ILINNIAGASSAQ 60
Anersaakkut siumukartuarit
Pikkorissarnermi matumani Jehova Guuti pillugu ilikkagaqangaarsimavutit. Ilikkakkatit pissutigalugit Jehova asalersimavat, immaqalu taassumunnga tunniulluinnarsimallutillu imermut morsutsinneqarsimavutit. Suli taamaaliorsimanngikkuit qularnanngitsumik piffissami qaninnermi taamaaliornissat eqqarsaatigaat. Imermulli morsutsinneqareeraluarluta suli siumukartuartariaqarpugut. Jehovamummi qanilliartortuarsinnaavugut naassaanngitsumik. Qanoq?
1. Sooq Jehovamik ikinnguteqarnerit nakussatsittuartariaqarpiuk?
Jehovamit “qimagukkiartunngisaannarniassagatta” taassuminnga ikinnguteqarnerput sulissutigiuartariaqarparput. (Hebræerit 2:1) Jehovamulli aalajaattuarnissatsinnut suna iluaqutigissavarput? Oqaluussinermik ulapputeqarneq allatigullu Jehovamut kiffartornermi periarfissarsiortarneq. (Filippimiut 3:16 atuarsiuk). Tamannami inooriaasiuvoq pitsaanerpaaq! – Tussiaat 84:11.
2. Aamma sujuartariaqarpit?
Pikkorissarnerit naammassivat kristumiutullu inuunerit aallartilluarsimallugu. Biibili misissoraangakku ataatsimeeqataagaangavillu Jehova pissusiilu pillugit nutaanik ilikkagaqartuassaatit. Inuuninni Jehova qanoq ilaarsinnaanerlugu eqqumaffigiuaruk. Jehovalu nuannaartikkumallugu pisariaqartunik allannguisarit. Taamaaliortaruit Biibilimi allassimasutut ‘kinaassuseq nutaaq atissavat’. – Efesossimiut 4:23, 24.
3. Siumukarninni Jehovamit qanoq ikiorneqassavit?
Biibilimi ima allassimavoq: “Guutip ... ilinniartinneqarnersi naammassissavaa. Aalajaallisillusilu nakussatsillusilu patajaallisissavaasi.” (Petrusimit 1. 5:10) Tamatta ussernartorsiortarpugut. Jehovali neriorsuivoq ussernartut akiorsinnaaniassagatsigit nakussatsittassalluta. (Tussiaat 139:23, 24) Aamma neriorsuivoq aalajaalluta kiffartortuarsinnaaqqulluta piumassuseqalersittarlutalu pissatsittassalluta. – Filippimiut 2:13 atuarsiuk.
ITISILIINEQ
Anersaakkut qanoq siumukartuarsinnaasutit Jehovallu qanoq pilluaqqusarumaaraatit paasiniakkit.
4. Ikinngutiginerpaasat oqaluuttuarlugulu tusarnaartuaruk
Jehova ikinngutigilerumallugu qinusarsimallutillu Biibili misissoqqissaartarsimavat. Taamaaliortuarneq iluaqutigalugu qanoq qanillinerusinnaaviuk?
Tussiaat 62:9 atuarsiuk apeqqullu una eqqartorlugu:
-
Jehovamut qaninnerulerumallutit qinnutitit qanoq pitsanngorsarsinnaavigit?
Tussiaat 1:2 atuarsiuk apeqqullu una eqqartorlugu:
-
Jehovamut qaninnerulerumallutit Biibilimik atuartarnerit qanoq pissarsiffigilluarnerusinnaaviuk?
Nammineq Biibilimik misissueqqissaartarnerit qanoq pissarsiffigilluarnerusinnaaviuk? Siunnersuutit ilaat paasiumallugit VIDEO takusiuk apeqqutillu tulliuttut eqqartorlugit.
-
Siunnersuutit sorliit maleruarusuppigit?
-
Sammisat suut misissoqqissaarusuppigit?
5. Jehovamut kiffartornermi anguniagaqartarit
Anguniagaqartaruit anersaakkut siumukartuarsinnaassaatit. VIDEO takusiuk apeqqullu tulliuttoq eqqartorlugu.
-
Qatanngutip arnap inuusuttup anguniagaqarsimanini qanoq iluaqutigisimavaa?
Nalunaajaasut ilaannaat nunamut allamut oqaluussiartorlutik nuussinnaapput. Tamattali pisinnaasagut naapertorlugit anguniagaqartarsinnaavugut. Ussatit 21:5 atuarsiuk. Eqqarsaatigiuk ukunani sunik anguniagaqarusunnerlutit:
-
Ilagiinni
-
Oqaluussinermi
Allassimaffimmi najoqqutassiaq iluaqutigalugu anguniakkatit qanoq angusinnaavigit?
Anguniagarisinnaasatit
-
Qinnutitit pitsanngorsakkit.
-
Biibili naallugu atuaruk.
-
Ilagiinniittut tamaasa ilisarisimallualikkit.
-
Biibilimik ilinniartitaqalerit.
-
Pionerinngorit ikiorti-pionerinngorlutilluunniit.
-
Angutaaguit ilagiinni kiffartortunngornissat sulissutigiuk.
6. Naassaanngitsumik pilluarsinnaavutit!
Tussiaat 22:27 aamma Johannesimit 1. 2:25 atuarsigit apeqqullu una eqqartorlugu:
-
Maanna siunissamilu naassaanngitsumik pilluarumallutit susinnaavit?
EQIKKAANEQ
Jehova qaninnerujartortuaruk taassumunngalu kiffartornermi anguniagaqartuarlutit. Taava naassaanngitsumik pilluassaatit!
Uteqqiineq
-
Sooq upperilluinnarpiuk aalajaattuarsinnaaqqullutit Jehovap ikiorumaaraatit?
-
Jehovamik ikinnguteqarnerit qanoq nakussatsissinnaaviuk?
-
Anersaakkut siumukarninni anguniagaqarneq qanoq iluaqutigisinnaaviuk?
NAMMINEQ MISISSUGASSATIT
Jehovap suna nuannarineruaa? Ataasiarluta immikkut ittumik aalajaannitsinnik takutitsineq imaluunniit inuunerput tamaat aalajaattuarneq?
Jehovamut kiffaasut aalajaatsut nikallorsinnaasarput. Qanoq nuannaaqqilertoqarsinnaasoq takuuk.
Biibilimik misissueqqissaartarnikkut nuannaaqqilerit (5:25)
Jehovamut kiffartornermi qanoq anguniagaqalersinnaavit angullugillu?
“Jehovap ataqqinaatissaanik anguniagaqartarit” (Napasuliaq Alapernaarsuiffik-mi allaaserisaq)
Kristumiutut qanoq inersimallualertoqarsinnaava, aamma sooq pingaaruteqarpa?