LISHOMO 60
Wena mushu unanowanga umbodi wako namu Yeova
Mu mashomo ala la Ibibiliya, wako undilipundisha vinu vyoe kwaupande umwe Yeova. Vinu uti vyaulipundishidye vindyanjedya linagwaledyo lyako kumwe Yeova na inkuululika wako undilijaula kumwe Yeova na undibatishwa. Ikava kenga haunava, panji unkukumbukila kutenda davo muwakati wakuvandika. Kanji kukulumuka kwako nkati mu imumu hakunamalilikila shinu ku ubatisho. Wako ikuvaikidile uke mushu unanowanga ngwengwe umbodi wako namu Yeova. Kanji ulota kutenda dashi?
1. Mwaa shani wako ikuvaikidile uke mushu unanowanga umbodi wako namu Yeova?
Ituvaikidile tuke mushu tulikanyalidya kunanowanga umbodi wetu namu Yeova. Mwaa wa nyamani? “Kwambangidya hatunaashalange” au pakulota hatunapukanange namu nae. (Vabalaniya 2:1) Nyamani shilota kutupwashela kuka mushu tuntumikila Yeova mukukulupilika? Ituvaikidile ngwengwe tupagwe ku kwandadya ntenga na tulambele dinamuna dyakwanjedya shimadengo kumwe Yeova. (Shomya Vapilipo 3:16.) Kuntumikila Yeova ni shinu shambone shituvaikidile tutende mushingumi shetu!—Dimu 84:10.
2. Nyamani shinji shikuvaikidile uke mushu utenda?
Ata ikava kenga kushomya kwa Ibibiliya kundimalilika, shingumi shako kenga ntumika umwe Yeova shinkwanjanga vila. Ibibiliya inkushidoni, ituvaikidile “tungwale munu waambi.” Au ituvaikidile tujedye umunu umwe Yeova mu inamuna ivaikidile. (Vaepeshu 4:23, 24) Pavedoni, ituvaikidile tuke mushu tushomya Ibibiliya na tupagwa ku mikutano. Tukauka mushu tulipundisha vinu vyaambi kwaupande umwe Yeova, mavalelo lake na tutenda mabadiliko lavaikidile mushingumi shetu, tunauka napuwangidya ntima wake nae.
3. Yeova alota kukupwashela dashi wako kuka mushu uva mbodi wake?
Ibibiliya inkushidoni: “Nnungu . . . anandyuwangidya, andamwakikisha, andamupa dimongo na anammika pashanya shitunduvangilo.” (1 Patulu 5:10) Uti wetu tunkupililila malingo. Kanji Yeova andatupa shivaikidile pakulota tuke mushu tuva tuvakukulupilika kwake nae. (Dimu 139:23, 24) Nae ankulivikila kukupa dimongo na lilatelo pakulota untumikile mukukulupilika.—Shomya Vapilipo 2:13.
LAMBELA KUMANYA VYOE
Lola mwashi mwaulota kukila mushu unanowanga umbodi wako namu Yeova na mwashi mwaulota kupatila dinudyo mushingumi shako.
4. Haunaleke kwambanga mwaa wambone na mbodi wako waunkulupila
Kushwali na kushomya Ibibiliya kunakupwashela wako kuva mbodi umwe Yeova. Kanji vinu avi vilota kukupwashela dashi wako kuva mbodi wapepi namu Yeova?
Shomya Dimu 62:8, na badae mwambangile mwaa shakudya sha mwina:
-
Pakulota kunanowanga umbodi wako namu Yeova, wako ikuvaikidile ushwali dashi kwake?
Shomya Dimu 1:2 na inota, na badae mwambangile mwaa shakudya sha mwina:
-
Pakulota kunanowanga umbodi wako namu Yeova, kushomya kwako kwa Ibibiliya kuvaikidile kuve dashi?
Wako ulota kutadya dashi kushomya kwako kwa Ibibiliya kuvanavo mana? Pakulota uvenavo maoni lanji, lola VIDEO, na badae mwambangile mwaa vyakudya vya mwina.
-
Kulingana na video, maoni shani lakunagwadile wako uvikile mmitendo?
-
Vinu shani vikunagwadile wako pakulota ushomye?
5. Avanavo dishabaa dya mwimumu
Kuvanavo dishabaa mushimadengo shimwe Yeova kundakupwashela kunanowanga umbodi wako namu nae. Lola VIDEO, na badae mwambangile mwaa shakudya sha mwina.
-
Mwaa shani shíndyuka ndava shambone kumwe Cameron kuvanavo dishabaa dya mwimumu?
I doni vanu uti mushilambo vankuulula kubadili kuka shilambo shinji pakulota kuka nandadya ntenga. Kanji uti wetu, ituvaikidile tuvenavo dishabaa dya mwimumu. Shomya Mikong’o 21:5, na badae mwambangile mwaa dishabaa shani dikunagwadile uvenavo . . .
-
pashipinga.
-
mushimadengo shakwandadya ntenga.
Lyaandiko ali lilota kukupwashela dashi wako kutandedya dishabaa dyako?
Dishabaa dinji dikuvaikidile uvenavo
-
Kumanya shana mwashi mwakushwalidya.
-
Kushomya Ibibiliya uti.
-
Kuvamanya vanu uti pashipinga.
-
Kwajanga lipundisho lya Ibibiliya.
-
Kutumikila kenga pioneilu wakupwashela au pioneilu wakawaida.
-
Ikava kenga wako ni nung’unumunu, kutenda dimongo pakulota kuva ntumika wakupwashela.
6. Puwanga ngwengwe na shingumi!
Shomya Dimu 22:26, na badae mwambangile mwaa shakudya sha mwina:
-
Nyamani shikuvaikidile utende pakulota uvenavo lipuwilo ambi apa na ngwengwe?
KWAUNGWIPI
Wena mushu unanowanga umbodi wako namu Yeova na uvanavo dishabaa dya mwimumu. Ukatenda davo undauka napuwanga na shingumi ngwengwe!
Tukumbukilange
-
Mwaa shani wako unkuvanavo wakika kenga Yeova, andauka ndakupwashela wako kuntumikila nae mukukulupilika?
-
Wako ulota kunanowanga dashi umbodi wako namu Yeova?
-
Mwaa shani kuvanavo dishabaa dya mwimumu kunkuulula kunanowanga umbodi wako namu Yeova?
LIPUNDISHE
Yeova alota nyamani, shitendo shimo shakulodya likulupililo lyakunanopa au kukulupilika mushingumi shako uti?
Ata ntumika wakukulupilika umwe Yeova ankuulula kukatoka lipuwilo. Lola mwashi mwakupatila lipuwilo kavili.
Pata kavili lipuwilo kwaindila yakushomya na kukumbukilanga (5:25)
Wako ulota kuvanavo dashi dishabaa dya mwimumu na kutandedya?
“Tumia Miradi ya Kiroho ili Kumtukuza Muumba Wako” (Mnara wa Mlinzi, Julai 15, 2004)
Mwaa shani ni shinu shikumene kuva Nklistu wakukamala na ulota kuulula dashi kuva davo?
“Songa Mbele Kuelekea Ukomavu—‘Ile Siku Kuu ya Yehova Iko Karibu’” (Mnara wa Mlinzi, Mei 15, 2009)
