TIMEƔRI TIS 60
Kemmel sseǧhad tadukli-inek akk-d Yahwa
Taktabt-agi ireṣṣan ɣef Wedlis Iqedsen tɛawen-ik aţ-ţissineḍ aṭas n leḥwayeǧ ɣef Yahwa. Ahat tbuddeḍ-as iman-ik yerna teţwaɣeḍṣeḍ axaṭer tḥemmleḍ-t mliḥ. Ma mazal ur teţwaɣeḍṣeḍ ara, ahat ur teţɛeṭṭileḍ ara. Meɛna ur tḥebbseḍ ara lmeǧhudat-ik ass-nni ideg ara teţwaɣeḍṣeḍ. Tzemreḍ aţ-ţkemmleḍ aţ-ţeţqerribeḍ ɣer Yahwa ṭṭul n leɛmeṛ-ik. Amek?
1. Ayɣer i glaq aţ-ţesseǧhadeḍ daymen tadukli-inek akk-d Yahwa?
Ilaq a nxeddem lmeǧhudat bac a nesseǧhad tadukli-nneɣ akk-d Yahwa. Acuɣer? “Iwakken ur nţeffeɣ ara i webrid” (Iɛebṛaniyen 2:1). D acu ara ɣ-iɛiwnen a neqqim d unṣiḥen i Yahwa? Ma nezga neţberriḥ yerna neţnadi amek ara neqdec ɣef Ṛebbi s wul-nneɣ meṛṛa (ɣer-ed Ifilibiyen 3:16). Leqdic ɣef Yahwa yeţɛawan-aɣ a nesɛu tudert ifazen akk di ddunit! (Ahellil 84:11).
2. D acu daɣen i glaq aţ-ţxeddmeḍ daymen?
Atan tekfiḍ leqraya n tektabt-agi, meɛna tamɛict-ik n umasiḥi akken kan i tebda. Adlis Iqedsen yeṭṭalab-aɣ-d ‘a nels ṭṭbiɛa tajdiṭ’ (Ifasusiyen 4:23, 24). Ma teqqareḍ yerna tessenqadeḍ Awal n Ṛebbi, yerna tḥeddṛeḍ i inejmuɛen, aţ-ţissineḍ leḥwayeǧ tijdidin ɣef Yahwa d ṣṣifat-ines. Nadi amek ara t-tɛandeḍ di ccexṣiyya-ines. Ţnadi dima amek ara tbeddleḍ ṭṭbiɛa-k d lefɛayel-ik iwakken aţ-ţessefṛḥeḍ Yahwa.
3. Amek ara k-iɛiwen Yahwa bac aţ-ţeţqeddimeḍ ɣer zdat?
Adlis Iqedsen yeqqar-ed: “Illu [...] a kwen-iwenneɛ, a kwen-ireṣṣi, a kwen-isseǧhed, a wen-isers lsas iṣeḥḥan” (1 Buṭrus 5:10). Akken ma nella a neţţujeṛṛeb. Meɛna Yahwa a ɣ-d-yefk tazmert i neḥwaǧ bac a nqabel ajeṛṛeb-agi (Ahellil 139:23, 24). Iwɛed-aɣ a ɣ-d-yefk lebɣi akk-d tezmert iwakken a neqdec fell-as s nnṣaḥa (ɣer-ed Ifilibiyen 2:13).
A NNADI A NEFHEM AKTEṚ
A nwali amek ara tkemmleḍ aţ-ţeţqeddimeḍ ɣer zdat d wamek ara k-ibarek Yahwa.
4. Ţmeslay daymen d Weḥbib-ik ɛzizen yerna ţḥessis-as
Taẓallit akk-d tɣuri n Wedlis Iqedsen ɛawnent-ek aţ-ţuɣaleḍ d aḥbib n Yahwa. Amek ara txedmeḍ bac a k-ţɛawanent snat n leḥwayeǧ-agi aţ-ţeţqerribeḍ daymen ɣur-es akteṛ?
Ɣret-ed Ahellil 62:9, mbeɛd hedṛet ɣef westeqsi-yagi:
-
D acu i tzemreḍ aţ-ţwennɛeḍ di tẓilla-inek bac aţ-ţesseǧhdeḍ tadukli-inek akk-d Yahwa?
Ɣret-ed Ahellil 1:2, mbeɛd hedṛet ɣef westeqsi-yagi:
-
D acu i tzemreḍ aţ-ţwennɛeḍ di leqraya-inek n Wedlis Iqedsen bac aţ-ţesseǧhdeḍ tadukli-inek akk-d Yahwa?
