មេរៀនទី៦០

ចូរបន្តរីកចម្រើនតទៅទៀត

លេង

តាមរយៈសៀវភៅនេះ អ្នកបានរៀនយ៉ាងច្រើនពីគម្ពីរអំពីព្រះយេហូវ៉ា។ អ្វីដែលអ្នកបានរៀន ធ្វើឲ្យអ្នកស្រឡាញ់លោកកាន់តែខ្លាំង។ ប្រហែលនេះជាមូលហេតុដែលអ្នកបានប្រគល់ខ្លួនជូនព្រះ ហើយទទួលការជ្រមុជទឹក ឬក៏អ្នកកំពុងគិតធ្វើដូច្នេះនៅពេលឆាប់ៗខាងមុខ។ ទោះជាអ្នកបានទទួលការជ្រមុជទឹកហើយក៏ដោយ អ្នកមិនត្រូវឈប់រីកចម្រើនទេ។ ផ្ទុយទៅវិញ អ្នកគួរបន្តមានចំណងមិត្តភាពជិតស្និទ្ធជាមួយនឹងព្រះយេហូវ៉ាជារៀងរហូត។ តើតាមរបៀបណា?

១. ហេតុអ្វីអ្នកគួរបន្តពង្រឹងចំណងមិត្តភាពរបស់អ្នកជាមួយនឹងព្រះយេហូវ៉ា?

យើងត្រូវព្យាយាមបន្តមានចំណងមិត្តភាពរឹងមាំជាមួយនឹងព្រះយេហូវ៉ា។ ហេតុអ្វី? «ដើម្បីកុំឲ្យយើងរសាត់ចេញ»ពីលោក។ (ហេប្រឺ ២:១) តើអ្វីអាចជួយយើងឲ្យបន្តបម្រើព្រះយេហូវ៉ាយ៉ាងស្មោះត្រង់? យើងអាចបន្តជាប់រវល់ក្នុងកិច្ចផ្សព្វផ្សាយ ហើយបន្តស្វែងរកវិធីផ្សេងៗដើម្បីបម្រើព្រះរបស់យើងឲ្យបានច្រើនជាង។ (សូមអាន ភីលីព ៣:១៦) ការបម្រើព្រះយេហូវ៉ាជារបៀបរស់នៅដ៏ល្អបំផុត!—ចម្រៀងសរសើរព្រះ ៨៤:១០

២. តើអ្នកគួរបន្តធ្វើអ្វីទៀត?

ទោះជាអ្នករៀនចប់សៀវភៅនេះក៏ដោយ អ្នកត្រូវបន្តមានរបៀបរស់នៅជាគ្រិស្តសាសនិក។ ហេតុអ្វី? ព្រោះគម្ពីរប្រាប់ថាយើងត្រូវបន្ត«ពាក់បុគ្គលិកលក្ខណៈថ្មី»។ (អេភេសូរ ៤:២៣, ២៤) កាលដែលអ្នកបន្តរៀនបណ្ដាំរបស់ព្រះ និងបន្តចូលរួមកិច្ចប្រជុំក្រុមជំនុំ នោះអ្នកនឹងរៀនអ្វីថ្មីៗអំពីព្រះយេហូវ៉ានិងគុណសម្បត្តិរបស់លោក។ សូមស្វែងរកវិធីដែលអ្នកអាចធ្វើតាមគុណសម្បត្តិរបស់លោកឲ្យបានច្រើនជាងក្នុងជីវិតប្រចាំថ្ងៃ។ ចូរបន្តធ្វើការកែប្រែជានិច្ចដើម្បីឲ្យព្រះយេហូវ៉ាសប្បាយរីករាយ។

៣. តើព្រះយេហូវ៉ានឹងជួយអ្នកឲ្យរីកចម្រើនយ៉ាងដូចម្ដេច?

