LEKSION 60
Itulu-tuloy nga Paladdan i Pakikkofummu Kani Jehova
Aru ngana i nagigiammum meyannung kani Jehova taw nga libru. Megafu tatun, inaya mu yayya anna awayyana nga napaguyu ka nga maddedika anna mappabawtiso. Nu ariammu paga nga nakua yatun, awayyana nga nononopammu i maddedika anna mappabawtiso ta mappange. Kabalin na bawtismom, itulu-tuloy mu nga paladdan i pakikkofummu kani Jehova. Awayyam nga itulu-tuloy nga mabbalin tu mas madukko kani Jehova adde ta mannanayun. Kunnasi?
1. Ngatta mawag nga itulu-tuloy tam nga paladdan i pakikkofuttam kani Jehova?
Mawag nga ikagumattam nga mas paladdan i pakikkofuttam kani Jehova. Ngatta? “Tapenu ari ittam nga meyawawan.” (Hebreo 2:1) Anni i makoffun nittam nga itulu-tuloy i matalo nga passerbi tam kani Jehova? Awayya tam nga mabbalin tu okupadu ta pallayyagayya anna mannono ittam paga tu makua tam tapenu mas makapasserbi ta Dios. (Bibbigan i Filipos 3:16.) I passerbi kani Jehova i kapianan nga pattolay!—Salmo 84:10.
2. Anni paga i mawag nga kuammu?
Mabalin ngana i paggigiammum taw nga libru, ngem ari mangultimu i pattolem bilang Cristiano. Kagian na Biblia: “Mawag tu egga nikamu i natalibagu nga kata-katolay.” (Efeso 4:23, 24) Mas aru i magigiammum meyannung kani Jehova anna ta kualidadna ira ta paggigiammum ta Uvovugna anna pagatendem ta study ira. Ammuan nu kunnasim paga mas maparigan i personalidadna. Uliammu i kawagan tapenu mapagayayya si Jehova.
3. Kunnasi naka uffunan ni Jehova?
Kagian na Biblia: “I Dios . . . i mallanno ta ngamin nga pakkurangan nu. Yaya mismu i mamasikan anna mamakaladda ta angngurug nu.” (1 Pedro 5:10) Meparubang ittam ngamin ta tentasion ira. Ngem uffunan ittam ni Jehova tapenu malabanan yatun. (Salmo 139:23, 24) Nipromesana nga iddan naka tu pakkaraga anna pakawayya nga matalo nga masserbi nisa.—Bibbigan i Filipos 2:13.
GIGIAMMUAN I ARU PAGA
Ammuan nu kunnasi ka nga mas maddukko kani Jehova, anna nu kunnasi naka bendisionan.
4. Itulu-tuloy mu i makikomunika ta kapianan nga Kofummu
Nakoffun i pakimallo anna paggigiammum tu Biblia tapenu mabbalin tu kofummu si Jehova. Kunnasi ka paga mabbalin tu mas madukko nisa megafu tatun?
Bibbigan i Salmo 62:8, anna paguvovugan yaw nga pakkiavu:
-
Tapenu mas mapaladdam i pakikkofummu kani Jehova, kunnasim mas mapakasta i kalidad na pakimallo mu?
Bibbigan i Salmo 1:2, anna paguvovugan yaw nga pakkiavu:
-
Tapenu mas mapaladdam i pakikkofummu kani Jehova, anni i mawag nga kuammu tapenu mas mabenefisiowakka ta pabbibbig mu tu Biblia?
Kunnasi ka nga mas mabenefisiowan ta personal nga paggigiammum? Girawan i VIDEO tapenu innan i karuan nga angngarigan, anna paguvovugan i tumunug ira nga pakkiavu.
-
Anni ira nga suhestion ta video i awayyam kuan?
-
Anni ira nga topiko i kayà mu gigiammuan?
5. Mapeggan tu espiritual ira nga addetan
Mas paga nga mapprogreso ka ta passerbim kani Jehova nu egga ira i espiritual nga addetammu. Girawan i VIDEO, anna paguvovugan i tumunug nga pakkiavu.
-
Ta video, kunnasi nabenefisiowan si Cameron megafu ta egga i espiritual nga addetanna?
Ari nga mawayya na ngamin i magali ta tanakuan nga nasion tapenu mallayyagayya. Ngem awayya tam mapeggan tu realistiko ira nga espiritual nga addetan. Bibbigan i Proverbio 21:5, anna ikonsidera nu anni ira nga espiritual nga addetan i kayà mu kuan . . .
-
ta kongregasion.
-
ta ministerio.
Kunnasi makoffun i prinsipio taw nga teksto tapenu magawa mu i espiritual ira nga addetammu?
Addetan ira nga awayyam kuan
-
Pakastan i kalidad na pakimallo mu.
-
Bibbigan i interu Biblia.
-
Ammuammu i ngamin ta kongregasiommu.
-
Mapeggan anna mangikondukta tu Bible study.
-
Ma-auxiliary payunir onu mar-regular pioneer.
-
Nu tadday ka nga brother, ikagumammu nga mabbalin tu ministerial nga aripan.
6. Magayayya nga mattolay tu mannanayun!
Bibbigan i Salmo 22:26, anna paguvovugan yaw nga pakkiavu:
-
Anni i awayyam nga kuan tapenu magayayya ka nga mattolay sangawe anna ta mannanayun?
ANNI I NAGIGIAMMUM?
Itulu-tuloy nga paladdan i pakikkofummu kani Jehova anna mapeggan tu espiritual ira nga addetan. Siguradu nga magayayya ka nga mattolay tu mannanayun!
Review
-
Ngatta makasiguradu ka nga uffunan naka ni Jehova nga matalo nga passerbian yayya?
-
Kunnasim mas mapaladda i pakikkofummu kani Jehova?
-
Kunnasi ka nga moffunan na espiritual ira nga addetan tapenu mas maddukko kani Jehova?
I AWAYYAM PAGA KUAN
Anni i mas tagibaloran ni Jehova, i tadday nga kappabbaw nga pangipasingattam tu debosiottam nisa onu i pabbalittam tu matalo nisa ta interu nga pattolay tam?
Egga ira i tiempo nga mapawan i pagayayya na matalo ira nga aripan ni Jehova. Girawan nu kunnasi metoli yatun.
Itoli i Pagayaya Gukaban na Paggigiammu Anna Monag nga Pannono (5:25)
Kunnasi ka mapeggan tu espiritual ira nga addetan anna kunnasim magawa yatun?
“Idayaw i Namaratu Gukaban na Espiritual ira nga Addetan” (Passifusifutan, Hulio 15, 2004)
Ngatta importante i pabbalin tu manakam ta espiritual, anna kunnasi ka mammanakam ta espiritual?
Baka Kaya Mu Gapa i
GAGANGAY IRA NGA PAKKIAVU
Anni nga Paggigiammu ta Biblia i Iyofer na Saksi ira ni Jehova?
Ta libre nga paggigiammu nga iyofer na Saksi ira ni Jehova, awayyam usan i maski anni nga translation na Biblia. Awayyam imbitan i interu familiam onu kokkofummu ira ta pab-Bible study.