Amek ara d-tesfaydiḍ akteṛ si tɣuri-inek n Wedlis Iqedsen? Walit BIDYU-YAGI, mbeɛd hedṛet ɣef yesteqsiyen i d-iţeddun.
-
Acu n lewṣayat i tzemreḍ aţ-ţessexdmeḍ?
-
Acu n temsal i tebɣiḍ aţ-ţessenqdeḍ di tɣuri-inek?
5. Ẓer amek i tzemreḍ aţ-ţqedceḍ akteṛ ɣef Yahwa
Ma tesɛiḍ lmeqsudat n ṛṛuḥ, ayagi a k-iɛiwen aţ-ţeţqeddimeḍ ɣer zdat. Walit BIDYU-YAGI, mbeɛd hedṛet ɣef westeqsi i d-iţeddun.
-
Acu n lfaydat i tufa Cameron imi i tesɛa lmeqsudat n ṛṛuḥ?
Ur nezmir ara a nṛuḥ irkelli a nberreḥ di tmurt nniḍen. Meɛna akken ma nella nezmer a nesɛu lmeqsudat. Ɣret-ed Lemtul 21:5. Meyyez ɣef lmeqsudat i tzemreḍ aţ-ţesɛuḍ...
-
di tejmaɛt.
-
deg uberreḥ.
Amek ara k-iɛiwen wafir-agi akken aţ-ţessiwḍeḍ ɣer lmeqsudat-ik?
Acu i tenniḍ lukan...
-
aţ-ţwennɛeḍ tiẓilla-inek?
-
aţ-ţeɣreḍ Adlis Iqedsen s lekmal-is?
-
aţ-ţnadiḍ aţ-ţissineḍ iɛeggalen meṛṛa n tejmaɛt?
-
aţ-ţnadiḍ aţ-ţesseɣreḍ Adlis Iqedsen i walbeɛḍ?
-
aţ-ţuɣaleḍ d anaram neɣ d anaram amɛiwen?
-
aţ-ţxedmeḍ ayen ilaqen bac aţ-ţiliḍ d aqeddac amɛiwen, ma d gma-tneɣ i telliḍ?
6. Aţ-ţɛiceḍ i dayem!
Ahellil 22:26 (Ṭrejma n ddunit tajdiṭ, s tṛumit) yenna-d: “Wid yesɛan annuz ad ččen yerna ad ṛwun; wid yeţnadin ɣef Yahwa a t-ḥemden. Aţ-ţɛicem i dayem!” Hedṛet ɣef westeqsi-yagi:
-
D acu i tzemreḍ aţ-ţxedmeḍ bac aţ-ţesɛuḍ tamɛict yelhan si tura yerna i dayem?
AYEN I D-NELMED
Kemmel sseǧhad tadukli-inek akk-d Yahwa yerna sɛu lmeqsudat n ṛṛuḥ. Akka, aţ-ţizmireḍ aţ-ţɛiceḍ i dayem!
A d-nesmekti
-
Ayɣer i teţţuqennɛeḍ belli Yahwa a k-iɛiwen aţ-ţqedceḍ fell-as s nnṣaḥa?
-
Amek i tzemreḍ aţ-ţesseǧhdeḍ tadukli-inek akk-d Yahwa?
-
Ma tesɛiḍ lmeqsudat n ṛṛuḥ, ayagi a k-iɛiwen aţ-ţeţqeddimeḍ ɣer zdat. Acuɣer?
TZEMREḌ AŢ-ŢWALIḌ DAƔEN
D acu i gesɛan lqima akteṛ ɣer Yahwa: aţ-ţxedmeḍ yiwet n tikkelt kra n lḥaǧa tameqrant ara s-iɛeǧben mliḥ, neɣ aţ-ţeqqimeḍ d unṣiḥ tudert-ik kamel?
Ula d aqeddac n Yahwa i gellan d unṣiḥ, yezmer a s-iṛuḥ lfeṛḥ-is. D acu ara yexdem akken a t-id-yuɣal?
Amek ara tesɛuḍ lmeqsudat n ṛṛuḥ yerna aţ-ţessiwḍeḍ ɣur-sen?
Glorifiez votre Créateur en vous fixant des objectifs spirituels (La Tour de Garde, 15 juillet 2004)
Acuɣer i glaq aţ-ţegmuḍ di leḥwayeǧ n ṛṛuḥ yerna d acu ara txedmeḍ akken aţ-ţessiwḍeḍ ɣer wayagi?