គម្ពីរចែងថា៖ «ព្រះ . . . នឹងបង្គ្រប់ការហ្វឹកហ្វឺនរបស់អ្នករាល់គ្នា។ លោកនឹងធ្វើឲ្យអ្នករាល់គ្នាមាំមួនហើយខ្លាំងក្លា លោកនឹងជួយអ្នកមិនឲ្យរង្គោះរង្គើឡើយ»។ (ពេត្រុសទី១ ៥:១០) យើងទាំងអស់គ្នានឹងជួបប្រទះការល្បងលជាមិនខាន។ ប៉ុន្តែ ព្រះយេហូវ៉ានឹងផ្ដល់ឲ្យយើងនូវអ្វីដែលយើងត្រូវការ ដើម្បីយកឈ្នះការល្បងលទាំងនោះ។ (ចម្រៀងសរសើរព្រះ ១៣៩:២៣, ២៤) លោកបានសន្យាថានឹងឲ្យអ្នកមានបំណងចិត្តនិងកម្លាំងដើម្បីបន្តបម្រើលោកយ៉ាងស្មោះត្រង់។—សូមអាន ភីលីព ២:១៣

បង្កើនចំណេះ

សូមពិចារណាអំពីរបៀបដែលអ្នកអាចបន្តរីកចម្រើន និងអំពីរបៀបដែលព្រះយេហូវ៉ានឹងឲ្យពរអ្នក។

៤. ចូរប្រាស្រ័យទាក់ទងនឹងមិត្តដ៏ល្អបំផុតរបស់អ្នក

ការអធិដ្ឋាននិងការសិក្សាគម្ពីរបានជួយអ្នកឲ្យទៅជាមិត្តសម្លាញ់របស់ព្រះយេហូវ៉ា។ ហេតុអ្វីការបន្តធ្វើដូច្នេះអាចជួយអ្នកឲ្យមានចំណងមិត្តភាពជិតស្និទ្ធកាន់តែខ្លាំងជាមួយនឹងលោក?

សូមអាន ចម្រៀងសរសើរព្រះ ៦២:៨ រួចពិភាក្សាសំណួរនេះ៖

តាមខនេះ ដើម្បីពង្រឹងចំណងមិត្តភាពរបស់អ្នកជាមួយនឹងព្រះយេហូវ៉ា អ្នកត្រូវធ្វើឲ្យសេចក្ដីអធិដ្ឋានរបស់អ្នកមានន័យខ្លឹមសារ។ តើតាមរបៀបណា?

សូមអាន ចម្រៀងសរសើរព្រះ ១:២ និងកំណត់សម្គាល់ រួចពិភាក្សាសំណួរនេះ៖

តាមខនេះ ដើម្បីពង្រឹងចំណងមិត្តភាពរបស់អ្នកជាមួយនឹងព្រះយេហូវ៉ា អ្នកត្រូវទទួលប្រយោជន៍ច្រើនជាងពីការអានគម្ពីរ។ តើតាមរបៀបណា?

តើតាមរបៀបណាអ្នកអាចទទួលប្រយោជន៍ច្រើនជាងពីការសិក្សាផ្ទាល់ខ្លួន? ដើម្បីមើលយោបល់ខ្លះ សូមលេងវីដេអូ រួចពិភាក្សាសំណួរដូចតទៅ៖

វីដេអូ: ចូរធ្វើឲ្យការសិក្សាផ្ទាល់ខ្លួនកាន់តែប្រសើរឡើង (៥:២២)

តើយោបល់មួយណាក្នុងវីដេអូដែលអ្នកចង់ធ្វើតាម?
តើអ្នកចង់សិក្សាប្រធានបទមួយណា?

៥. ចូរកំណត់គោលដៅដើម្បីបម្រើព្រះយេហូវ៉ាឲ្យបានប្រសើរជាង

ការមានគោលដៅក្នុងកិច្ចបម្រើព្រះយេហូវ៉ានឹងជួយអ្នកឲ្យបន្តរីកចម្រើន។ លេងវីដេអូ រួចពិភាក្សាសំណួរដូចតទៅ៖

វីដេអូ: ជីវិតដ៏មានន័យខ្លឹមសារបំផុត (៣:៣១)

ក្នុងវីដេអូនេះ តើខេមរិនបានទទួលប្រយោជន៍អ្វីខ្លះពីការកំណត់គោលដៅក្នុងកិច្ចបម្រើព្រះ?

មិនមែនបងប្អូនទាំងអស់អាចរើទៅផ្សព្វផ្សាយនៅប្រទេសផ្សេងទេ។ ប៉ុន្តែ យើងទាំងអស់គ្នាអាចកំណត់គោលដៅដែលយើងអាចធ្វើបាន។ សូមអាន សុភាសិត ២១:៥ រួចសូមពិចារណាគោលដៅដែលអ្នកអាចមានដើម្បីជួយ . . .