon nga tulumuron
-
Pauswagon ang imo mga pangamuyo.
-
Basahon ang bilog nga Biblia.
-
Kilalahon ang tanan sa inyo kongregasyon.
-
Mangita sang Bible study.
-
Mag-alagad bilang auxiliary payunir ukon regular payunir.
-
Kon brother ka, puede mo tinguhaan nga mangin ministeryal nga alagad.
6. Magkabuhi sing wala katapusan!
Basaha ang Salmo 22:26, dayon binagbinaga ini nga pamangkot:
-
Ano ang himuon mo para mangin malipayon ang imo kabuhi subong asta sa wala sing katapusan?
SUMARYO
Padayon nga pabakura ang imo pagpakig-abyan kay Jehova kag maghimo sing espirituwal nga mga tulumuron. Paagi sini, mangin malipayon ang imo kabuhi subong asta sa wala sing katapusan!
Rebyu
-
Ngaa makasigurado ka nga buligan ka ni Jehova para maalagad mo sia sing matutom?
-
Paano mo mapabakod ang imo pagpakig-abyan kay Jehova?
-
Paano ang paghimo sing espirituwal nga mga tulumuron makabulig sa imo nga mag-uswag?
DUGANG NGA IMPORMASYON
Ano ang mas ginapabaloran ni Jehova—isa ka tumalagsahon nga pagpakita sang pagtuo ukon mangin matutom sa iya sa bilog mo nga kabuhi?
Bisan ang matutom nga alagad ni Jehova mahimo madulaan sing kalipay. Hibalua kon paano ini mabalik.
Ibalik ang Kalipay Paagi sa Pagtuon kag Pagpamalandong (5:25)
Paano ka makahimo sing espirituwal nga mga tulumuron kag malab-ot ini?
Ngaa importante nga mangin hamtong ang isa ka Cristiano, kag paano ka mangin hamtong?
Basi Manamian Ka Man
MGA PIRME GINAPAMANGKOT
Ano ang Pagtuon sa Biblia nga Ginatanyag sang mga Saksi ni Jehova?
Ang interactive nga programa nga ginatanyag sang mga Saksi ni Jehova libre lang, kag puede mo gamiton ang bisan ano nga translation sang Biblia nga gusto mo. Mahimo mo man hagaron ang imo bilog nga pamilya ukon ang bisan sin-o nimo nga abyan nga mag-upod sa imo.
